ଚେନ୍ନାଇ : ତାମିଲନାଡୁରେ ଶୁକ୍ରବାର ରାତିରେ ଟ୍ରେନ୍ ଦୁର୍ଘଟଣା ହୋଇଛି। ବିହାର ଯାଉଥିବା ମହୀଶୂର-ଦରଭଙ୍ଗା ବାଗମତି ଏକ୍ସପ୍ରେସ ମାଲଗାଡ଼ିକୁ ଧକ୍କା ଦେଇଛି। ଛିଡ଼ା ହୋଇଥିବା ମାଲ ଗାଡ଼ିକୁ ଧକ୍କା ଦେଇଛି ଏକ୍ସପ୍ରେସ୍ ଟ୍ରେନ୍ ସଂଖ୍ୟା ୧୨୫୭୮ ( MYS-DBG )। ଏହାପରେ ୬ଟି ବଗି ଲାଇନଚ୍ୟୁତ ହୋଇଥିବା ସୂଚନା ଆସିଛି। ଧକ୍କା ଏତେ ଜୋରଦାର ଥିଲା ଯେ ଟ୍ରେନ୍ର ବଗିରେ ନିଆଁ ଲାଗି ଯାଇଛି। ବର୍ତ୍ତମାନ ସୁଦ୍ଧା ୧୦ ଜଣ ଆହତଙ୍କୁ ନିକଟସ୍ଥ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
ପ୍ରାଥମିକ ସୂଚନା ଅନୁସାରେ, ରାତି ୮ଟା ୩୦ ମିନିଟରେ ଦରଭଙ୍ଗା ଏକ୍ସପ୍ରେସ୍ ଷ୍ଟେସନରେ ଛିଡ଼ା ହୋଇଥିବା ମାଲଗାଡ଼ିକୁ ପଛପଟୁ ଧକ୍କା ଦେଇଥିଲା। ଦୁର୍ଘଟଣା ସମୟରେ ଏକ୍ସପ୍ରେସ୍ ଟ୍ରେନର ସ୍ପିଡ୍ କେତେ ଥିଲା ତାହା ମଧ୍ୟ ବର୍ତ୍ତମାନ ଜଣାପଡ଼ି ନାହିଁ । ଦୁର୍ଘଟଣା ପରେ ରେଲୱେ ଅଧିକାରୀ ଏବଂ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଛନ୍ତି । ଯାତ୍ରୀଙ୍କୁ ସୁରକ୍ଷିତ ବାହାର କରାଯାଉଛି।
କହି ରଖୁଛୁ କି ଏହା ପୂର୍ବରୁ ବିହାରର କଟିହାରରେ ଗୁରୁବାର ରାତିରେ ଟ୍ରେନ୍ ଦୁର୍ଘଟଣା ହୋଇଥିଲା। ସୁଧାନୀ –ବାରାସୋଇ ଷ୍ଟେସନ ମଧ୍ୟରେ ନ୍ୟୁ ଜଳପାଇଗୁଡିରୁ କଟିହାର ଯାଉଥିବା ମାଲଗାଡ଼ିର ଏକ ବଗି ଲାଇନଚ୍ୟୁତ ଘଟିଥିଲା।
