ମୁମ୍ବାଇ,୧୨/୧୧: କଂଗ୍ରେସ ଓ ମହା ବିକାଶ ଅଘାଡି କେବଳ ବିକାଶରେ ବ୍ରେକ ଲଗାଇବା କାମ କରିଛନ୍ତି । ଅଘାଡି ମାନେ ଖେଳାଳି । ମହାରାଷ୍ଟ୍ର ବିକାଶରେ ବ୍ରେକ ଲଗାଇବାରେ ପିଏଚଡି କରିଛନ୍ତି ଅଘାଡି ଦଳ । କଂଗ୍ରେସ ଡବଲ ପିଏଚଡି କରିଛି । ପୁଣି ଥରେ ଦୁଇ ଦଳକୁ ଲୁଟ କରିବାକୁ ଲାଇସେନ୍ସ ଦିଅନ୍ତୁ ନାହିଁ । ତାଙ୍କ ଷଡଯନ୍ତ୍ରର ଶିକାର ହେବା ନାହିଁ । ଦବଙ୍ଗଗିରିର ଭାଷା କହୁଛି କଂଗ୍ରେସ । ଜମ୍ମୁକାଶ୍ମୀରରେ ପୁଣି ଧାର ୩୭୦ ଲାଗୁ ନେଇ ପ୍ରସ୍ତାବ ଦେଉଛି । ପାକିସ୍ତାନ ଯାହା ଚାହୁଁଛି କଂଗ୍ରେସ ତାହା କରୁଛି । ମହାରାଷ୍ଟ୍ର ବିଧାନସଭା ନିର୍ବାଚନ ନେଇ ଚନ୍ଦ୍ରପୁରର ଚିମୁରରେ ଏକ ଜନସଭାକୁ ସମ୍ବୋଧନ କରି କଂଗ୍ରେସ ଉପରେ ବର୍ଷିବା ସହିତ କିଛି ଏମିତି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
କଂଗ୍ରେସ-ଅଘାଡି ଉପରେ ବର୍ଷିଲେ- କଂଗ୍ରେସ ଆଦିବାସୀ ଭାଇଉଉଣୀଙ୍କୁ ଅଲଗା ଅଲଗା କରିଛି । ସେମାନଙ୍କ ପରିଚୟ ନଷ୍ଟ କରିଛି । କଂଗ୍ରେସ ଓ ମହା ବିକାଶ ଅଘାଡି ସମାଜ ମଧ୍ୟରେ ଲଢେଇ କରାଉଛି । ଗତ ୨ ବର୍ଷରୁ ଅଧିକ ହେବ ଆମେ ଦେଶରେ ବିକାଶର ଗତି ଦେଖିଛୁ । ମହାରାଷ୍ଟ୍ରରେ ସବୁଠୁ ଅଧିକ ବିଦେଶୀ ନିବେଶ ହୁଏ । ଚନ୍ଦ୍ରପୁର ଲୋକ ରେଳ କନେକ୍ଟଭିଟି ନେଇ ଦାବି କରି ଆସୁଛି । ମାତ୍ର ମହା ଅଘାଡି ଓ କଂଗ୍ରେସ ଏହି କାମ ହେବାକୁ ଦେଇ ନାହାନ୍ତି । ଆମ ସରକାର ଏହି ଦାବି ପୂରଣ କରିଛି । ମହାରାଷ୍ଟ୍ର ବିକାଶରେ ବ୍ରେକ ଲଗାଇବାରେ ପିଏଚଡି କରିଛନ୍ତି ଅଘାଡି ଦଳ । କଂଗ୍ରେସ ଡବଲ ପିଏଚଡି କରିଛି । ଅଘାଡି ମାନେ ଭଷ୍ଟ୍ରାଚାରର ବଡ ଖେଳାଳି ।
ଜନସଭାକୁ ସମ୍ବୋଧନ କରି ପ୍ରଧାନମନ୍ତ୍ରୀ ଆହୁରି କହିଛନ୍ତି, ମହାରାଷ୍ଟ୍ରରେ ମହୟୁତିର ବିପୁଳ ବିଜୟ ହେବ । ମହାରାଷ୍ଟ୍ରରେ ମହାୟୁତି, କେନ୍ଦ୍ରରେ ବିଜେପି-ଏନଡିଏ ମାନେ ମହାରାଷ୍ଟ୍ରରେ ଡବଲ ଇଞ୍ଜିନ ସରକାର । ଅର୍ଥାତ ରାଜ୍ୟର ବିକାଶକୁ ଡବଲ ଗତି ମିଳିବ । ଗରିବଙ୍କ ସମସ୍ୟାକୁ ବିଜେପି ବୁଝିଛି । ଦଳିତ, ଆଦିବାସୀ, ଓବିସି ସମସ୍ତଙ୍କ ସମସ୍ୟା ଦୂର ହୋଇଛି । ଗତ ୧୦ ବର୍ଷରେ ୨୫ ଲକ୍ଷରୁ ଅଧିକ ଲୋକ ଗରିବରୁ ମୁକ୍ତ ହୋଇଛନ୍ତି । ସେମାନଙ୍କ ଜୀବନ ସହଜ ହୋଇଛି । ମହାରାଷ୍ଟ୍ରକୁ ସମୃଦ୍ଧ କରିବାକୁ ହେଲେ ଚାଷୀଙ୍କୁ ସମୃଦ୍ଧ କରିବାକୁ ହେବ । ଆମ ସରକାର ସେୟାବିନ ଚାଷୀଙ୍କୁ ଆର୍ଥିକ ସଂଙ୍କଟରୁ ଉଦ୍ଧାର କରିଛି । ମହୟୁତିର ପ୍ରାର୍ଥୀଙ୍କୁ ଜିତାନ୍ତୁ ରାଜ୍ୟରେ ବିକାଶ ଦ୍ରୁତଗତିରେ ହେବ ।
