ନୂଆଦିଲ୍ଲୀ,୧୭/୮ : ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କୁ ଲଣ୍ଡନର ରାସ୍ତାରେ ଏକାଠି ବୁଲୁଥିବା ଦେଖାଯାଇଛି। ଏଥର ମଧ୍ୟ ଏହି ଦମ୍ପତିଙ୍କୁ ବହୁତ ଆରାମଦାୟକ ଶୈଳୀରେ ବୁଲୁଥିବା ଦେଖାଯାଇଥିଲା। ଭାଇରାଲ ହେଉଥିବା ଭିଡିଓରେ ସେମାନେ ଲଣ୍ଡନର ସ୍ଥାନୀୟ ଲୋକଙ୍କ ସହ କଥାବାର୍ତ୍ତା କରୁଥିବା ମଧ୍ୟ ଦେଖାଯାଇଥିଲା । ପ୍ରକାଶ ଯେ, ବିରାଟ କୋହଲି ବର୍ତ୍ତମାନ ବିରତିରେ ଅଛନ୍ତି । ତାଙ୍କୁ ଶେଷ ଥର ପାଇଁ ଆଇପିଏଲ ୨୦୨୫ର ଫାଇନାଲରେ ଖେଳିବାର ଦେଖାଯାଇଥିଲା । ଯେଉଁଠାରେ ଆରସିବି ପ୍ରଥମ ଥର ପାଇଁ ଆଇପିଏଲ ଚାମ୍ପିଅନ୍ ହୋଇଥିଲା। ଅନୁମାନ କରାଯାଉଛି ଯେ, ବିରାଟଙ୍କୁ ଏବେ ଅଷ୍ଟ୍ରେଲିଆ ଗସ୍ତରେ ଓ୍ବାନଡେ ସିରିଜରେ ଖେଳିବାର ଦେଖାଯାଇପାରେ।
ସାମ୍ନାକୁ ଆସିଥିବା ଭିଡିଓରେ ବିରାଟ କୋହଲି ହାତରେ ପାଣିର ପାତ୍ର ଧରିଛନ୍ତି । ସେହିଭଳି ଅନୁଷ୍କାଙ୍କ କାନ୍ଧରେ ଏକ ସବୁଜ ବ୍ୟାଗ ଝୁଲୁଥିବାର ଦେଖାଯାଉଛି । ବିରାଟ-ଅନୁଷ୍କା ଯେତେବେଳେ ଯାଉଥିଲେ ସେତେବେଳେ ଜଣେ ସ୍ଥାନୀୟ ଦମ୍ପତିଙ୍କ ସହ କଥା ହେବା ପାଇଁ ଅଟକି ଯାଇଥିଲେ। ପ୍ରଶଂସକମାନେ ପ୍ରାୟତଃ ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ସରଳ ଜୀବନକୁ ପ୍ରଶଂସା କରନ୍ତି, ଏଥର ମଧ୍ୟ ଅନେକ ପ୍ରଶଂସକ ସେମାନଙ୍କ ଉପରେ ବହୁତ ଭଲପାଇବା ବର୍ଷା କରିଛନ୍ତି।
