ଜୟପୁର, ୧୬।୩ : ହାଟପଦା ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ସ୍କୁଟିକୁ ଧକ୍କା ଦେଲା ଟ୍ରକ । ଘଟଣା ସ୍ଥଳରେ ଝିଅର ମୃତ୍ୟୁ ହୋଇଥିବା ବେଳେ ବାପା ଗୁରୁତର ହୋଇଛନ୍ତି।
ସ୍କୁଟିରେ ଜଣେ ବ୍ୟକ୍ତି ନିଜ ଝିଅକୁ ଧରି ଜୟପୁରରୁ ବାରିଣୀପୁଟ ଯାଉଥିଲେ ।ଏହି ସମୟରେ ସେମିଳିଗୁଡାରୁ ଜୟପୁର ଅଭିମୁଖେ ଏକ ଟ୍ରକ ଆସୁଥିଲା। ହାଟପଦା ନିକଟରେ ସ୍କୁଟିକୁ ଟ୍ରକ ଧକ୍କା ଦେଇଥିଲା। ଘଟଣାସ୍ଥଳରେ ଝିଅର ମୃତ୍ୟୁ ଘଟିଥିଲା ଓ ବାପା ଗୁରୁତର ହୋଇଥିଲେ। ଗୁରୁତରଙ୍କୁ ସ୍ଥାନୀୟ ଲୋକେ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଛନ୍ତି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇବା ସହ ଘଟଣାର ତଦନ୍ତ କରୁଛି। ଟ୍ରକକୁ ପୋଲିସ ଜବତ କରିଛି।
