ନୂଆଦିଲ୍ଲୀ,୦୩/୦୨: ଗତ କିଛି ଦିନ ହେବ କ୍ରିପ୍ଟୋ ମୂଲ୍ୟରେ ଦ୍ରୁତ ଭାବେ ବୃଦ୍ଧି ହେଉଛି । ଡୋନାଲ୍ଡ ଟ୍ରମ୍ପ ଆମେରିକା ରାଷ୍ଟ୍ରପତି ନିର୍ବାଚନ ଜିତିବା ପରେ ଏହି ଧାରା ତ୍ୱରାନ୍ୱିତ ହୋଇଛି । କ୍ରିପ୍ଟୋ ମାର୍କେଟ କ୍ୟାପ୍ ଏବେ ୩.୬୨ ଟ୍ରିଲିୟନ ଡଲାର ଛୁଇଁଛି । ଗତ ଗୋଟିଏ ବର୍ଷରେ ଏଥିରେ ୨ ଗୁଣରୁ ଉଦ୍ଧ୍ୱର୍ ବୃଦ୍ଧି ହୋଇଛି । କ୍ରିପ୍ଟୋ କରେନ୍ସିର ମାର୍କେଟ କ୍ୟାପ୍ ବିଶ୍ୱର ସବୁଠାରୁ ଦ୍ୱିତୀୟ ବଡ ମୂଲ୍ୟବାନ କମ୍ପାନି ମାଇକୋସଫ୍ଟକୁ ମଧ୍ୟ ଟପିଯାଇଛି ।
ମାଇକ୍ରୋସଫ୍ଟର ମାର୍କେଟ କ୍ୟାପ୍ ଏବେ ୩.୦୮୫ ଡଲାର ରହିଛି । ମାର୍କେଟ କ୍ୟାପ୍ ଦୃଷ୍ଟିକୋଣରୁ କେବଳ ଆପଲ କ୍ରିପ୍ଟୋ ଆଗରେ ରହିଛି । ଆଇଫୋନ ବନାଉଥିବା କମ୍ପାନି ଆପଲର ବଜାର ପୁଞ୍ଜିକରଣ ୩.୫୪୮ ଡଲାରରୁ ଉଦ୍ଧ୍ୱର୍ ରହିଛି । ଜାନୁଆରି ୨୦୧୫ରେ କ୍ରିପ୍ଟୋ ଏକ୍ସଚେଞ୍ଜର ମାର୍କେଟ କ୍ୟାପ୍ ୦.୦୦୪ ଟ୍ରିଲିୟନ ଡଲାର ରହିଥିଲା । ୨୦୨୬ ଜାନୁଆରିରେ ଏହା ୦.୦୦୭ ଟ୍ରିଲିୟନ ଡଲାରକୁ ବୃଦ୍ଧି ହୋଇଥିଲା ।
୨୦୨୭ ଜାନୁଆରିରେ ଏହା ୦.୦୧୭ ଟ୍ରିଲିୟନ ଡଲାର, ୨୦୨୮ରେ ୦.୭ ଟ୍ରିଲିୟନ, ୨୦୧୯ ରେ ୦.୧୨ ଟ୍ରିଲିୟନ, ୨୦୨୦ରେ ୦.୨୫ ଟ୍ରିଲିୟନ, ୨୦୨୧ରେ ୧ ଟ୍ରିଲିୟନ ଡଲାର ଏବଂ ଏହାର ଗୋଟିଏ ବର୍ଷ ପରେ ଏହା ୨ ଟ୍ରିଲିୟନ ଡଲାର ଟପିଯାଇଥିଲା । ଏହା ୨୦୨୩ରେ ହ୍ରାସ ହୋଇ ପୁଣି ୧ ଟ୍ରିଲିୟନ ଡଲାର ଖସିଆସିଲା ।ପୁଣି ୨୦୨୪ ଜାନୁଆରିରେ ୧.୭୫ ଟ୍ରିଲିୟନ ଡଲାର ଏବଂ ୨୦୨୫ ଜାନୁଆରିରେ ଏହା ୩.୬୨ ଟ୍ରିଲିୟନ ଡଲାର ରହିଛି । ଏହା ମଧ୍ୟରେ ବିଟ୍ କଏନର ଅଂଶ ସର୍ବାଧିକ ରହିଛି । ବିଶ୍ୱର ଟପ୍ ଆସେଟ ଗୁଡିକୁ ଦେଖିଲେ ସୁନା ପ୍ରଥମ ସ୍ଥାନରେ ରହିଛି ।
ଗତ ବର୍ଷ ଏହାର ଦର ଅହେତୁକ ଭାବେ ବଢ଼ିଛି । ବିଶ୍ୱର ବିଭିନ୍ନ ପ୍ରାନ୍ତରେ ଯୁଦ୍ଧ ଯୋଗୁ ଏବେ ଅନିଶ୍ଚିତତା ରହିଛି । ଏଭଳି ସ୍ଥିତିରେ ସାରା ବିଶ୍ୱର କେନ୍ଦ୍ରୀୟ ବ୍ୟାଙ୍କ ଗୁଡିକ ପ୍ରବଳ ମାତ୍ରାରେ ସୁନା କିଣୁଛନ୍ତି । ଏବେ ସାରା ବିଶ୍ୱରେ ସୁନାର ମାର୍କେଟ କ୍ୟାପ୍ ୧୮.୪ ଟ୍ରିଲିୟନ ଡଲାର ରହିଛି । ସେହିଭଳି ଲୋକପ୍ରିୟ କ୍ରିପ୍ଟୋ କରେନ୍ସି ବିଟ୍ କଏନର ବଜାର ପୁଞ୍ଜି ୧.୮୬୮ ଟ୍ରିଲିୟନ ଡଲାର ଏବଂ ରୁପା ୧.୭୬୬ ଟ୍ରିଲିୟନ ଡଲାର ସ୍ତରରେ ରହିଛି ।
