ନୂଆଦିଲ୍ଲୀ,୨୬/୧୧: ଆଜି ସମ୍ବିଧାନ ଦିବସ । ଦେଶରେ ନଭେମ୍ବର ୨୬ ତାରିଖକୁ ସମ୍ବିଧାନ ଦିବସ ଭାବରେ ପାଳନ କରାଯାଏ । ସାମ୍ବିଧାନିକ ମୂଲ୍ୟବୋଧର ପ୍ରୋତ୍ସାହନ ପାଇଁ ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟ ସମ୍ବିଧାନ ଦିବସ ପାଳନ କରିବାକୁ ନିଷ୍ପତ୍ତି ନେଇଥିଲା । ଭାରତୀୟ ସମ୍ବିଧାନ ହେଉଛି ବିଶ୍ବର ଦୀର୍ଘତମ ଲିଖିତ ସମ୍ବିଧାନ । ୧୯୪୯ ନଭେମ୍ବର ୨୬ ତାରିଖରେ ଭାରତୀୟ ସମ୍ବିଧାନ ଗୃହିତ ହୋଇଥିଲା । ଭାରତର ସମ୍ବିଧାନ ଭରତର ଲୋକତନ୍ତ୍ର, ଧର୍ମନିରପେକ୍ଷ ଦସ୍ତାବିଜ ଅଟେ ।
୨୦୧୫ ମସିହାରେ ଭାରତ ସରକାର ନଭେମ୍ବର ୨୬ ତାରିଖକୁ ସମ୍ବିଧାନ ଦିବସ ଭାବରେ ପାଳନ କରାଯିବାକୁ ନିଷ୍ପତ୍ତି ହୋଇଥିଲା । ଭାରତର ସମ୍ବିଧାନ ଦୁନିଆର ସବୁଠୁ ବଡ ଲିଖିତ ସମ୍ବିଧାନ। ଭାରତୀୟ ସମ୍ବିଧାନରେ ନାରଗିକଙ୍କ ମୌଳିକ ଅଧିକାର, କର୍ତ୍ତବ୍ଯ, ସରକାରଙ୍କ ଭୂମିକା ଓ କ୍ଷମତା ବିଷୟରେ ସଂପୂର୍ଣ୍ଣ ତଥ୍ୟ ବିଷୟରେ ଉଲ୍ଲେଖ୍ୟ ରହିଛି । ୧୯୪୭ ଅଗଷ୍ଟ ୧୫ରେ ବ୍ରିଟିଶ ଶାସକ କବଳରୁ ଭାରତ ସ୍ବାଧୀନତା ହାସଲ କରିତିଲା । ହେଲେ ଦେଶରେ ଏକ ସ୍ଥାୟୀ ସମ୍ବିଧାନ ନଥିଲା । ୧୯୫୦ ଜାନୁଆରୀ ୨୬ରେ ବ୍ରିଟିଶ ସାମ୍ବିଧାନିକ ବ୍ୟବସ୍ଥାର ଅପସାରଣ ହୋଇ ଭାରତ ଏକ ସାର୍ବଭୌମ ଗଣତାନ୍ତ୍ରିକ ରାଷ୍ଟ୍ରରେ ପରିଣତ ହୋଇଥିଲା । ଏହା ସହିତ ଲିଖିତ ସମ୍ବିଧାନ କାର୍ଯ୍ୟକାରୀ ହୋଇଥିଲା ।
୧୯୪୯ ନଭେମ୍ବର ୨୬ ତାରିଖରେ ଭାରତୀୟ ସମ୍ବିଧାନ ଗୃହିତ ହୋଇଥିଲା । ୧୯୫୦ ଜାନୁଆରୀ ୨୬ରେ ଏହା କାର୍ଯ୍ୟକାରୀ ହୋଇଥିଲା । ବିଶ୍ବର ବିଭିନ୍ନ ରାଷ୍ଟ୍ରର ସମ୍ବିଧାନର କେତେକ ଅଂଶ ଭାରତୀୟ ସମ୍ବିଧାନରେ ସାମିଲ କରାଯାଇ ଏକ ବୃହତ ସମ୍ବିଧାନ ପ୍ରସ୍ତୁତ କରାଯାଇଥିଲା । ଆଜି ସମ୍ବିଧାନ ଦିବସ ଦିନରେ ଭାରତୀୟ ସମ୍ବିଧାନ ଗଠନରେ ପ୍ରମୁଖ ଭୂମିକା ଗ୍ରହଣ କରିଥିବା ଡକ୍ଟର ଭୀମ ରାଓ ଆମ୍ବେଦକରଙ୍କ ୧୩୩ତମ ଜନ୍ମ ବାର୍ଷୀକି ମଧ୍ୟ ପଡୁଛି । ଭାରତୀୟ ସମ୍ବିଧାନର ଜନକ ହେଉଛନ୍ତି ଭୀମ ରାଓ ଆମ୍ବେଦକର । ଭାରତର ପ୍ରଥମ ଆଇନମନ୍ତ୍ରୀ ଡ. ଭୀମରାଓ ଆମ୍ବେଦକର ଭାରତର ସମ୍ବିଦାଧକୁ ୨ ବର୍ଷ, ୧୧ ମାସ ଏବଂ ୧୮ଦିନରେ ପ୍ରସ୍ତୁତ କରି ରାଷ୍ଟ୍ରକୁ ସମର୍ପିତ କରିଥିଲେ । ତାଙ୍କୁ ଭାରତର ସମ୍ବିଧାନ ଲେଖିବାକୁ ଦାୟିତ୍ବ ଦିଆଯାଇଥିଲା ।
କୌଣସି ଦେଶ ବିନା ସମ୍ବିଧାନରେ ଚାଲିପାରିବ ନାହିଁ । ଦେଶରେ ଶାସନ ପାଇଁ ସମ୍ବିଧାନର ଗୁରୁତ୍ବପୂର୍ଣ୍ଣ ଭୂମିକା ରହିଛି । ସମ୍ବିଧାନ ଦିବସ ପାଳନର ମୁଖ୍ୟ ଉଦ୍ଦେଶ୍ୟ ଥିଲା ଦେଶର ନାଗରିକଙ୍କ ମନରେ ସମ୍ବିଧାନିକ ମୂଲ୍ୟବୋଧକୁ ପ୍ରୋତ୍ସାହିତ ଓ ସମ୍ମାନ କରିବା । ସମ୍ବିଧାନ ଦ୍ବାରା ଦେଶର ନାଗରିକଙ୍କୁ ସମାନ ଅଧିକାର ଓ ସମାନ ନିୟମରେ ବାନ୍ଧି ରଖାଯାଏ । ଏହି ଦିନ ବିଦ୍ୟାଳୟ ଓ କଜେଜମାନଙ୍କରେ ସଂସଦ ଓ ସମ୍ବିଧାନ ସମ୍ପର୍କିତ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ ।
