ଆଜିକାଲି ଖୁବ୍ ଶୀଘ୍ର ପରିବର୍ତ୍ତନ ହେଉଛି ପାଗ । ଏଭଳି ସ୍ଥିତରେ ଆପଣଙ୍କ ଶରୀରରେ ପାଣିର ଅଭାବ ହେବା ସ୍ୱାଭାବିକ । ଯାହା କିନ୍ତୁ ସ୍ୱାସ୍ଥ୍ୟ ପାଇଁ ବହୁ କ୍ଷତିକାରକ । ତେଣୁ ସବୁବେଳେ ହାଇଡ୍ରେଟେଡ୍ ରହିବା ଉଚିତ୍ ଏବଂ ନିଜ ଖାଦ୍ୟପେୟର ବିଶେଷ ଯତ୍ନ ନେବା ଉଚିତ୍। ଏହି ଋତୁରେ ସଠିକ୍ ପରିମାଣର ପାଣି ଏବଂ ଖାଦ୍ୟ ପିଇବା ଦ୍ୱାରା ଆପଣଙ୍କର ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ । ସେପେଟା ଖାଇବା ଦ୍ୱାରା ଆପଣଙ୍କର ରୋଗ ପ୍ରତିରୋଧକ ଶକ୍ତି ବହୁତ ଶକ୍ତିଶାଳୀ ହୋଇପାରିବ । ସେପୋଟା ହେଉଛି ଏକ ଫଳ, ଯାହା ପୁଷ୍ଟିକର ପଦାର୍ଥର ଏକ ଭଣ୍ଡାର । ତେବେ ଆସନ୍ତୁ ଜାଣିବା ଏହି ଋତୁରେ କାହିଁକି ସେପେଟା ଖାଇବା ଉଚିତ?
ଭିଟାମିନ୍ ସିରେ ଭରପୁର: ପ୍ରାକୃତିକ ଉପାୟରେ ରୋଗ ପ୍ରତିରୋଧକ ଶକ୍ତିକୁ କରିଥାଏ ସୁଦୃଢ଼
ଚିକୁ କିମ୍ୱା ସେପେଟା ଭିଟାମିନ୍ ସିର ଏକ ଉନ୍ନତ ଉତ୍ସ, ଯାହା ଆପଣଙ୍କ ରୋଗ ପ୍ରତିରୋଧକ ଶକ୍ତିକୁ ସୁଦୃଢ଼ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ଆଣ୍ଟିଅକ୍ସିଡେଣ୍ଟ ଭାବରେ କାମ କରିଥାଏ । ଶୀତଦିନ ସରିବା ସମୟରେ ଋତୁ ପରିବର୍ତ୍ତନ କାରଣରୁ ଥଣ୍ଡା ଏବଂ ଫ୍ଲୁର ଆଶଙ୍କା ଲାଗି ରହିଥାଏ । ସେଥିରୁ ରକ୍ଷା ପାଇବା ପାଇଁ ଭିଟାମିନ୍ ସି ଯୁକ୍ତ ଖାଦ୍ୟ ଖାଇବା ଆବଶ୍ୟକ । ଏହା ଖାଇବା ଦ୍ୱାରା ଶରୀରକୁ ସଂକ୍ରମଣ ସହିତ ଲଢ଼ିବାରେ ସାହାଯ୍ୟ ମିଳିଥାଏ ।
ଜର୍ଣ୍ଣଲ୍ ଅଫ୍ ନ୍ୟୁଟ୍ରିସନ୍ରେ ପ୍ରକାଶିତ ଏକ ରିସର୍ଚ୍ଚ ଅନୁଯାୟୀ, ପ୍ରଚୁର ପରିମାଣର ଭିଟାମିମ୍ ସି ଯୁକ୍ତ ଖାଦ୍ୟ ଶରୀରରେ ଶ୍ୱେତ ରକ୍ତ କଣିକାର ଉତ୍ପାଦନ ବଢାଇଥାଏ । ଯାହା ବିଭିନ୍ନ ପ୍ରକାରର ରୋଗଗୁଡ଼ିକୁ ଦୂରେଇ ରଖିବା ପାଇଁ ନିତ୍ୟାନ୍ତ ଆବଶ୍ୟକ । ତେଣୁ ନିଜ ଡାଏଟ୍ରେ ଚିକୁ ବାସେପେଟାକୁ ସାମିଲ କରନ୍ତୁ । ଏହାକୁ ଖାଇବା ଦ୍ୱାରା ଆପଣଙ୍କ ଶରୀରର ରୋଗ ପ୍ରତିରୋଧକ ଶକ୍ତି ପ୍ରାକୃତିକ ଭାବରେ ବଢିବ । ଏବଂ ବଦଳୁଥିବା ଋତୁରେ ଆପଣଙ୍କୁ ଉର୍ଜା ମିଳିବ ।
ପେଟ ପାଇଁ ଭଲ-
ଚିକୁ କିମ୍ୱା ସେପେଟାରେ ଅଧିକ ପରିିମାଣର ଡାଏଟ୍ରି ଫାଇବର୍ ରହିଥାଏ । ଗୋଟିଏ ସେପେଟାରେ ପାଖାପାଖି ୯ ଗ୍ରାମ୍ ଫାଇବର୍ ରହିଥାଏ । ଏହି କାରଣରୁ ସେପେଟା ଏକ ଉତ୍ତମ ଲେକ୍ସେଟିଭ୍ ଭଳି କାମ କରିଥାଏ । ଯଦି ଆପଣ ବାରମ୍ୱାର କୋଷ୍ଠକାଠିନ୍ୟକ ଶିକାର ହେଉଛନ୍ତି ତେବେ, ଏହି ଫଳକୁ ନିଜ ଡାଏଟ୍ରେ ନିଶ୍ଚୟ ସାମିଲ କରନ୍ତୁ । ଚିକୁରେ ଫ୍ଲେବୋନାୟଡ୍ସ ମଧ୍ୟ ରହିଥାଏ, ଯାହା ଆପଣଙ୍କ ଅନ୍ତନଳୀର ସ୍ୱାସ୍ଥ୍ୟକୁ ଉନ୍ନତ କରେ । ଏହାକୁ ଖାଇବା ଦ୍ୱାରା ଆପଣଙ୍କୁ ଅନେକ ପ୍ରକାରର ରୋଗରୁ ମଧ୍ୟ ମୁକ୍ତି ମିଳିବ । ସେପେଟା ଖାଇବା ଦ୍ୱାରା ଆପଣଙ୍କ ପେଟରେ କର୍କଟ ରୋଗ ହେବାର ସମ୍ଭାବନା ମଧ୍ୟ କମିଥାଏ ।
ହାଡ଼ ମଜବୁତ ହୋଇଥାଏ-
ସେପେଟାରେ ଆଇରନ୍, କ୍ୟାଲସିୟମ୍ ଏବଂ ଫସ୍ଫରସ୍ ଭଳି ଉପାଦାନ ମଧ୍ୟ ଭରପୁର ହୋଇ ରହିଛି । ଏହି ମିନେରାଲ୍ସ ଗୁଡିକ ହାଡ଼କୁ ମଜବୁତ କରିବାରେ ସାହାଯ୍ୟ କରିଥାଏ । ଏହ ସ୍ୱାଦିଷ୍ଟ ଫଳରୁ ମିଳୁଥିବା ଅନେକ ପୋଷକ ତତ୍ତ୍ୱ ଦୀର୍ଘ ସମୟ ପାଇଁ ଆପଣଙ୍କ ହାଡ଼କୁ ମଜବୁତ ରଖିବାରେ ସାହାଯ୍ୟ କରିଥାଏ ।
ଚର୍ମ ପାଇଁ ସର୍ବୋତ୍ତମ-
ସେପେଟାରେ ଥିବା ଭିଟାମିନ୍ ସି ଶରୀରରେ କୋଲଜିନ୍ ଉତ୍ପାଦନକୁ ବଢାଇଥାଏ । ଏହାକୁ ଖାଇବା ଦ୍ୱାରା ଚର୍ମ କୁଞ୍ଚନ ମଧ୍ୟ କମିବ । କାରଣ ଏଥିରେ ଆସ୍କରବିକ୍ ଏସିଡ୍, ଫ୍ଲୋଭୋନଇଡ୍ସ ଏବଂ ପଲିଫେନୋଲ୍ସ ଭଳି ଆଣ୍ଟିଅକ୍ସିଡେଣ୍ଟ ରହିଥାଏ ।
ରକ୍ତଚାପ ନିୟନ୍ତ୍ରଣ କରେ-
ସେପେଟାରେ ଥିବା ପୋଟାସିୟମ୍ ଏବଂ ମ୍ୟାଗ୍ନେସିୟମ ରକ୍ତଚାପ ନିୟନ୍ତ୍ରଣ କରିବାରେ ସହାୟକ ହୋଇଥାଏ । ସେପେଟା ହୃତ୍ପିଣ୍ଡ ଏବଂ କୋଲେଷ୍ଟ୍ରୋଲ ସହ ଜଡ଼ିତ ସମସ୍ତ ସମସ୍ୟାକୁ କମାଇବାରେ ସାହାଯ୍ୟ କରିଥାଏ ।
