ନୂଆଦିଲ୍ଲି,୧୪।୧୧:  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଫ୍ରିକା ଯାତ୍ରା ପୂର୍ବରୁ ଆଫ୍ରିକୀୟ ଦେଶ ଡୋମିନିକାରେ ଦିଆଯିବ ସବୁଠାରୁ ବଡ଼ ସମ୍ମାନ। କୋଭିଡ୍-୧୯ ମହାମାରୀ ବେଳେ ଡୋମିନିକାରେ ତାଙ୍କ ଯୋଗଦାନ ଓ ଭାରତ ଓ ଡୋମିନିକା ମଧ୍ୟରେ ଚୁକ୍ତିକୁ ମଜବୁତ କରିବା ପାଇଁ ତାଙ୍କୁ ସମର୍ପଣା ସମ୍ମାନରେ ଡୋମିନିକା ପିଏମ୍ ମୋଦିଙ୍କୁ ନିଜର ସର୍ବୋଚ୍ଚ ରାଷ୍ଟ୍ରୀୟ ପୁରସ୍କାର ‘ଡୋମିନିକା ଆଓ୍ବାର୍ଡ ଅଫ୍ ଅନର ପ୍ରଦାନ କରିବ। ଗୁରୁବାର ଏକ ବିଜ୍ଞପ୍ତି ଜାରି କରି ଏହି ଘୋଷଣା କରାଯାଇଛି। ଡୋମିନିକାର ରାଷ୍ଟ୍ରମଣ୍ଡଳର ଅଧ୍ୟକ୍ଷ ସିଲଭେନି ବର୍ଟନ ଆଗାମୀ ଭାରତ-କ୍ୟାରିକମ୍ ଶିଖର ସମ୍ମିଳନୀ ବେଳେ ଏହି ପୁରସ୍କାର ପ୍ରଦାନ କରିବେ। ଏହି ସମ୍ମିଳନୀ ୧୯ ରୁ ୨୧ ନଭେମ୍ବର ପର୍ଯ୍ୟନ୍ତ ଗୁୟାନର ଜର୍ଜଟାଉନ୍‌ରେ ହେବାର ଅଛି। ଉଲ୍ଲେଖନୀୟ ଯେ, ପ୍ରଧାନମନ୍ତ୍ରୀ ମୋଦି ୧୬ ରୁ ୨୧ ନଭେମ୍ବର ପର୍ଯ୍ୟନ୍ତ ଆଫ୍ରିକୀୟ ଦେଶର ଗସ୍ତରେ ଯିବେ।

ଡୋମିନିକାର ପ୍ରଧାନମନ୍ତ୍ରୀ ସ୍କେରିଟ୍‌ ପିଏମ୍‌ ମୋଦିଙ୍କୁ ଜୋରଦାର ପ୍ରଶଂସା କରିଛନ୍ତି। ସେ କହିଛନ୍ତି, ପ୍ରଧାନମନ୍ତ୍ରୀ ମୋଦି ଡୋମିନିକାର ପ୍ରକୃତ ସାଥୀ। ବିଶେଷ ଭାବରେ ବିଶ୍ବ ସ୍ବାସ୍ଥ୍ୟ ସଙ୍କଟ ମଧ୍ୟରେ ଆମର ଭିତରେ ଦରକାରୀ  ସମୟରେ ସାହାଯ୍ୟ କରିଛନ୍ତି। ତାଙ୍କ ସମର୍ଥନ ପାଇଁ ଆମର କୃତଜ୍ଞତାର ପ୍ରତୀକ ରୂପରେ ଓ ଆମ ଦେଶ ଭିତରେ ମଜବୁତ ସମ୍ପର୍କର ପ୍ରତିବିମ୍ବ ରୂପରେ ତାଙ୍କୁ ଡୋମିନିକାର ସର୍ବୋଚ୍ଚ ରାଷ୍ଟ୍ରୀୟ ସମ୍ମାନ ପ୍ରଦାନ କରିବା ସମ୍ମାନର କଥା। ଆମେ ଏହାକ ଆଗକୁ ବଢାଇବା ଓ ଆପଣଙ୍କ ମିଳିତ ଦୃଷ୍ଟିକୋଣକୁ ଆଗକୁ ବଢାଇବା ପାଇଁ ତତ୍ପର।’

ଉଲ୍ଲେଖନୀୟ ଯେ, କରୋନା ମହାମାରୀ ବେଳେ ଫେବୃଆରୀ ୨୦୨୧ ରେ ଭାରତ ଡୋମିନିକାକୁ ଏଷ୍ଟେ୍ରାଜେନେକା କୋଭିଡ୍-୧୯ ଭ୍ୟାକସିନ୍‌ର ୭୦,୦୦୦ ଡୋଜ୍ ପଠାଥିଲର। ଡୋମିନିକା କହିଛ ଯେ, ଆମେ ଏହି ଭ୍ୟାକସିନ୍ ନେବା ସହ ପଡୋଶୀ ଦେଶକୁ ସାହାଯ୍ୟ କରିବାର ସୁଯୋଗ ମିଳିଲା। ବିଜ୍ଞପ୍ତିରେ କୁହାଯାଇଛି ଏହି ପୁରସ୍କାର ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ବରେ ଶିକ୍ଷା ଓ ସୂଚନା ପ୍ରଯୁକ୍ତିରେ ଡୋମିନିକାର ବିକାଶ ପାଇଁ ତାଙ୍କ ଭୂମିକାକୁ ମଧ୍ୟ ମାନ୍ୟତା ଦେଉଛି।