ଭୁବନେଶ୍ୱର ୦୫/୦୭ : କ୍ରାନ୍ବେରୀ ଜୁସ୍ରେ ଆଣ୍ଟି-ଅକ୍ସିଡାଣ୍ଟସ୍ ଗୁଣ ସହ ପୋଟାସିୟମ୍ ପରି ପୋଷକ ତତ୍ତ୍ୱ ରହିଥାଏ । ଏହାକୁ ଖାଇବା ଦ୍ୱାରା ଅକ୍ସିଡେଟିଭ୍ ଷ୍ଟ୍ରେସ୍ କମ୍ ହୋଇଥାଏ । ଫଳରେ ହୃଦୟ ସୁସ୍ଥ ରହିଥାଏ । ନ୍ୟାସନାଲ୍ ଲାଇବ୍ରେରୀ ଅଫ୍ ମେଡିସିନ୍ର ଗବେଷଣା ଅନୁସାରେ କ୍ରାନ୍ବେରୀ ଖାଇବା ଦ୍ୱାରା କାର୍ଡିଓଭାସ୍କୁଲାର୍ ରୋଗରୁ କିଛି ମାତ୍ରାରେ ସୁରକ୍ଷା ମିଳିଥାଏ । ଏହି ଜୁସ୍ ଡିସ୍ଲିପିଡେମିଆ, ମଧୁମେହ, ଉଚ୍ଚ ରକ୍ତଚାପ, ପ୍ରଦାହ, ଅକ୍ସିଡେଟିଭ ଚାପ, ଏଡୋଥେଲିୟଲ୍ ଡିସ୍ଫଙ୍କସନ, ଧମନୀର ଷ୍ଟିପ୍ନେସ୍ କମ୍ କରିବା ସହ ପ୍ଲେଟଲେଟ୍ ଫଙ୍କସନ୍ ପରି ହୃଦୟର ସମସ୍ୟାକୁ ମଧ୍ୟ କମ୍ କରିଥାଏ । ଏହାବ୍ୟତୀତ...
କୋଲେଷ୍ଟେରଲ୍ କମାଏ :
କ୍ରାନ୍ବେରୀ ଜୁସ୍ରେ ଆଣ୍ଟି-ଅକ୍ସିଡାଣ୍ଟ ଗୁଣ ରହିଥାଏ । ଏହା ଶରୀରର ବ୍ୟାଡ୍ କୋଲେଷ୍ଟେରଲ୍ ଅର୍ଥାତ୍ ଏଲ୍ଡିଏଲ୍ ସ୍ତରକୁ କମ୍ କରିଥାଏ । ସେହିପରି ଭଲ କୋଲେଷ୍ଟେରଲ୍ ଏଚ୍ଡିଏଲ୍ ସ୍ତର ସନ୍ତୁଳିତ ରହିଥାଏ । ଏହାସହିତ ଟ୍ରାଇଗ୍ଲେସରାଇଡ୍ ସ୍ତରକୁ ମଧ୍ୟ କମ୍ କରିଥାଏ । ଫଳରେ ହୃଦୟ ସୁସ୍ଥ ରହିଥାଏ ।
ରକ୍ତଚାପକୁ ନିୟନ୍ତ୍ରିତ କରେ :
କ୍ରାନ୍ବେରୀ ଜୁସ୍ରେ ପୋଟାସିୟମ୍ ରହିଥାଏ । ସେହିପରି ଏଥିରେ ପଲିଫେନାଲ୍ସ ରହିଥାଏ, ଯାହା ରକ୍ତବାହୀ ନଳୀରେ ରକ୍ତର ପ୍ରବାହକୁ ତୀବ୍ର କରିବା ସହ ରକ୍ତଚାପକୁ କମ୍ କରିଥାଏ । ଫଳରେ ରକ୍ତଚାପ କମ୍ ରହିଥାଏ ।
କ୍ରାନ୍ବେରୀ ଜୁସ୍ର ଫାଇଦା :
ଏହି ଜୁସ୍ ୟୁଟିଆଇରୁ ରକ୍ଷା କରିବା, ଅଲସରର ଆଶଙ୍କା କମାଏ, ହୃଦୟକୁ ସୁସ୍ଥ ରଖେ, ଇମ୍ୟୁନିଟି ବଢାଏ ଓ ପେଟର ସ୍ୱାସ୍ଥ୍ୟକୁ ଭଲ ରଖେ । ଏହାକୁ ପିଇବା ଦ୍ୱାରା ଅନେକ ପ୍ରକାରର ଲାଭ ମିଳିଥାଏ । ଏପରିକି ହାର୍ଟରେ ବ୍ଲକେଜ୍ ଥିଲେ ମଧ୍ୟ ଖୋଲିଯାଏ । ହାର୍ଟରେ ବ୍ଲକେଜ୍ ଥିଲେ, ଡାଏଟ୍ରେ ହଳଦୀ, ଲାଉ, ଡାଳିମ୍ବ, ଅଳସୀ, ଡାଳଚିନି, ଅଦା ଓ ତୁଳସୀକୁ ସାମିଲ୍ କରିବା ଉଚିତ୍ ।
ହାର୍ଟ ବ୍ଲକେଜ୍ର ଲକ୍ଷଣ :
ଛାତିରେ ଯନ୍ତ୍ରଣା, ଥକା ଲାଗିବା, ମୁଣ୍ଡ ବୁଲାଇବା, ଅତ୍ୟଧିକ ଝାଳ ଆସିବା, ବେହୋସ୍ ହୋଇଯିବା ଓ ନିଶ୍ୱାସ ନେବାରେ ସମସ୍ୟା ଦେଖା ଦେଇଥାଏ । ଏହି ସ୍ଥିତି ଉପୁଜିଲେ ଡେରି ନ କରି ତୁରନ୍ତ ଡାକ୍ତରଙଙ୍କ ପରାମର୍ଶ କରିବା ଉଚିତ୍ ।
