ଦାରିଙ୍ଗବାଡି,୧୩/୧୧ : ଦାରିଙ୍ଗବାଡି ବ୍ଲକ ମାଣ୍ଡିପଙ୍କା ଗ୍ରାମରେ ଆମ୍ବ ଟାକୁଆ ଜାଉ ଖାଇ ୨ଜଣଙ୍କ ମୃତ୍ୟୁ ହୋଇଥିବାବେଳେ ୬ଜଣ ଗୁରୁତର ହୋଇଥିଲେ । ଏହି ଘଟଣାକୁ ନେଇ ସରକାରଙ୍କୁ ବିରୋଧୀ ଘେରିଥିବାବେଳେ ଗାଁରେ ଅନେକ ସମସ୍ୟା ଦେଖିବାକୁ ମିଳିଥିଲା।
କନ୍ଧମାଳ ଜିଲ୍ଲାପାଳ ଅମ୍ରିତ ଋତୁରାଜ ଉକ୍ତ ଗାଁକୁ ଗସ୍ତ କରିଥିବାବେଳେ ଗାଁର ବିଭିନ୍ନ ସମସ୍ୟାର ସମାଧାନ ଦିଗରେ ପଦକ୍ଷେପ ନେବା ନେଇ ପ୍ରତିଶ୍ରୁତି ଦେଇଥିଲେ । ପ୍ରଥମ ପର୍ଯ୍ୟାୟରେ ସାଢେ ୪ଲକ୍ଷ ଟଙ୍କା ବ୍ୟୟ ଅଟକଳରେ ସୋଲାର ଜଳ ପ୍ରକଳ୍ପ କାମ ଆରମ୍ଭ କରି ଖୁବଶୀଘ୍ର କାର୍ଯ୍ୟ ଶେଷ କରି ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣ ବ୍ୟବସ୍ଥା ଆରମ୍ଭ କରିଛି ବ୍ଲକ ପ୍ରଶାସନ ।
ଅନ୍ୟପଟେ ୨ଲକ୍ଷ ଟଙ୍କା ବ୍ୟୟ ଅଟକଳରେ ଫେବର ବ୍ଲକ ରାସ୍ତା କାମ ମଧ୍ୟ ଆରମ୍ଭ ହୋଇଛି । ବିଡିଓ ପ୍ରୀତି ରଞ୍ଜନ ରଥଙ୍କ ତତ୍ୱାବଧାନ କ୍ରମେ କାର୍ଯ୍ୟ ହେଉଥିବାବେଳେ ବିଡିଓ ପ୍ରତ୍ୟେକ ଦିନ କାର୍ଯ୍ୟର ତଦାରଖ ମଧ୍ୟ କରୁଥିବା ଦେଖିବାକୁ ମିଳିଛି ।
