ନୂଆଦିଲ୍ଲୀ : ଭାରତୀୟ ପ୍ରଶାସନିକ ସେବା (ଆଇଏଏସ)ର ପୂର୍ବତନ ଟ୍ରେନି ଅଧିକାରୀ ପୂଜା ଖେଡକର ସୁପ୍ରିମକୋର୍ଟଙ୍କ ଦ୍ୱାରସ୍ତ ହୋଇଛନ୍ତି। ଦିଲ୍ଲୀ ହାଇକୋର୍ଟଙ୍କ ସେହି ଆଦେଶକୁ ଚ୍ୟାଲେଞ୍ଜ କରିଛନ୍ତି, ଯେଉଁଥିରେ ତାଙ୍କର ଆଗୁଆ ଜାମିନ ଆବେଦନକୁ ଖାରଜ କରି ଦିଆ ଯାଇଛି। ପୂଜା ଖେଡକରଙ୍କ ଉପରେ ଅଭିଯୋଗ ଯେ, ସେ ଅନ୍ୟ ପଛୁଆ ବର୍ଗ (ଓବିସି) ଓ ଦିବ୍ୟାଙ୍ଗତା (ପିଡବ୍ଲ୍ୟୁଡି) ପାଇଁ ସଂରକ୍ଷିତ କୋଟାର ଫେକ୍ ଉପାୟରେ ଲାଭ ଉଠାଇ, ସଂଘ ଲୋକ ସେବା ଆୟୋଗ (ୟୁପିଏସସି) ପରୀକ୍ଷା ପାସ୍ କରିଥିଲେ।
ଖେଡକର ସୁପ୍ରିମକୋର୍ଟରେ ଦଲିଲ ଦେଇଛନ୍ତି କି,ତାଙ୍କ ବିରୋଧରେ ରୁଜୁ ଏଫଆଇଆରରେ ଯେଉଁ କାଗଜପତ୍ର ଓ ଆବେଦନ ପତ୍ରର ଉଲ୍ଲେଖ କରାଯାଇଛି, ତାହା ପୂର୍ବରୁ ହିଁ ଅଭିଯୋଗକାରୀ ପକ୍ଷର ପାଖରେ ଅଛି। ଏଥିପାଇଁ ତାଙ୍କୁ ହେପାଜତକୁ ନେଇ ପଚରାପଚରିର ଆବଶ୍ୟକତା ନାହିଁ। ପିଟିସନକାରୀ ଏହା ମଧ୍ୟ ତର୍କ ଦେଇଛନ୍ତି କି, ତାଙ୍କର କୌଣସି ଅପରାଧିକ ରେକର୍ଡ ନାହିଁ ଏବଂ ସେ ଜଣେ ଅବିବାହିତ ଦିବ୍ୟାଙ୍ଗ ମହିଳା।
ଖେଡକର ଏହା ମଧ୍ୟ କହିଛନ୍ତି କି, ତାଙ୍କର ନିଯୁକ୍ତି ଫିଜିକାଲ ଫେରିଫିକେସନ ପରେ ଭାରତୀୟ ପ୍ରଶାସନିକ ସେବା ଗୁଡ଼ିରେ ହୋଇଥିଲା,ଯେଉଁଥିରେ ତାଙ୍କୁ ଅଲ୍ ଇଣ୍ଡିଆ ସର୍ଭିସେସ୍ ଆକ୍ଟ ଓ ରୁଲ୍ସ ଅନୁସାରେ ସୁରକ୍ଷା ମିଳିଥାଏ। ସେ ଦାବି କରିଛନ୍ତି କି, ଦିବ୍ୟାଙ୍ଗତା ଅଧିକାର ଅଧିନିୟମ ଅନୁସାରେ , ମଧ୍ୟ ତାଙ୍କୁ ସେପର୍ଯ୍ୟନ୍ତ ସଂରକ୍ଷଣ ପ୍ରାପ୍ତ ଅଛି, ଯେପର୍ଯ୍ୟନ୍ତ ତାଙ୍କ ବିରୋଧରେ ଅଭିଯୋଗ ସିଦ୍ଧ ହେବ ନାହିଁ।
ଉଲ୍ଲେଖନୀୟ ଯେ, ଖେଡକରଙ୍କ ବିରୋଧରେ ଅଭିଯୋଗ ସାମନାକୁ ଆସିବା ପରେ ୟୁପିଏସସି ତାଙ୍କର ଚୟନ ପ୍ରକ୍ରିୟାକୁ ରଦ୍ଦ କରି ଦେଇଛି ଏବଂ ତାଙ୍କୁ ସିଏସଇ-୨୦୨୨ର ନିୟମ ଗୁଡ଼ିକର ଉଲ୍ଲଙ୍ଘନ କରିବାର ଦୋଷୀ କରି ଭବିଷ୍ୟତରେ ସବୁ ପରୀକ୍ଷା ଓ ନିଯୁକ୍ତି ପ୍ରକ୍ରିୟା ଗୁଡ଼ିକରୁ ସ୍ଥାୟୀ ରୂପେ ପ୍ରତିବନ୍ଧିତ କରାଯାଇଛି। ଏହାପରେ ୟୁପିଏସସିର ଅଭିଯୋଗ ଆଧାରରେ ଦିଲ୍ଲୀ ପୁଲିସ ଖେଡକରଙ୍କ ବିରୋଧରେ ମାମଲା ରୁଜୁ କରିଛି। ଖେଡକର ଗିରଫଦାରୀରୁ ରକ୍ଷା ପାଇବା ପାଇଁ ହାଇକୋର୍ଟରେ ଆଗୁଆ ଜାମିନ ଦାଏର କରି ଥିଲେ। ୧୨ ଅଗଷ୍ଟ ୨୦୨୪ରେ ହାଇକୋର୍ଟ ତାଙ୍କ ଅନ୍ତରୀଣ ସୁରକ୍ଷା ଦେଇଥିଲା, କିନ୍ତୁ ୨୩ ଡିସେମ୍ୱର ୨୦୨୪ରେ କୋର୍ଟ ଏହାକୁ ରଦ୍ଦ କରି ଦେଇ ଥିଲେ।
