ଭୁବନେଶ୍ଵର, ୦୭/୦୭ : ରାଜ୍ୟରେ ଏବେ ବନ୍ୟା ସ୍ଥିତି ନାହିଁ। ହୀରାକୁଦରୁ ଏବେ ୨୦ଟି ଗେଟ୍ ଦେଇ ବନ୍ୟାଜଳ ନିଷ୍କାସନ ଜାରି ରହିଛି। ମଙ୍ଗଳବାର ସକାଳ ୬ଟାରେ ବନ୍ୟାଜଳ ମୁଣ୍ଡଳୀରେ ପହଞ୍ଚିବ। ୪.୫୦ ଲକ୍ଷ କ୍ୟୁସେକ୍ ଜଳ ମୁଣ୍ଡଳୀ ଆସିବ। ଆଗାମୀ ଦିନରେ ବର୍ଷା ହେଲେ, ଅଧିକ ଗେଟ୍ ଖୋଲିବ। ଏନେଇ ସୂଚନା ଦେଇଛନ୍ତି ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ ଚନ୍ଦ୍ରଶେଖର ପାଢ଼ୀ।
ସର୍ବୋଚ୍ଚ ଯନ୍ତ୍ରୀ କହିଛନ୍ତି ଯେ, ଆଇଏମଡିର ଆକଳନ ନଥିବା ସତ୍ତ୍ଵେ ବର୍ଷା ହେଲା। ବୈତରଣୀ ବିପଦ ୱାର୍ଣ୍ଣିଂ ଲେବୁଲ୍ ଉପରେ ପ୍ରବାହିତ ହେଉଥିଲା। ସେହିପରି ରେଙ୍ଗାଲି ଡ୍ୟାମ୍ର ଦୁଇଟି ଗେଟ୍ରେ ଏବେ ବନ୍ୟାଜଳ ନିଷ୍କାସନ ହେଉଛି। ବୁଢାବଳଙ୍ଗରେ ଅଧିକ ଜଳ ଆସିବ। ହେଲେ ବିପଦ ସଙ୍କେତ ଛୁଇଁବନି। ଯାଜପୁର ଜିଲ୍ଲା ଦଶରଥପୁରରେ ଗ୍ରାମୀଣ ବିକାଶ ପ୍ରୋଟେକ୍ସନ ୱାଲ୍ କରିବାର ଥିଲା, ହେଲେ କରି ନାହାଁନ୍ତି। ତେଣୁ ଛୋଟ ଆକାରରେ ବନ୍ଧ ଭାଙ୍ଗିଛି। ୨୦ ରୁ ୩୦ ଫୁଟର ଘାଇ ସୃଷ୍ଟି ହୋଇଛି।
