ଭୁବନେଶ୍ୱର,୨୦/୦୨: ମଞ୍ଚେଶ୍ୱର ଶିଳ୍ପାଞ୍ଚଳରେ ଥିବା ଏମରଜେନ୍ସି ରେସପନ୍ସ ସପୋର୍ଟ ସିଷ୍ଟମ(ଇଆର୍ଏସ୍ଏସ୍)ର ଜଣେ ଯୁବତୀଙ୍କୁ ଅସଦାଚରଣ ମାମଲାରେ ମଞ୍ଚେଶ୍ୱର ଥାନା ପୁଲିସ ଅଭିଯୁକ୍ତ ଯୁବକକୁ ଗିରଫ କରିଛି । ତାଙ୍କ ନାମ ଅଭିଜିତ ପ୍ରଧାନ (୩୮) । ଘର ନୟାଗଡ଼ ଫତେଗଡ଼ । ସେ ସମେଇ ଗଡ଼ିଆରେ ଭଡ଼ାରେ ରହୁଥିଲେ । ତାଙ୍କଠାରୁ ଏକ ସ୍କୁଟର ଜବତ ହୋଇଛି ।
ପୁଲିସ ସୂଚନା ଅନୁଯାୟୀ, ଇଆରଏସ୍ଏସ୍ରେ କାମ କରୁଥିବା ଜଣେ ଯୁବତୀ ଭିଏସ୍ଏସ୍ନଗରସ୍ଥିତ ଛାତ୍ରୀ ନିବାସରେ ରହୁଥିଲେ । ଗତ ୧୪ ତାରିଖ ସକାଳ ୬ଟା ସମୟରେ ସେ ଅଫିସକୁ ଚାଲି ଚାଲି ଆସୁଥିବା ବେଳେ ତାଙ୍କୁ ଏକ ସ୍କୁଟରରେ ଅଭିଜିତ ଆସି ତାଙ୍କୁ ସାଙ୍ଗରେ ବସାଇ ନେବାକୁ କହିଥିଲେ । ଯୁବତୀ ଜଣଙ୍କ ମନା କରିବାରୁ ଅଭିଜିତ ତାଙ୍କୁ ଟଣାଓଟରା କରିଥିଲେ । ଯୁବତୀ ଜଣଙ୍କ ପାଟି କରିବାରୁ ଅଭିଜିତ ସେଠାରୁ ସ୍କୁଟି ନେଇ ପଳାଇଥିଲେ । ଏନେଇ ଯୁବତୀ ଜଣଙ୍କ ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ । ପୁଲିସ ଏକ ମାମଲା ରୁଜୁକରି ଘଟଣାସ୍ଥଳର ଆଖପାଖରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରିଥିଲା । ଅଭିଜିତଙ୍କୁ ଚିହ୍ନଟ କରି ପୁଲିସ ଆଜି ଉଠାଇ ଆଣିଥିଲା ।
ଅଫିସ ବାହାରେ ଯୁବତୀଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗ, ଅଭିଯୁକ୍ତକୁ ଧରିବା ପାଇଁ ଛାନ୍ଭିନ୍ ଆରମ୍ଭ କଲା ପୁଲିସ
