ଭୁବନେଶ୍ବର,୧/୫ : ସୋଆ ଗ୍ରାଉଣ୍ଡରେ ଆୟୋଜିତ ହୋଇଛି ଡକ୍ଟରସ୍ ପ୍ରିମିୟର ଲିଗ୍। ସମ୍ , ସମ୍ ଅଲ୍ଟିମେଟ୍ ଏବଂ ସମ୍-୨ ର ସମସ୍ତ ଡାକ୍ତର ଏବଂ ଏମବିବିଏସ୍ ଛାତ୍ରଙ୍କୁ ନେଇ ଏହି ଟୁର୍ଣ୍ଣାମେଣ୍ଟ ଆୟୋଜିତ ହୋଇଛି। ଏହି ଟୁର୍ଣ୍ଣାମେଣ୍ଟକୁ ସୋଆର ଭାଇସ ଚାନ୍ସେଲର୍ ତଥା ଡିନ୍ ପ୍ରଫେସର ପ୍ରଦୀପ୍ତ କୁମାର ନନ୍ଦ ଏବଂ ସମ୍-୨ ର ମେଡିକାଲ ସୁପରିଣ୍ଟେଣ୍ଡାଣ୍ଟ ରାଜେଶ୍ ଲେଙ୍କା ଉଦଘାଟନ କରିଥିଲେ।
ଏହି ଆସନ୍ତା ୯ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ଖେଳରେ ଅନେକ ଟିମ୍ ଭାଗ ନେଇଛନ୍ତି। ଉଭୟ ଫାକଲ୍ଟି ଏବଂ ଷ୍ଟୁଡେଣ୍ଟ୍ ସେମାନଙ୍କର ବ୍ୟସ୍ତ ସମୟ ଭିତରେ ଏକଜୁଟ ହୋଇ ଏପରି ଖେଳକୁଦ କରିବା ନିହାତି ଭାବେ ସୁସ୍ଥ ମାନସିକ ଓ ଶାରିରୀକ ଗଠନରେ ସହାୟକ ହେବ। ଖେଳ ମାଧ୍ୟମରେ ସମସ୍ତେ ଏକାଠି ହେବା ନିଜ ଭିତରେ ଆତ୍ମୀୟତା ବୃଦ୍ଧି କରିବ ବୋଲି କହିଛନ୍ତି ମୁଖ୍ୟ ଅତିଥି ଭାବେ ଉପସ୍ଥିତ ହୋଇଥିବା ସୋଆର ଡିନ୍ ତଥା ଭାଇସ୍ ଚାନ୍ସେଲର୍ ପିକେ ନନ୍ଦ।
