ଗୁଣପୁର,୧୯/୧୨: ରେଗେଇସିଂ ଗାଁରେ ଜଣେ ବ୍ୟକ୍ତିଙ୍କୁ ନିର୍ମମ ହତ୍ୟା । ମୃତ ବ୍ୟକ୍ତି ଜଣକ ଡାନିଏଲ ଶବର (୫୦) ବୋଲି ଜଣାପଡ଼ିଛି । ରାୟଗଡା ଜିଲ୍ଲା ପୁଟାସିଂ ଥାନା ରେଗେଇସିଂ ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଡାନିଏଲ ସକାଳ ସମୟରେ ଲଙ୍କା ତୋଳିବା ପାଇଁ ଘରୁ ବାହାରକୁ ଯାଇଥିଲେ । ହେଲେ ଆଉ ଘରକୁ ଫେରି ନଥିଲେ ଘର ଲୋକ ଖୋଜିଖୋଜି କରି ବାଡ଼ିକୁ ଯାଇଥିଲେ । ସେଠାରେ ଡାନିଏଲଙ୍କ ମୃତଦେହ ପଡିଥିବା ଦେଖିବାକୁ ପାଇଥିଲେ । ଏହା ଦେଖି ପରିବାର ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ପରେ ପରିବାର ପକ୍ଷରୁ ପୁଟାସିଂ ଥାନାରେ ଲିଖିତ ଅଭିଯୋଗ କରାଯାଇଛି । ପୋଲିସ ଘଟଣା ସ୍ଥଳରେପହଞ୍ଚି ମୃତଦେହକୁ ଜବତ କରି ତଦନ୍ତ ଚଳାଇଛି । ଡାନିଏଲଙ୍କ ଗଳା ଓ ଗୋଡ଼ରେ ଧାରୁଆ ଅସ୍ତ୍ରରେ ଆକ୍ରମଣ କରାଯାଇଥିବା ଦେଖିବାକୁ ମିଳିଛି ।ତେବେ କିଏ କାହିଁକି ଏବଂ କେଉଁ ପରିସ୍ଥିତିରେ ଏଭଳି ନିର୍ମମ ଭାବେ ହତ୍ୟା କରିଛି ସେନେଇ ପୋଲିସ କିଛି ତଥ୍ୟ ପାଇ ପାରି ନଥିବା ଜଣାପଡ଼ିଛି ।
