ନୂଆଦିଲ୍ଲୀ,୦୬/୦୩: କର୍ମଚାରୀ ଭବିଷ୍ୟ ନିଧି ସଂଗଠନ (ଇପିଏଫଓ) ପକ୍ଷରୁ ନିୟମରେ ବଡ଼ ପରିବର୍ତ୍ତନ । ଏଣିକି ଇପିଏଫ ସଦସ୍ୟମାନେ କୌଣସି ଡକ୍ୟୁମେଣ୍ଟ ଅପଲୋଡ୍ ନ କରି ବ୍ୟକ୍ତିଗତ ବିବରଣୀ ସହିତ ସେମାନଙ୍କର ୟୁନିଭର୍ସାଲ୍ ଆକାଉଣ୍ଟ୍ ନମ୍ବରକୁ ଅପଡେଟ୍ କରିପାରିବେ।

ଯଦି UAN ଆଧାର ସହିତ ଲିଙ୍କ ଥାଏ  । ତେବେ EPF ସଦସ୍ୟ କୌଣସି ଡକ୍ୟୁମେଣ୍ଟ ଅପଲୋଡ୍ ନକରି ନାମ,ଜନ୍ମ ତାରିଖ,ଲିଙ୍ଗ,ଜାତୀୟତା,ପିତା କିମ୍ବା ମାତାଙ୍କ ନାମ, ବୈବାହିକ ସ୍ଥିତି, ପତି କିମ୍ବା ପତ୍ନୀଙ୍କ ନାମ, ଯୋଗଦାନ ତାରିଖ ଏବଂ ଛାଡିବା ତାରିଖ ପରି ବ୍ୟକ୍ତିଗତ ବିବରଣୀ ସହିତ ତାଙ୍କର ପ୍ରୋଫାଇଲକୁ ଅପଡେଟ୍ କରିପାରିବେ। ପୂର୍ବରୁ ସଦସ୍ୟମାନଙ୍କୁ ସେମାନଙ୍କର ପ୍ରୋଫାଇଲ୍ ଅପଡେଟ୍ କରିବା ପାଇଁ ନିଯୁକ୍ତିଦାତାଙ୍କ ଠାରୁ ଅନୁମୋଦନ ନେବାକୁ ପଡୁଥିଲା। ଯାହା ଫଳରେ ହାରାହାରି ପ୍ରାୟ ୨୮ ଦିନ ବିଳମ୍ବ ହେଉଥିଲା। EPFOର ଏକ ବିବୃତ୍ତି ଅନୁଯାୟୀ, ୨୦୨୪-୨୫ ଆର୍ଥିକ ବର୍ଷରେ ନିଯୁକ୍ତିଦାତାଙ୍କ ମାଧ୍ୟମରେ EPFO ଦ୍ୱାରା ପ୍ରାପ୍ତ ମୋଟ ୮ ଲକ୍ଷ ସଂଶୋଧନ ଅନୁରୋଧ ମଧ୍ୟରୁ ପ୍ରାୟ ୪୫ ପ୍ରତିଶତ ଏବେ ସଦସ୍ୟମାନେ ନିଜେ ଅନୁମୋଦନ କରିପାରିବେ।   କିନ୍ତୁ ଯଦି UAN ୧ ଅକ୍ଟୋବର ୨୦୧୭ ପୂର୍ବରୁ ଥାଏ ତେବେ  ପ୍ରୋଫାଇଲରେ ଯେକୌଣସି ଅପଡେଟ୍ ପାଇଁ ନିଯୁକ୍ତିଦାତାଙ୍କ ଅନୁମୋଦନ ଆବଶ୍ୟକ ହେବ।

ଏହା ମଧ୍ୟ ପଢନ୍ତୁ-  ମୁମ୍ବାଇ, ପୁନେରେ ଟେସ୍‌ଲାର ନିଯୁକ୍ତି ଆରମ୍ଭ,୨୦ ପଦବୀରେ ନିଯୁକ୍ତି ସୁଯୋଗ

EPF ପ୍ରୋଫାଇଲ୍ କିପରି ଅପଡେଟ୍ କରିବେ?

ସର୍ବପ୍ରଥମେ, EPFର ଅଫିସିଆଲ୍ ୱେବସାଇଟ୍ www.epfindia.gov.in ପୋର୍ଟାଲ୍କୁ ଯାଆନ୍ତୁ। ତା'ପରେ UAN ନମ୍ବର, ପାସୱାର୍ଡ ଏବଂ କ୍ୟାପଚା ଭଳି ବିବରଣୀ ପୂରଣ କରି ସଦସ୍ୟ ପୋର୍ଟାଲରେ ଲଗ୍ ଇନ୍ କରନ୍ତୁ।ଏହା ପରେ, ମେନୁରେ ଉପରେ ଦିଆଯାଇଥିବା 'ମ୍ୟାନେଜ' ବିକଳ୍ପ ଉପରେ କ୍ଲିକ୍ କରନ୍ତୁ। 'ମୌଳିକ ବିବରଣୀ ପରିବର୍ତ୍ତନ କରନ୍ତୁ'ବିକଳ୍ପ ଉପରେ କ୍ଲିକ୍ କରନ୍ତୁ।ଏହା ପରେ, ଆପଣଙ୍କର ଆଧାର କାର୍ଡ ଅନୁସାରେ ବ୍ୟକ୍ତିଗତ ବିବରଣୀ ଦିଅନ୍ତୁ ଏବଂ ଦାଖଲ କରନ୍ତୁ । 'ଟ୍ରାକ୍ ଅନୁରୋଧ' ବିକଳ୍ପ ବ୍ୟବହାର କରି ପ୍ରୋଫାଇଲ୍ ଅପଡେସନ୍ ପ୍ରକ୍ରିୟାକୁ ଟ୍ରାକ୍ କରନ୍ତୁ।