ପୁରୀ ୩୦/୦୩: ଶ୍ରୀମନ୍ଦିର ପତିତପାବନ ବାନରେ ପୁଣି ବସିଲା ଚିଲ୍। ସୋମବାର ଏକ ଚିଲ ନୀଳଚକ୍ର ଚାରିପଟେ ଘୂରି ବୁଲିବା ପରେ କିଛି ସମୟ ଧରି ବସିଥିବା ଦେଖିବାକୁ ମିଳିଥିଲ। ତେବେ ନୀଳଚକ୍ରରେ ଉପରେ ଚିଲ ବସିବାକୁ ନେଇ ବିଭିନ୍ନ ମହଲରେ ନାନା କଳ୍ପନା ଜଳ୍ପନା ଆରମ୍ଭ ହେଇଛି। କେହି କେହି ଏହାକୁ ଶୁଭ ସଙ୍କେତ କହୁଥିବା ବେଳେ କେହି କେହି ରାଜ୍ୟପ୍ରତି ବଡ଼ ବିପଦ ଆସିବାରୁ ସଙ୍କେତ ବୋଲି କହୁଛନ୍ତି। ଯାହାକୁ ନେଇ ଭକ୍ତ ମଧ୍ୟ ଏବେ ଚର୍ଚ୍ଚା ଆରମ୍ଭ ହୋଇଛି।
ସୂଚନା ଅନୁଯାୟୀ, ସୋମାବର ସକାଳ ସମୟ ଏକ ଚିଲ ଶ୍ରୀମନ୍ଦିର ଉପରେ ଉଡ଼ୁଥିଲା। କିଛି ସମୟ ବୁଲିବା ପରେ ଚିଲଟି ପତିତପାବନ ବାନା ଉପରେ ବସିଥିଲା। କିଛି ମିନିଟ ଧରି ବସିବା ପରେ ପୁଣି ଉଡ଼ିଯାଇଥିଲା। ତେବେ ପତିତପାବନ ବାନା ଉପରେ ଚିଲ ବସିବା ଶୁଭ କି ଅଶୁଭ ତାହାକୁ ନେଇ ବିଭିନ୍ନ ମହଲରେ ପ୍ରଶ୍ନ ଉଠିଛି। କେତେଜଣ ସେବାୟତ ଏହାକୁ ମହାପ୍ରଭୁଙ୍କ ବଡ଼ ସଂକେତ ବୋଲି କହିଛନ୍ତି। ଚିଲ ପତିତପାବନ ବାନା ଉପରେ ବସିଲେ ଦେଶରେ ବିପର୍ଯ୍ୟୟ ଘଟିଥାଏ। ଭୂମିକମ୍ପ, ଭୂସ୍ଖଳନ, ବନ୍ୟା, ବାତ୍ୟା ଭଳି ପ୍ରାକୃତିକ ବିପର୍ଯ୍ୟୟ ସହ ଖାଦ୍ୟାଭାବ, ଗୃହଯୁଦ୍ଧ ବୃଦ୍ଧି ପାଇଥାଏ ବୋଲି ସେମାନେ କହିଛନ୍ତି।
ଉଲ୍ଲେଖ ଯୋଗ୍ୟ, ଏପରି ଘଟଣା ପ୍ରଥମ ନୁହେଁ। ପୂର୍ବରୁ ଚଳିତ ବର୍ଷ ଏପ୍ରଲିରେ ପତିତପାବନ ବାନା ନେଇ ଚିଲ ଉଡୁଥିବା ଦେଖିବାକୁ ମିଳିଥିଲା। ତେବେ ଶ୍ରୀମନ୍ଦିର ନୀଳଚକ୍ରରେ ପ୍ରତ୍ୟେକ ଦିନ ବାନା ପରିବର୍ତ୍ତନ କରାଯାଉଥିବା ବେଳେ ବିଭିନ୍ନ ସମୟରେ ନୀଳଚକ୍ର ଉପରେ ଚିଲ ବସିଥିବାର ନଜିର ମଧ୍ୟ ଆସିଛି ।
ଅଧିକ ପଢ଼ନ୍ତୁ :- ମଲ୍ଲୀ ମାଳ ବିନା ସାହିଯାତର ମଜା ଅଧୁରା: ଦେଶୀ ଅସଲି ସୁବାସ ଖେଳୁନି, କୋଲକତା ମଲ୍ଲୀରେ ବୁଝୁଛି ମନ
