ନୂଆଦିଲ୍ଲୀ,୦୯/୦୩:ଭୂକମ୍ପ ଝଟକାରେ ଥରିଲା ଫିଲିପାଇନ୍ସ । ଆଜି ସକାଳୁ ସକାଳୁ ଫିଲିପାଇନ୍ସରେ ଭୂକମ୍ପ ଝଟକା ଅନୁଭୂତ ହୋଇଛି । ଯାହାର ରିକ୍ଟର ସ୍କେଲରେ ତୀବ୍ରତା ୪.୧ ରେକର୍ଡ଼ କରାଯାଇଛି । ତେବେ ଏହି ଭୂକମ୍ପରେ କୌଣସି କ୍ଷୟକ୍ଷତି ହୋଇଥିବା ନେଇ କୌଣସି ସୂଚନା ମିଳିନି ।
ଏହା ମଧ୍ୟ ପଢନ୍ତୁ- ଦକ୍ଷିଣ ଆମରିକାର ଚିଲିରେ ଭୂକମ୍ପ ଝଟକା, ରିକ୍ଟର ସ୍କେଲରେ ତୀବ୍ରତା ୬.୧ ରେକର୍ଡ଼
ତେବେ ଫିଲିପାଇନ୍ସ ପ୍ରଶାନ୍ତ ମହାସାଗରର 'ରିଙ୍ଗ୍ ଅଫ୍ ଫାୟାର' ଜୋନରେ ଅବସ୍ଥିତ ହୋଇଥିବାରୁ, ଯେଉଁଠାରେ ଜ୍ୱାଳାମୁଖୀ ଗତିବିଧି ହୋଇଥାଏ।। ଏନେଇ ପୃଥିବୀ ଥରି ଉଠେ ଏବଂ କମ୍ ତୀବ୍ରତାର ଭୂମିକମ୍ପ ମଧ୍ୟ ଦୃଢ଼ ଭାବରେ ଅନୁଭୂତ ହୁଏ। ବର୍ତ୍ତମାନ ଦେଶର ପରିବେଶ ଶାନ୍ତିପୂର୍ଣ୍ଣ ଅଛି, କିନ୍ତୁ ପୁଣି ଥରେ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି, କାରଣ ଗବେଷଣା କେନ୍ଦ୍ର ପୂର୍ବାନୁମାନ କରିଛି ଯେ, ଯଦି ଏକ ଅଧିକ ତୀବ୍ରତାର ଭୂମିକମ୍ପ ହୁଏ, ତେବେ ସମୁଦ୍ର ଭିତରେ ଏକ ଜ୍ୱାଳାମୁଖୀ ଫାଟିପାରେ । ଯାହା ଯୋଗୁଁ ଦେଶକୁ ବହୁତ କ୍ଷତି ସହିବାକୁ ପଡ଼ିପାରେ, ତେଣୁ ସତର୍କ ରହିବା ଆବଶ୍ୟକ । ପ୍ରକାଶ ଥାଉକି,ନିକଟରେ ଦକ୍ଷିଣ ଆମରିକାର ଚିଲିରେ ମଧ୍ୟ ଭୂକମ୍ପ ହୋଇଥିଲା । ଯାହାର ରିକ୍ଟର ସ୍କେଲରେ ତୀବ୍ରତା ୬.୧ ରେକର୍ଡ଼ କରାଯାଇଥିଲା। ସେହିପରି ୧୫ ବର୍ଷ ପୂର୍ବେ ଅର୍ଥାତ୍ ୨୦୧୦ ମସିହାରେ ଦକ୍ଷିଣ ଆମେରିକାର ଚିଲିରେ ଏକ ଭୟଙ୍କର ଭୂମିକମ୍ପ ହୋଇଥିଲା। ସେହି ସମୟରେ ଭୂମିକମ୍ପର ତୀବ୍ରତା ୮.୮ ରେକର୍ଡ କରାଯାଇଥିଲା।
