ବାଲେଶ୍ୱର ୬/୬ : ବାଲେଶ୍ୱର ସହର ସମେତ ସହର ଉପକଣ୍ଠରେ ଡକାୟତି କରୁଥିବା ଏକ ଗ୍ୟାଙ୍ଗକୁ ଚାନ୍ଦିପୁର ପୁଲିସ ଗିରଫ କରିଛି। ଏହି ଗ୍ୟାଙ୍ଗର ୪ ଜଣ ସଦସ୍ୟଙ୍କୁ ଗିରଫ କରିଛି ପୁଲିସ୍। ସେମାନଙ୍କ ନିକଟରୁ ୬ଟି ପିସ୍ତଲ ସମେତ ୯ଟି ଅଫୁଟା ଗୁଳି, ଗୋଟିଏ ତେଲଙ୍ଗା କଟୁରି, ୫ଟି ମୋବାଇଲ, ଗୋଟିଏ ମଟର ସାଇକଲ ସହ ନଗଦ ୬୦ ହଜାର ଟଙ୍କା ଜବତ କରିଛି। ଗିରଫ ଅଭିଯୁକ୍ତ ମାନେ ପୂର୍ବରୁ ବାଲେଶ୍ୱରର ଏକ ବଡ଼ ଗ୍ୟାଙ୍ଗ ନିକଟରେ କାମ କରୁଥିଲେ। ସେଠାରୁ ଆସି ସେମାନେ ନୂଆ ଗ୍ୟାଙ୍ଗ ସୃଷ୍ଟି କରିଥିଲେ । ପରେ ଡକାୟତି କାମ ଆରମ୍ଭ କରିଥିଲେ। ଜିଲ୍ଲାର ବିଭିନ୍ନ ବ୍ଲକରେ ଘଟିଥିବା ଡକାୟତି ଘଟଣାରେ ଏହି ନୂଆ ଗ୍ୟାଙ୍ଗ ସାମିଲ ଅଛନ୍ତି। ସେମାନଙ୍କ ନାମରେ ବିଭିନ୍ନ ଥରେ ୨୦ରୁ ଅଧିକ ଅପରାଧିକ ମାମଲା ଅଛି ବୋଲି ଏସପି ରଜ ପ୍ରସାଦ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଅନ୍ୟ ମାନଙ୍କ ମଧ୍ୟରେ ବାଲେଶ୍ଵର ଏସଡିପିଓ ସାମ୍ୱାଦିକ ସମ୍ମଳନୀରେ ଉପସ୍ଥିତ ଥିଲେ।