ନୂଆଦିଲ୍ଲୀ,୨୬।୫:୧୨ ବର୍ଷ ପୂର୍ବେ ଅନୁଷ୍କା ଯାଦବଙ୍କ ସହ ତେଜପ୍ରତାପଙ୍କ ସମ୍ପର୍କକୁ ନେଇ ପତ୍ନୀ ଐଶ୍ବର୍ଯ୍ୟା ଦେଇଛନ୍ତି ବଡ଼ ବୟାନ। ସେ କହିଛନ୍ତି, ପୁରା ପରବାର ମିଶିକି ଡ୍ରାମା କରୁଛନ୍ତି। ସେ ମିଡିଆରେ ତାଙ୍କୁ ତେଜପ୍ରତାପଙ୍କ ଅନୁଷ୍କା ଯାଦବ ନାମକ ଝିଅ ସହ ସମ୍ପର୍କ ନେଇ ମୁହଁ ଖୋଲିଛନ୍ତି। ଐଶ୍ବର୍ଯ୍ୟା ଶ୍ବଶୁର ଲାଲୁ ପ୍ରସାଦ ଯାଦବ, ଶାଶୁ ରାବ୍ରୀ ଦେବୀ ଓ ଦିଅର ତେଜସ୍ବୀ ଯାଦବଙ୍କ ଉପରେ ଅଭିଯୋଗ କରିଛନ୍ତି। ସେ କହିଛନ୍ତି, ଯେତେବେଳେ ମୋତେ ମାଡ ମରାଯାଉଥିଲା ସେତେବେଳେ ତାଙ୍କର ସାମାଜିକ ନ୍ୟାୟ କେଉଁଠି ଥିଲା। ମୋର ଜୀବନ କାହିଁକି ଖରାପ କଲେ। ପୁରା ପରିବାର ମିଶିକି ଡ୍ରାମା କରୁଛନ୍ତି। ପାର୍ଟି ଓ ପରିବାରରୁ ବାହାର କରିବା କଥା କେବଳ ମିଛ ଓ ଡ୍ରାମା।

ଐଶ୍ବର୍ଯ୍ୟା କହିଛନ୍ତି, ଟ୍ବିଟରରେ ଚାରି ଲାଇନ୍ ଲେଖିବାରେ କ’ଣ ଅଛି। ଏମାନେ କେବେ ଅଲଗା ହୋଇପାରିବେନି। କାଲି ସନ୍ଧ୍ୟାରେ ରାବ୍ରୀ ଦେବୀ ତାଙ୍କ ପାଖକୁ ଯାଇଥିଲେ ଓ ଲୁହ ପୋଛି କହିଥିଲେ କିଛି ଦିନ ଶାନ୍ତ ରୁହ। ଆମେ ସବୁ ଠିକ୍ କରିଦେବୁ। ତେଜସ୍ବୀ ଯାଦବ ଭାଇଙ୍କ ସହ ଅଛନ୍ତି। କୋର୍ଟ ତାଙ୍କୁ ଘରୋଇ ହିଂସାରେଦୋଷୀ ପାଇଛନ୍ତି, କିନ୍ତୁ କୌଣସି ଗଣମାଧ୍ୟମରେ ଖବର ନାହିଁ। ମୋତେ ମାଡ଼ ମରାଗଲା ଓ ମୋତେ ଖାଇବାକୁ ଦିଆଗଲାନି। ଲାଲୁ ଜୀ କିଛି ବି କହୁନଥିଲେ। ମୁଁ ନିଜର ହକ୍ ପାଇଁ ଲଢେଇ କରିବି। ଏହି ଲୋକମାନେ ମୋର ଜୀବନକୁ ନଷ୍ଟ କରିଦେଲେ। ୧୨ ବର୍ଷ ହେବେ ତେଜ ସମ୍ପର୍କରେ ଥିଲେ, ଏହାକୁ ସେ ସ୍ବୀକାର କରିଛନ୍ତି। ସମସ୍ତଙ୍କୁ ସବୁ ଜଣାଥିବ, ତା ହେଲେ ସେମାନେ କାହିଁକି ମୋ ସହ ବିବାହ କଲେ ? ନିଜ ପୂଅର ଭୁଲ ଲୁଚାଇବାକୁ ଯାଇ ସେମାନେ ମୋ ଚରିତ୍ରକୁ ଆକ୍ଷେପ କଲେ। ଯେତେବେଳେ କଥା ପରିବାର ଉପରକୁ ଆସିଲା ସେମାନେ ସାମାଜିକ ନ୍ୟାୟର ପୁରୋଧା ପାଲଟି ଗଲେ। ତେଜପ୍ରତାପ ଯାଦବଙ୍କ ପାର୍ଟି ଓ ପରିବାରରୁ ବାହାର କରାଯିବା କେବଳ ମିଛ। ତାଙ୍କୁ କୌଣସି ଚିନ୍ତା ନାହିଁ, ପୁଅ କେତେଟା ବାହା ହେଉଛି। କିନ୍ତୁ ନିର୍ବାଚନ ପୂର୍ବରୁ ଏହି କଥା ଜଣାପଡି ଯିବାରୁ ଡ୍ରାମା କରାଯାଉଛି।