ନୂଆଦିଲ୍ଲୀ,୧୬/୧୧ : କେରଳରେ ନିକଟରେ ଏକ ସାଇବର ଅପରାଧ ମାମଲା ସାମ୍ନାକୁ ଆସିଛି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । ଜଣେ ଲୁଟେରା ମୁମ୍ବାଇ ପୋଲିସର ଅଫିସର ସାଜି ଲୋକଙ୍କୁ ଠକିବାର ପ୍ରୟାସ କରୁଥିଲା । ଏହି ସମୟରେ ଥିସୁର ସିଟି ପୋଲିସ ଜାଲରେ ଫସିଯାଇଛି । ଏହି ଘଟଣା ଆହୁରି ବି ମଜାଦାର ହୋଇଯାଇଛି ଯେତେବେଳେ ଠକ ଜଣଙ୍କ ଭୁଲରେ ଭିଡ଼ିଓ କଲରେ ସାଇବର ସେଲର ଜଣେ ଅଧିକାରୀଙ୍କୁ ହିଁ ନିଜର ଶିକାର ଭାବେ ବାଛିଥିଲା ।
ଏହି ପୁରା ଘଟଣା ସେତେବେଳେ ଆରମ୍ଭ ହୋଇଥିଲା ଯେତେବେଳେ ଲୁଟେରା ଜଣଙ୍କ ପୋଲିସ ଡ୍ରେସ ପିନ୍ଧି ଏକ ଅଧିକାରୀ ହେବାର ନାଟକ କରୁଥିଲା । ସେ ଭିଡ଼ିଓ କଲରେ ନିଜ ପରିଚୟ ମୁମ୍ବାଇ ପୋଲିସ ଅଫିସର ଭାବେ କହିଥିଲା । ମାତ୍ର ଅନ୍ୟପଟୁ ନିଜେ ଥିସୁର ସାଇବର ସେଲର ଜଣେ ଅଧିକାରୀ ଥିଲେ । ଯିଏ ନିଜ ପରିଚୟ ଲୁଚାଇ ଠକ ଜଣଙ୍କ ସହ କଥା ହୋଇଥିଲେ । ଲୁଟେରା ଜଣଙ୍କ ଯେତେବେଳେ ପଚାରିଥିଲେ କି ‘ଆପଣ କେଉଁଠି ଅଛନ୍ତି ?’ ଏହାପରେ ଲୁଟେରାଜଣକୁ ତୁରନ୍ତ ନିଜ ଭୁଲର ଅନୁଭବ ହେଲା ।
ଥିସୁରର ଅଧିକାରୀ ସୁଯୋଗର ଫାଇଦା ଉଠାଇ ଲୁଟେରାକୁ କହିଥିଲେ କି , ଏହି କାମ ବନ୍ଦ କର । ମୋତେ ତୁମ ଠିକଣା, ଲୋକେଶନ ଏବଂ ସବୁ କିଛି ଜଣା ଅଛି । ଏହା ସାଇବର ସେଲ ଅଟେ । ତୁମଲାଗି ଭଲ ହେବ କି ଏହିସବୁ ଛାଡ଼ି ଦିଅ ’। ଥିସୁର ସିଟି ପୋଲିସ ଏହି ଭିଡ଼ିଓ ମଙ୍ଗଳବାର ସୋସିଆଲ ମିଡ଼ିଆରେ ପୋଷ୍ଟ କରିଥିଲା । ଯାହା କିଛି ଘଣ୍ଟାରେ ଭାଇରାଲ ହୋଇଯାଇଛି । ଏହାଉପରେ ଲକ୍ଷାଧିକ ଭ୍ୟୁଜ ଏବଂ ବହୁ ଭଲପାଇବା ଆସିଥିଲା ।
