ଚୌଦ୍ଵାର,୦୨/୧୦: ୫୫ ନମ୍ୱର ଜାତୀୟ ରାଜପଥ ଓଟିଏମ ଛକ ଗଳିପୋଲ ନିକଟରୁ ଜଣେ ଯୁବକର ମୃତୁଦେହ ଉଦ୍ଧାର ହୋଇଛି । ଯୁବକ ନିକଟରୁ ଏକ ମୋବାଇଲ୍ ମିଳିବା ସହ ଏକ ନମ୍ବର ବିହୀନ ମୋଟର ସାଇକେଲ ଜବତ କରାଯାଇଛି । ଯୁବକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ  ସେ  ଛତିଶଗଡ଼ ଦୁର୍ଗ ଅଞ୍ଚଳର ଦିନେଶ ବରିହା ବୟସ ୨୮ ବୋଲି ଜଣାପଡ଼ିଛି । 

ସୂଚନା ମୁତାବତ, ଦିନେଶ ନିଜ ଭାଇଙ୍କ ସହିତ ଢେଙ୍କାନାଳରେ ରହି ଡ୍ରାଇଭର ଭାବେ କାର୍ଯ୍ୟରତ ଥିଲେ । ତେବେ ମଙ୍ଗଳବାର ଦିନେଶ ପାରିବାରିକ କଳହ କାରଣରୁ ନିଜ ଘରୁ ବାହାରି କଟକ ଆସିଥିଲେ । କିନ୍ତୁ ପରବର୍ତ୍ତୀ ସମୟରେ ତାଙ୍କ ମର ଶରୀର ଓଟିଏମ୍ ଛକ ନିକଟ ଗଳି ପୋଲ ନିକଟରେ ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଚୌଦ୍ୱାର ପୋଲିସ ପହଞ୍ଚି ଯୁବକଙ୍କ ମୃତଦେହ ଉଦ୍ଧାର କରିଛି । ପରେ ପୋଲିସ ତାଙ୍କ ନିକଟରୁ ମିଳିଥିବା ମୋବାଇଲ୍ ଫୋନ୍ ଯୋଗେ ତାଙ୍କ ପରିବାର ସହିତ ଯୋଗାଯୋଗ କରିବାପରେ ତାଙ୍କ ପରିଚୟ ପାଇଥିଲା । କିନ୍ତୁ କେଉଁ କାରଣରୁ ଦିନେଶଙ୍କ ମୃତ ହୋଇଛି ତାହା ଏବେ ଅସ୍ପଷ୍ଟ ଥିବାବେଳେ ଚୌଦ୍ୱାର ପୋଲିସ ଘଟଣାର ତଦନ୍ତ କରୁଛି । ଏହା ସହ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ କଟକ ବଡ ମେଡ଼ିକାଲକୁ ପଠାଇ ତଦନ୍ତ ଆରମ୍ଭ କରିଛି । 

ଅନ୍ୟପଟେ ଦିନେଶ ବରିହାର ଭାଇ ପୋଲିସ ଠାରୁ ଭାଇର ମୃତ ଖବର ଶୁଣିବା ପରେ କାଲି ଆସି ଚୌଦ୍ୱାର ଥାନାରେ ପହଞ୍ଚିବ ବୋଲି ଥାନା ଅଧିକାରୀ ବିଶ୍ୱରଞ୍ଜନ ସାହୁ ସୂଚନା ଦେଇଛନ୍ତି l