ଭୁବନେଶ୍ୱର,୧୪/୦୩: ସାଲିଆସାହିର ବିର୍ସାମୁଣ୍ଡା ସାହିରେ ଅବକାରୀ ବିଭାଗର ଚଢାଉ । ଚଢାଉରେ ୫୦୦୦ ଲିଟରରୁ ଅଧିକ ପୋଚ ନଷ୍ଟ କଲା ଅବକାରୀ ଟିମ୍ । ଦେଶୀ ମଦ ପ୍ରସ୍ତୁତିରେ ବ୍ୟବହୃତ ହାଣ୍ଡି ଏବଂ ବାଲ୍ଟି ଇତ୍ୟାଦି ଜବତ ହୋଇଛି । ଦେଶୀ ମଦ କାରବାର ଅଭିଯୋଗରେ ୮ ଜଣଙ୍କୁ ଗିରଫ କରିଛି ଅବକାରୀ ଟିମ୍ ।
ସୂର୍ଯ୍ୟନଗରରେ ଯୁବକଙ୍କୁ ମରଣାନ୍ତକ ଆକ୍ରମଣ, ଗୋଡ଼ାଇ ଗୋଡ଼ାଇ ଖଣ୍ଡାରେ ହାଣିଲେ ଦୁର୍ବୃତ୍ତ
ସୂଚନା ମୁତାବକ, ସାଲିଆ ସାହିର ବିର୍ସାମୁଣ୍ଡା ସାହିରେ କିଛି ଲୋକ ବେଆଇନ୍ ଭାବେ ବିପୁଳ ପରିମାଣର ଦେଶୀ ମଦ କାରବାର କରୁଥିଲେ । ଏନେଇ ଏକ ବିଶେଷ ସୂତ୍ରରୁ ଖବର ପାଇଥିଲା ଅବକାରୀ ବିଭାଗ । ଖବର ପାଇ ଗୁରୁବାର ବିଳମ୍ୱିତ ରାତିରେ ଅତର୍କିତ ଚଢାଉ କରିଥିଲା । ଏହି ଚଢାଉରେ ୫୦୦୦ ଲିଟରରୁ ଅଧିକ ପୋଚ ନଷ୍ଟ କରିଛି ଅବକାରୀ ଟିମ୍ । ମଦ ପ୍ରସ୍ତୁତିରେ ବ୍ୟବହୃତ ହାଣ୍ଡି ଏବଂ ବାଲ୍ଟି ଇତ୍ୟାଦି ଜବତ ହୋଇଛି । ଏହା ସହ ଘଟଣାରେ ସମ୍ପୃକ୍ତ ଥିବା ୮ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରୁ ୬ ଜଣ ମହିଳା ଥିବା ନେଇ ସୂଚନା ମିଳିଛି ।
