ନୂଆଦିଲ୍ଲୀ : ଇଂଲଣ୍ଡର ଟେଷ୍ଟ ଅଧିନାୟକ ବେନ୍ ଷ୍ଟୋକ୍ସ ଖୁବ୍ ଶୀଘ୍ର ଘରୋଇ କ୍ରିକେଟରେ ଖେଳିବା ନଜର ଆସିବେ। ଇଂଲଣ୍ଡର ଏହି ଷ୍ଟାର ଅଲରାଉଣ୍ଡରଙ୍କୁ ଡରହମର ଟିମରେ ସାମିଲ କରାଯାଇଛି। ସେ ଶୁକ୍ରବାର ଠାରୁ ଚେଷ୍ଟର-ଲେ-ଷ୍ଟ୍ରିଟରେ ନର୍ଥାମ୍ପଟନଶାୟାର ବିପକ୍ଷରେ ହେବାକୁ ଥିବା କାଉଣ୍ଟି ଚାମ୍ପୟନସିପ ମ୍ୟାଚରେ ଖେଳିବେ। ଷ୍ଟୋକ୍ସ ଏହି ସିଜନରେ ଡରହମ ପାଇଁ ତାଙ୍କର ୩ୟ ମ୍ୟାଚ୍ ଖେଳିବେ। ଏହି ମ୍ୟାଚ୍ ନ୍ୟୁଜିଲ୍ୟାଣ୍ଡ ବିପକ୍ଷରେ ଚାଲୁ ଥିବା ଓଭାଲ ଟେଷ୍ଟ ସହ ହିଁ ଖେଳା ଯିବ। ଲର୍ଡ୍ସରେ ନ୍ୟୁଜିଲ୍ୟାଣ୍ଡ ବିପକ୍ଷରେ ବିଜୟ ପରେ ଇଂଲଣ୍ଡର ନାଇଟକ୍ଲବରେ ହୋଇଥିବା ଘଟଣା କାରଣରୁ, ଷ୍ଟୋକ୍ସ ଓ ଦ୍ରୁତ ବୋଲର ଗସ୍ ଏଟକିନସନଙ୍କୁ ସିରିଜର ୨ୟ ଟେଷ୍ଟ ପାଇଁ ଚୟନ କରାଯାଇ ନଥିଲା।
ଏହି ଦୁଇ ଖେଳାଳି ନାଇଟକ୍ଲବର ଏକ ଘଟଣାରେ ସାମିଲ ଥିଲେ। ଏହି ଘଟଣାରେ ସାରାସେନ୍ସ ରଗବୀ କ୍ଲବର ଖେଳାଳି ଟୋଟୋଆ ଆଭା ମଧ୍ୟ ସାମିଲ ଥିଲେ, ଯିଏକି କଥିତ ଭାବେ ଏକ ମୁଥା ମାରି ଥିଲେ, ଯେଉଁଥିରେ ଷ୍ଟୋକ୍ସ ଓ ଏଟକିନସନଙ୍କ ସହ ଥିବା ଇସିବି ସୁରକ୍ଷା ଅଧିକାରୀ ଆହତ ହୋଇ ଥିଲେ। ଅନୁଭବୀ ବ୍ୟାଟ୍ସମ୍ୟାନ ଜୋ ରୁଟଙ୍କୁ ଷ୍ଟୋକ୍ସଙ୍କ କାରଣରୁ ମଧ୍ୟବର୍ତ୍ତିକାଳୀନ ଅଧିନାୟକ ନିଯୁକ୍ତ କରାଯାଇଛି। ଦ୍ୱିତୀୟ ଟେଷ୍ଟ ୧୭ରୁ ୨୧ ଜୁନ ଯାଏ ‘ଦ ଓଭାଲ’ରେ ଖେଳା ଯାଉଛି।
ଇସିବି ଜାରି ବିବୃତ୍ତିରେ କହିଥିଲା, ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ (ଇସିବି) ନିଶ୍ଚିତ କରେ ଯେ, ଜାରି ଯାଞ୍ଚକୁ ନଜରରେ ରଖି, ବେନ ଷ୍ଟୋକ୍ସ ଓ ଗସ ଏଟକିନସନଙ୍କୁ ନ୍ୟୁଜିଲ୍ୟାଣ୍ଡ ବିପକ୍ଷରେ ଦ୍ୱିତୀୟ ଟେଷ୍ଟରେ ଚୟନ ପାଇଁ ଉପଲବ୍ଧ ନଥିବା ବିବେଚନା କରାଯାଇଛି। ଏହି ମ୍ୟାଚ୍ ୧୭ ଜୁନରୁ ଓଭାଲରେ ଆରମ୍ଭ ହେବ। ୟାର୍କଶରର ବ୍ୟାଟ୍ସମ୍ୟାନ ଜୋ ରୁଟ୍ ମଧ୍ୟବର୍ତ୍ତୀକାଳୀନ ଅଧିନାୟକ ଭାବେ ଦଳର ନେତୃତ୍ୱ ନେବେ।
ଆହୁରି ମଧ୍ୟ ପଢନ୍ତୁ : BCCI : ଶ୍ରୀଲଙ୍କାରେ ଲଢେଇ ପରେ BCCI ନେବ ବୈଭବଙ୍କ ଉପରେ ଆକ୍ସନ ? ଦେବଜୀତ କଲେ ସ୍ପଷ୍ଟ
