ନୂଆଦିଲ୍ଲୀ:ବିହାରରେ ଭୋଟର ତାଲିକା ସଂଶୋଧନ (SIR)କୁ ନେଇ ରାଜନୀତି ଜୋର। କଂଗ୍ରେସ ମହାସଚିବ ଜୟରାମ ରମେଶ ଏବଂ AIMIM ମୁଖ୍ୟ ଅସଦୁଦ୍ଦିନ ଓଓ୍ବେସୀ ଏହାକୁ ନେଇ ନିର୍ବାଚନ କମିଶନ ଏବଂ ବିଜେପିକୁ ଟାର୍ଗେଟ କରିଛନ୍ତି। ଜୟରାମ ରମେଶ କହିଛନ୍ତି ଯେ, ଲୋକ କଲ୍ୟାଣ ମାର୍ଗର ବାସିନ୍ଦା ମାନେ ବିହାରରେ SIR ପାଇଁ ଦାୟୀ। ସେ କହିଛନ୍ତି କି, ଦଳିତ, ଆଦିବାସୀ, ସଂଖ୍ୟାଲଘୁ, ମହିଳା, ପଛୁଆ ବର୍ଗ ଏହା ଦ୍ୱାରା ବହୁତ ପ୍ରଭାବିତ ହେବେ।
କଂଗ୍ରେସ ନେତା କହିଛନ୍ତି କି,ଏହି ମାମଲା ଏପର୍ଯ୍ୟନ୍ତ ସୁପ୍ରିମକୋର୍ଟରେ ବିଚାରାଧୀନ ଅଛି। ଏହା ଉପରେ ଦ୍ୱିତୀୟ ଶୁଣାଣି ଜୁଲାଇ ୨୮ରେ ହେବାକୁ ଯାଉଛି। ସୁପ୍ରିମକୋର୍ଟ ବିହାରକୁ ଏକ ପରାମର୍ଶ ମଧ୍ୟ ଦେଇଛନ୍ତି। ଏହି ସମୟରେ, ନିର୍ବାଚନ କମିଶନ କହିଛନ୍ତି ଯେ ଏହା କେବଳ ବିହାର ପର୍ଯ୍ୟନ୍ତ ସୀମିତ ନୁହେଁ, ଏହା ସମସ୍ତ ରାଜ୍ୟରେ କରାଯିବ। ତେବେ ନାଗରିକତା ପ୍ରମାଣ କରିବା ନିର୍ବାଚନ କମିଶନର ଦାୟିତ୍ୱ ନୁହେଁ ବୋଲି ସେ କହିଛନ୍ତି।"
କଂଗ୍ରେସ ନେତା କେନ୍ଦ୍ର ସରକାରଙ୍କୁ ପଚାରିଛନ୍ତି କି,"ଆପଣ ଲୋକସଭା ନିର୍ବାଚନ ପୂର୍ବରୁ ଏହା କାହିଁକି କରାଇଲେ ନାହିଁ ? ବିଧାନସଭା ନିର୍ବାଚନର ଚାରି-ପାଞ୍ଚ ମାସ ପୂର୍ବରୁ ଏହି ଅଭ୍ୟାସ କାହିଁକି କରାଯାଉଛି ? ଏହାକୁ ନେଇ ବିହାରରେ ଭୟର ବାତାବରଣ ରହିଛି । ଆମେ ଏହା ଉପରେ ନିଷେଧ ଦାବି କରିନାହୁଁ, ଆମେ କେବଳ ଆମର ଆଶଙ୍କା ପ୍ରକାଶ କରିଛୁ।"
AIMIM ମୁଖ୍ୟ ଅସଦୁଦ୍ଦିନ ଓୱେସି କହିଛନ୍ତି ଯେ ଭୋଟର ତାଲିକା ସଂଶୋଧନ ଶୀଘ୍ର କରାଯିବା ଉଚିତ୍ ନୁହେଁ। ସେ କହିଛନ୍ତି ଯେ ECI ଆମକୁ ବୁଥ୍ ସ୍ତରୀୟ ଅଧିକାରୀ (BLO) ମାନଙ୍କର ଯୋଗାଯୋଗ ନମ୍ବର ପ୍ରଦାନ କରିବା ଉଚିତ ଏବଂ ଆମ ଦଳର ସଦସ୍ୟ ମାନେ ସେହି BLO ମାନଙ୍କୁ ପଚାରିବେ ଯେ ସେମାନେ ନେପାଳ, ବାଂଲାଦେଶ ଏବଂ ମିଆଁମାରର ଲୋକଙ୍କୁ କେଉଁଠାରୁ ପାଇଲେ । ସେ କହିଛନ୍ତି, "ସୀମାଞ୍ଚଲର ୬୦-୭୦ ପ୍ରତିଶତ ଯୁବକ ଅନ୍ୟ ରାଜ୍ୟରେ କାମ କରୁଛନ୍ତି । ନିର୍ବାଚନ କମିଶନ ଶୀଘ୍ର SIR କରିବା ଉଚିତ୍ ନୁହେଁ।"
