ନୂଆଦିଲ୍ଲୀ,୨୧।୫:  ପୁଣି ଥରେ ଭାରତରେ କୋଭିଡ-୧୯ ମାମଲା ବୃଦ୍ଧି ପାଇବାରେ ଲାଗିଛି, କିଛି ରାଜ୍ୟରେ ଏହାର ଗ୍ରାଫ୍ ବୃଦ୍ଧି ପାଇଛି। ହଂକଂ, ସିଙ୍ଗାପୁର, ଥାଇଲ୍ୟାଣ୍ଡ, ଚୀନ୍ ସମେତ ଏସୀୟ ଦେଶ ଏବଂ ସହରଗୁଡ଼ିକରେ ସଂକ୍ରମଣ ମାମଲା ବଢିବା ପରେ ଭାରତରେ ରି-ଏଣ୍ଟ୍ରି ହୋଇଛି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଭାରତୀୟ ରାଜ୍ୟଗୁଡ଼ିକ ମଧ୍ୟରେ କେରଳ, ମହାରାଷ୍ଟ୍ର ଏବଂ ତାମିଲନାଡୁରେ ସର୍ବାଧିକ ସକ୍ରିୟ ମାମଲା ରିପୋର୍ଟ ହୋଇଛି। ଉଲ୍ଲେଖନୀୟ ଯେ, ସାରା ଦେଶରେ ମୋଟ ୨୫୭ ଟି ସକ୍ରିୟ ମାମଲା ଅଛି। ତଥାପି, କେରଳରେ ସର୍ବାଧିକ ୯୫ ଟି ସକ୍ରିୟ ମାମଲା ରହିଛି। '

ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ରାଜ୍ୟ ପାଇଁ ମୃତ୍ୟୁ ସଂଖ୍ୟା ଏବେ ବି ଗଣନା କରାଯାଉଛି। ଏହି ସମୟରେ, ମହାରାଷ୍ଟ୍ରରେ ୫୬ ଜଣ କୋଭିଡ୍ ସଂକ୍ରମିତ ହୋଇଛନ୍ତି। ସେଭଳି ତାମିଲନାଡୁରେ ୬୬ ଜଣ ରିପୋର୍ଟ ପଜିଟିଭ ଆସିଛି। ଏହା ବ୍ୟତୀତ, ପୁଡୁଚେରୀ, ଦିଲ୍ଲୀ, ଗୁଜରାଟ, ରାଜସ୍ଥାନ, ସିକିମ୍, ହରିୟାଣା, କର୍ଣ୍ଣାଟକ ଏବଂ ପଶ୍ଚିମବଙ୍ଗରେ ମଧ୍ୟ କୋଭିଡ୍ ସଂକ୍ରମଣ  ଦେଖିବାକୁ ମିଳିଛି। ତଥାପି, ସଂକ୍ରମଣ ମାଇଲ୍ଡ ରହିଛି, କୌଣସି ମୃତ୍ୟୁ  ନେଇ ରିପୋର୍ଟ ହୋଇନାହିଁ। ମେ ୧୨ ପରଠାରୁ, ଭାରତରେ ୧୬୪ ଟି ନୂତନ କୋଭିଡ୍ ମାମଲା ଜଣାପଡିଛି। ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ପକ୍ଷରୁ ସୂଚନା ମିଳିଛି। ସ୍ୱାସ୍ଥ୍ୟ ବିଭାଗ କର୍ତ୍ତୃପକ୍ଷ ବୟସ୍କ ବ୍ୟକ୍ତି, ଗର୍ଭବତୀ ମହିଳା ଏବଂ ପୂର୍ବରୁ କୌଣସି ରୋଗ ଥିବା ଲୋକଙ୍କୁ ମାସ୍କ ପିନ୍ଧିବା ଭଳି ପ୍ରତିଷେଧକ ବ୍ୟବସ୍ଥା ବ୍ୟବହାର କରିବାକୁ ପରାମର୍ଶ ଦେଇଛନ୍ତି।

ଏସିଆରେ କୋଭିଡ୍-୧୯ ମାମଲା ବୃଦ୍ଧିର କାରଣ ହେଉଛି JN.1 ଭାରିଆଣ୍ଟ। ଏହା  ଓମିକ୍ରନର  ସବ ଭାରିଆଣ୍ଟ।  ଏହା ୩୦ ଥର ମ୍ୟୁଟେସନ୍ ନେଇସାରିଛି। ତେବେ ଏହାର ଅର୍ଥ ନୁହେଁ ଯେ, ଏହା ଅଧିକ ବିପଦଜନକ। କିନ୍ତୁ ଏହା ଆମର ଇମ୍ୟୁନୁ ସିଷ୍ଟମଠାରୁ ରକ୍ଷା ପାଇବାକୁ ଚେଷ୍ଟା କରୁଛି।  JN.1 ରେ ମ୍ୟୁଟେସନ୍ କାରଣରୁ ଭାଇରସ୍‌ର ପୃଷ୍ଠରେ ଥିବା ସ୍ପାଇକ୍ ପ୍ରୋଟିନ୍‌ରେ ହେଉଛି, ଏହା ଆମ ଶରୀରର କୋଷିକାକୁ ଚାଲି ଯାଇଥାଏ। ଏହାଦ୍ବାରା ଆମର ରୋଗପ୍ରତିରୋଧକ କ୍ଷମତା ପାଇଁ ସମସ୍ୟା ସୃଷ୍ଟି ହୁଏ ଓ ଭାଇରସ୍ ସହରରେ ବ୍ୟାପିବାରେ ସାହାଯ୍ୟ ମିଳିଥାଏ।