ନୂଆଦିଲ୍ଲୀ,୨୪/୦୪: FIITJEE ମାଲିକ ଡିକେ ଗୋୟଲଙ୍କ ବଢିଲା ଅଡୁଆ ।ଇଡ଼ିର ଏକକାଳୀନ ୧୦ଟି ସ୍ଥାନରେ ଚଢାଉ । ଦିଲ୍ଲୀ, ନୋଏଡା ଏବଂ ଗୁରୁଗ୍ରାମରେ ଥିବା ଡିକେ ଗୋୟଲଙ୍କ ଘରରେ ଚଢାଉ ହୋଇଛି । ଶହ ଶହ FIITJEE କେନ୍ଦ୍ର ବନ୍ଦ ଯୋଗୁଁ ୧୨୦୦୦ ପିଲାଙ୍କ ଭବିଷ୍ୟତ ଅନ୍ଧାରରେ । 

ଏହା ମଧ୍ୟ ପଢନ୍ତୁ- 

ସୂଚନା ମୁତାବକ, ଫେବୃଆରୀ ପୂର୍ବରୁ ନୋଏଡା ପୋଲିସ FIITJEE ସହ ଜଡିତ ଆକାଉଣ୍ଟଗୁଡ଼ିକୁ ଫ୍ରିଜ୍ କରିଥିଲା। ଗୋୟଲଙ୍କ ଆକାଉଣ୍ଟରୁ ୧୧ କୋଟି ୧୧ ଲକ୍ଷ ଟଙ୍କା ଜବତ କରାଯାଇଥିଲା। FIITJEE କୋଚିଂ ଇନଷ୍ଟିଚ୍ୟୁଟ୍ ବନ୍ଦ କରିବା ମାମଲାରେ ନୋଏଡା ପୋଲିସ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ପ୍ରତିଷ୍ଠାନର ନିର୍ଦ୍ଦେଶକମାନଙ୍କ ବିରୋଧରେ ମାମଲା ରୁଜୁ ହେବା ପରେ ପୋଲିସ FIITJEE ସହ ଜଡିତ ବ୍ୟାଙ୍କ ଆକାଉଣ୍ଟଗୁଡ଼ିକୁ ଜବତ କରିଥିଲା । ଏଥିସ FIITJEE ମାଲିକ ଦିନେଶ ଗୋୟଲଙ୍କ ବିରୋଧରେ ଏକ ମାମଲା ରୁଜୁ କରାଯାଇଥିଲା। ଏହି ମାମଲାରେ, ଦିନେଶ ଗୋୟଲଙ୍କ ସମେତ ୮ ଜଣଙ୍କ ବିରୋଧରେ ଅପରାଧିକ ଷଡ଼ଯନ୍ତ୍ର ଏବଂ ଅପରାଧିକ ବିଶ୍ୱାସ ଭଙ୍ଗ ଭଳି ଗୁରୁତର ଅଭିଯୋଗ ଲଗାଯାଇଥିଲା।