ନୂଆଦିଲ୍ଲୀ,୧୭/୧୦: ଭାରତର ପ୍ରଧାନ ବିଚାରପତି (ସିଜେଆଇ) ଜଷ୍ଟିସ୍ ଡି ୱାଇ ଚନ୍ଦ୍ରଚୂଡ଼ ନିଜ ଉତ୍ତରାଧିକାରୀ ଭାବେ ସୁପ୍ରିମକୋର୍ଟର ବରିଷ୍ଠତମ ବିଚାରପତି ଜଷ୍ଟିସ୍ ସଞ୍ଜୀବ ଖନ୍ନାଙ୍କ ନାମ ନେଇ ସୁପାରିସ କରିଛନ୍ତି । ସରକାର ଗତ ଶୁକ୍ରବାର ଜଷ୍ଟିସ୍ ଚନ୍ଦ୍ରଚୂଡ଼ଙ୍କୁ ଚିଠି ଲେଖି ତାଙ୍କ ଉତ୍ତରାଧିକାରୀଙ୍କ ନାମ ପଠାଇବା ଲାଗି କହିଥିଲେ । ଯଦି ତାଙ୍କ ସୁପାରିସକୁ ମଞ୍ଜୁରି ମିଳେ, ତେବେ ଜଷ୍ଟିସ୍ ଖନ୍ନା ହିଁ ସୁପ୍ରିମକୋର୍ଟର ପରବର୍ତ୍ତୀ ସିଜେଆଇ ଭାବେ ନିଯୁକ୍ତ ହେବେ । ଭାରତର ସୁପ୍ରିମକୋର୍ଟରେ ପ୍ରଧାନ ବିଚାରପତିଙ୍କ ନିଯୁକ୍ତିକୁ ନେଇ ଏକ ସ୍ୱତନ୍ତ୍ର ପ୍ରକ୍ରିୟା ରହିଛି, ଯାହାକୁ ‘ମେମୋରେଣ୍ଡମ୍ ଅଫ୍ ପ୍ରୋସିଜ୍ୟୁର୍’ କୁହାଯାଏ । ଏହା ଅନୁସାରେ ବିଦାୟୀ ସିଜେଆଇଙ୍କୁ ସବୁଠୁ ବରିଷ୍ଠ ନ୍ୟାୟାଧୀଶଙ୍କ ନାମ ନେଇ ସୁପାରିସ ଲାଗି କୁହାଯାଇଥାଏ ।
ଉଲ୍ଲେଖଯୋଗ୍ୟ, ଜଷ୍ଟିସ୍ ସଞ୍ଜୀବ ଖନ୍ନା ବର୍ତ୍ତମାନ ସୁପ୍ରିମକୋର୍ଟର ବରିଷ୍ଠତମ ନ୍ୟାୟାଧୀଶଙ୍କ ମଧ୍ୟରେ ଅଛନ୍ତି । ନ୍ୟାୟିକ କ୍ଷେତ୍ରରେ ତାଙ୍କର ବ୍ୟାପକ ଅଭିଜ୍ଞତା ରହିଛି । ଆସନ୍ତା ନଭେମ୍ବର ୮ରେ ବର୍ତ୍ତମାନର ସିଜେଆଇ ଅବସର ଗ୍ରହଣ କରିବା ପରେ ଜଷ୍ଟିସ୍ ଖନ୍ନା ପରବର୍ତ୍ତୀ ସିଜେଆଇ ଭାବେ ଦାୟିତ୍ୱ ଗ୍ରହଣ କରିବେ ବୋଲି ଆଶା କରାଯାଉଛ
