ନୂଆଦିଲ୍ଲୀ ୧୭/୦୮: ଉଜବେକିସ୍ତାନର ସମରକାଣ୍ଡ ଠାରେ ଆଗାମୀ ସେପ୍ଟେମ୍ବର ୩ରୁ ୧୫ ତାରିଖ ମଧ୍ୟରେ ଫିଡେ ଗ୍ରାଣ୍ଡ୍ ସ୍ୱିସ୍ ଚେସ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ । ଏଥିରେ ଫିଡେ ମହିଳା ବିଶ୍ୱକପ୍ ଚାମ୍ପିଅନ୍ ଭାରତର ଦିବ୍ୟା ଦେଶମୁଖ ଓପନ ବର୍ଗରେ ପ୍ରତିଦ୍ୱନ୍ଦ୍ୱିତା କରିବେ । ଫିଡେ ସଭାପତି ତାଙ୍କୁ ୱାଇଲ୍ଡ କାର୍ଡ଼ ପ୍ରଦାନ କରିଛନ୍ତି ।
ଗତ ଜୁଲାଇ ମାସରେ ଦିବ୍ୟା ସର୍ବକନିଷ୍ଠା ଖେଳାଳି ଭାବେ ବିଶ୍ୱକପ୍ ଚାମ୍ପିଅନ୍ ହୋଇ ଇତିହାସ ରଚିଥିଲେ । ଏଥିସହ ମହିଳା ଗ୍ରାଣ୍ଡମାଷ୍ଟର ଟାଇଟଲ୍ ହାସଲ କରିଥିଲେ । ଓପନ ବର୍ଗରେ ଦିବ୍ୟାଙ୍କ ବ୍ୟତୀତ ବିଶ୍ୱ ଚେସ୍ ଚାମ୍ପିଅନସିପ୍ ଚାମ୍ପିଅନ୍ ଭାରତୀୟ ଗ୍ରାଣ୍ଡମାଷ୍ଟର ଡି. ଗୁକେଶ, ଅର୍ଜୁନ ଏରିଗାଇସି, ଆର. ପ୍ରଜ୍ଞାନନ୍ଦା, ନିହାଲ ସାରିନ ପ୍ରମୁଖ ଭାଗ ନେବେ । ଏରିଗାଇସିଙ୍କୁ ଟପ୍ ସିଡ୍ ଓ ଗୁକେଶଙ୍କୁ ଦ୍ୱିତୀୟ ସିଡ୍ ମାନ୍ୟତା ମିଳିଛି ।
