ନୂଆଦିଲ୍ଲୀ, ୧୯/୦୮ : କୋଭିଡ୍-୧୯କୁ ନେଇ ଚାଞ୍ଚଲ୍ୟକର ଖୁଲାସା। ବୁଢା ହେଉଛି ରକ୍ତ ସଞ୍ଚାଳିତ ହେଉଥିବା କୋଷିକା। ବିଶେଷ କରି ମହିଳାଙ୍କ ଉପରେ ପଡ଼ୁଛି ଅଧିକ ପ୍ରଭାବ। କରୋନାରୁ ସୁସ୍ଥ ହେବାର କିଛି ଦିନି ପରେ ଅସୁସ୍ଥ ଅନୁଭବ କରୁଛନ୍ତି ଅଧିକାଂଶ ମହିଳା । ସେମାନଙ୍କ ଠାରେ ଦେଖିବାକୁ ମିଳୁଛି ଏଭଳି କିଛି ଲକ୍ଷଣ। ଏହାକୁ 'ଲଙ୍ଗ୍ କୋଭିଡ୍' କୁହାଯାଉଛି। ୟୁରୋପିଆନ୍ ହାର୍ଟ ଜର୍ଣ୍ଣାଲରେ ପ୍ରକାଶିତ ରିସର୍ଚ୍ଚରୁ ଏହା ଜଣାପଡ଼ିଛି।
ଅଷ୍ଟ୍ରେଲିଆ, ବ୍ରାଜିଲ୍ ସମେତ ୧୬ଟି ଦେଶର ୨୪୦୦ ଲୋକଙ୍କୁ ନେଇ ଅଧ୍ୟୟନ କରାଯାଇଥିଲା। ସେମାନଙ୍କ ମଧ୍ୟରେ ଅଧିକାଂଶ ମହିଳା ଥିଲେ। କୋଭିଡ୍ର ୬ ମାସ ପରେ ଓ ୧୨ ମାସ ପରେ ଦୁଇ ଥର ପରୀକ୍ଷଣ କରାଯାଇଥିଲା। ଏହି ଅଧ୍ୟୟନରେ ଚାଞ୍ଚଲ୍ୟକର ଖୁଲାସା ହୋଇଛି। କୋଭିଡ୍-୧୯ ସଂକ୍ରମଣ ପରେ ରକ୍ତ ସଞ୍ଚାଳନ ହେଉଥିବା ରକ୍ତ କୋଷିକା ଗୁଡ଼ିକ ତୀବ୍ର ଗତିରେ ବୁଢ଼ା ହେବାରେ ଲାଗିଛି । ଷ୍ଟ୍ରୋକ୍ ଓ ଅନ୍ୟ ହୃଦ୍ରୋଗ ଗୁଡ଼ିକର ଆଶଙ୍କା ବୃଦ୍ଧି ପାଇଛି । ଫ୍ରାନ୍ସର ପ୍ରମୁଖ ରିସର୍ଚର ରୋଜା ମାରିଆ ବ୍ରୁନୋ କହିଛନ୍ତି ଯେ, କରୋନା ପରେ ଶରୀରରେ ବହୁ ଲକ୍ଷଣ ବୃଦ୍ଧି ପାଇଛି । ଯେପରିକି ପଲ୍ସ ତରଙ୍ଗର ବେଗ ପ୍ରତି ସେକେଣ୍ଡ ପିଛା ୦.୫ ମିଟର ବୃଦ୍ଧି ପାଇଛି । ୬୦ ବର୍ଷୀୟା ମହିଳାଙ୍କ ହୃଦରୋଗ ଆଶଙ୍କା ୩ ପ୍ରତିଶତ ବୃଦ୍ଧି ପାଇଛି । ତେବେ ଶରୀରରେ ଆଉ କେଉଁ ସବୁ ଲକ୍ଷଣରେ ପରିବର୍ତ୍ତନ ହୋଇଛି ତାହା ଜାଣିବାକୁ ଏବେବି ଅଧ୍ୟୟନ ଜାରି ରହିଛି।
ବ୍ରୁନୋ କହିଛନ୍ତି ଯେ, ରୋଗ ସୃଷ୍ଟିକାରୀ ଭାଇରାସ୍ ଶରୀରରେ ବିଶିଷ୍ଟ ରିସେପ୍ଟର୍ସ ଉପରେ କାମ କରନ୍ତି। ଯାହାକୁ ଏଞ୍ଜିଓଟେସିନ-ପରିବର୍ତ୍ତିତ ଏଞ୍ଜାଇମ୍ ୨ ରିସେପ୍ଟର୍ସ ବୋଲି କୁହାଯାଏ। ଏହା ବ୍ଲଡ୍ ଭେସିଲ୍ସର ପରସ୍ତରେ ରୁହେ । ଭାଇରସ୍ କୋଷିକାରେ ପ୍ରବେଶ କରିବା ପାଇଁ ଏବଂ ସଂକ୍ରମିତ କରିବା ପାଇଁ ଏହି ରିସେପ୍ଟର୍ସଙ୍କ ବ୍ୟବହାର କରେ । ପୁରୁଷଙ୍କ ତୁଳନାରେ ମହିଳାଙ୍କର ମଜବୁତ ଇମ୍ୟୁନିଟି ପ୍ରୋସେସିଙ୍ଗ୍ ହୁଏ। ହେଲେ ସଂକ୍ରମଣ ପରେ ଏହା ରକ୍ତ ବାହିକାକୁ ପ୍ରଭାବିତ କରୁଛି। ଏବେ କୋଭିଡ୍-୧୯ର ଭୟାବହତା ନଥିଲେ ମଧ୍ୟ ପୋଷ୍ଟ-ଏକ୍ୟୁଟ୍ କୋଭିଡ୍-୧୯ ଲୋକଙ୍କ ପାଇଁ ନୂଆ ଚ୍ୟାଲେଞ୍ଜ୍ ସୃଷ୍ଟି କରିଛି।
