ନୂଆଦିଲ୍ଲୀ : ଇରାନ ଓ ଆମେରିକା ମଧ୍ୟରେ ଭୟଙ୍କର ଯୁଦ୍ଧ ଜାରି ରହିଛି। ଇସ୍ରାଏଲ ଆମେରିକାକୁ ସମର୍ଥନ କରିଛି ଏବଂ ଦୁହେଁ ମିଶି ଇରାନ ଉପରେ ଜୋରଦାର ଆକ୍ରମଣ କରୁଛନ୍ତି। ଇରାନ ମଧ୍ୟ ପାଲଟ ଆକ୍ରମଣ କରି ଇସ୍ରାଏଲ ଓ ଗଲ୍ଫ ଦେଶରେ ଥିବା ଆମେରିକୀୟ ଘାଟୀକୁ ଟାର୍ଗେଟ୍ କରୁଛି। ଏହି ସବୁରେ ଚୀନ ଓ ରୁଷ୍ ଭଳି ଦେଶରୁ ଇରାନକୁ ସମର୍ଥନ ମିଳିଛି। କୁହାଯାଉଛି ଯେ, ଏହି ଯୁଦ୍ଧ ଅନେକ ଦିନ ଧରି ଚାଲି ପାରେ। ଏହି ମଧ୍ୟରେ ଚୀନର ଭବିଷ୍ୟବକ୍ତା ଭାବେ ଜଣାଶୁଣା ପ୍ରସିଦ୍ଧ ୟୁଟ୍ୟୁବ୍ ଚ୍ୟାନେଲ ପ୍ରଡକ୍ଟିଭ୍ ହିଷ୍ଟ୍ରିର ହୋଷ୍ଟ ଓ ପ୍ରଫେସର ଜୁଏକିନ ଜିୟାଙ୍ଗ ଆଶ୍ଚର୍ଯ୍ୟକର ଭବିଷ୍ୟବାଣୀ କରିଛନ୍ତି। ତାଙ୍କର ତିନୋଟି ଭବିଷ୍ୟବାଣୀ ମଧ୍ୟରୁ ଦୁଇଟି ସତ ହୋଇ ଯାଇଛି, ଏବେ ତୃତୀୟ ଉପରେ ନଜର ଅଛି। ସେ କହିଛନ୍ତି ଯେ, ଇରାନ ଠାରୁ ଆମେରିକା ଏହି ଯୁଦ୍ଧ ହାରି ଯିବ।
ପ୍ରଫେସର ୨୦୨୪ ମସିହାରେ ଏକ ଅନଲାଇନ୍ ଲେକଚରର ସମୟରେ ଏହି ଦାବି କରି ଥିଲା, କିନ୍ତୁ ଏବେ ଏହି ଭିଡ଼ିଓ ଭାଇରାଲ ହେଉଛି। ସେ ଏହି ସମୟରେ ଯେଉଁ ତିନୋଟି ଭବିଷ୍ୟବାଣୀ କରିଥିଲେ, ତାହା ଏହି ପ୍ରକାରର ଥିଲା। ଟ୍ରମ୍ପ କ୍ଷମତାକୁ ଫେରିବେ। ସେ ଇରାନ ସହ ଯୁଦ୍ଧର ଆରମ୍ଭ କରିବେ ଏବଂ ତୃତୀୟ ଭବିଷ୍ୟବାଣୀ ଇରାନ ଠାରୁ ଆମେରିକା ଏହି ଯୁଦ୍ଧ ହାରି ଯିବ। ଜିୟାଙ୍ଗଙ୍କର ତିନୋଟି ଭବିଷ୍ୟବାଣୀ ମଧ୍ୟରୁ ପ୍ରଥମ ଦୁଇଟି ସତ ହୋଇ ଯାଇଛି। ଟ୍ରମ୍ପ ପୁଣି କ୍ଷମତାକୁ ଫେରିଛନ୍ତି ଏବଂ ସେ ଆମେରିକା ଓ ଇରାନ ମଧ୍ୟରେ ଯୁଦ୍ଧର ଆରମ୍ଭ କରିଛନ୍ତି।
ଆହୁରି ମଧ୍ୟ ପଢନ୍ତୁ : ଖାମେନିଙ୍କ ମୃତ୍ୟୁରେ ଶୋକ ପ୍ରକାଶ କଲା ଭାରତ, ଇରାନୀ ରାଷ୍ଟ୍ରଦୂତଙ୍କୁ ସାକ୍ଷାତ କଲେ ବୈଦେଶିକ ସଚିବ
କହି ରଖୁଛୁ କି, ଜିୟାଙ୍ଗ ଚୀନରେ ଫିଲୋସଫି ଓ ହିଷ୍ଟ୍ରିର ପ୍ରଫେସର ଅଛନ୍ତି। ସେ ୟେଲ୍ କଲେଜରୁ ଗ୍ରାଜୁଏସନ କରିଛନ୍ତି ଏବଂ ୟୁଟ୍ୟୁବରେ ମଧ୍ୟ ଖୁବ୍ ଆକ୍ଟିଭ୍ ରୁହନ୍ତି। ସେ ଏହା ମାଧ୍ୟମରେ ଦେଶ-ଦୁନିଆର ବର୍ତ୍ତମାନ ସ୍ଥିତି , ଜିୟୋପଲିଟିକାଲ ସ୍ଥିତି , ଗ୍ଲୋବାଲ ଇଭେଣ୍ଟସ ଆଦି ଉପରେ ଆଲୋଚନା କରନ୍ତି ଏବଂ ନିଜର ମତରେ ଲୋକଙ୍କୁ ଅବଗତ କରାନ୍ତି।
ଏହିସବୁ ଭବିଷ୍ୟବାଣୀ ସତ ହେବା କାରଣରୁ ଜିୟାଙ୍ଗ ସୋସିଆଲ ମିଡ଼ିଆରେ ଭାଇରାଲ ସାଜିଛି। ଲୋକେ ତାଙ୍କୁ ଚୀନର ଭବିଷ୍ୟବକ୍ତା କହିବା ଆରମ୍ଭ କରି ଦେଇଛନ୍ତି। ସୂଚନା ଯେ, ନୋଷ୍ଟ୍ରାଡାମସ ତାଙ୍କର ସଠିକ୍ ଭବିଷ୍ୟବାଣୀ ଗୁଡ଼ିକ ପାଇଁ ପ୍ରସିଦ୍ଧ ଥିଲେ। ତାଙ୍କର ଅନେକ ଭବିଷ୍ୟବାଣୀ ସତ ହୋଇ ସାରିଛି। ଏହେ ଜିୟାଙ୍ଗଙ୍କ ପ୍ରଥମ ଦୁଇଟି ଦାବି ସଠିକ୍ ହେବା କାରଣରୁ ଲୋକେ ତାଙ୍କୁ ଚୀନର ନୋଷ୍ଟ୍ରାଡାମସ ( ଭବିଷ୍ୟବକ୍ତା) କହୁଛନ୍ତି। ପ୍ରାୟ ଦୁଇ ବର୍ଷ ପୂର୍ବେ ଜିୟାଙ୍ଗ ତାଙ୍କର ଭିଡ଼ିଓରେ କହିଥିଲେ ଯେ, ଟ୍ରମ୍ପଙ୍କୁ କ୍ଷମତାକୁ ଫେରିବା ପରେ ଇରାନ ଓ ଆମେରିକା ମଧ୍ୟର ଟକ୍କର ହୋଇପାରେ। ହେଲେ ଏହି ଟକ୍କର ଆମେରିକା ପାଇଁ ମହଙ୍ଗା ପଡ଼ିବ।
