ନୂଆଦିଲ୍ଲୀ: ଦିଲ୍ଲୀର ଇନ୍ଦିରା ଗାନ୍ଧୀ ଆନ୍ତର୍ଜାତୀୟ (IGI) ବିମାନବନ୍ଦରରେ ଜରୁରୀକାଳୀନ ପରିସ୍ଥିତି ଜାରି କରାଯାଇଥିଲା। ଆଜି (ମଙ୍ଗଳବାର) ଅପରାହ୍ନ ପ୍ରାୟ ୩:୫୦ ସମୟରେ ବ୍ୟାଙ୍କକରୁ ମସ୍କୋ ଯାଉଥିବା ଏରୋଫ୍ଲୋଟ୍ ବିମାନ SU 273 ର କ୍ୟାବିନରୁ ଧୂଆଁ ବାହାରିଥିଲା। ଆଉ ଏହା ପରେ ବିମାନବନ୍ଦରରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା। ଦିଲ୍ଲୀ ବିମାନବନ୍ଦର ସୂତ୍ରରୁ ଏହି ସୂଚନା ଦିଆଯାଇଛି। 

ସୂଚନା ଅନୁଯାୟୀ, ବ୍ୟାଙ୍କକରୁ ମସ୍କୋ ଯାଉଥିବା ଏରୋଫ୍ଲୋଟ୍ ବିମାନ SU 273 ରେ ପ୍ରାୟ ୪୨୫ ଜଣ ଯାତ୍ରୀ ଥିଲେ। କ୍ୟାବିନରୁ ଧୂଆଁ ବାହାରୁଥିବା ଦେଖାଯିବା ପରେ ମଧ୍ୟ ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିଲେ। 

ପହଲଗାମ ଆତଙ୍କବାଦୀ ଆକ୍ରମଣ ପରେ, ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ସୁରକ୍ଷା ବ୍ୟବସ୍ଥା ପୂର୍ବରୁ କଡ଼ାକଡ଼ି କରାଯାଇଥିଲା। ଆଜି ବିମାନରୁ ଧୂଆଁ ବାହାରୁଥିବା ଦେଖାଯିବା ପରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଥିଲା ।ବର୍ତମାନ ବିମାନବନ୍ଦରକୁ ଆସୁଥିବା ଯାତ୍ରୀ ମାନଙ୍କୁ ଏକ ସ୍ୱତନ୍ତ୍ର ଉପାୟରେ ଯାଞ୍ଚ କରାଯାଉଛି। 

ସୂଚନାଥାଉକି, ଆସନ୍ତାକାଲି ରାଜଧାନୀ ଦିଲ୍ଲୀ ସମେତ ଦେଶର ମୋଟ ୨୫୯ ଟି ସ୍ଥାନରେ ମକ୍ ଡ୍ରିଲ୍ କରାଯିବ। ଏହି ସମୟ ମଧ୍ୟରେ, ଦେଶବ୍ୟାପୀ ସୁରକ୍ଷା ପ୍ରସ୍ତୁତି ଅଭ୍ୟାସରେ ଅଂଶଗ୍ରହଣ କରିବେ। ଏହି ଅଭ୍ୟାସ ମୁଖ୍ୟତଃ ବିମାନ ଆକ୍ରମଣ ସାଇରନ୍ ଏବଂ ବ୍ଲାକଆଉଟ୍ ଭଳି ପରିସ୍ଥିତିର ପ୍ରଥମ ପ୍ରତିକ୍ରିୟା ଅଭ୍ୟାସ । 

ଏହି ଅଭ୍ୟାସ ଏପରି ଏକ ସମୟରେ କରାଯାଉଛି ଯେତେବେଳେ ୨୨ ଏପ୍ରିଲରେ ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଶୀର୍ଷରେ ରହିଛି। ଏହି ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଥିଲା। ଏହା ୧୯୭୧ ମସିହା ପରେ ଏହି ପ୍ରକାରର ପ୍ରଥମ ଅଭ୍ୟାସ।