କମର୍ଦ୍ଦା,୧୮/୦୮: ଭୋଗରାଇ ବ୍ଲକ ଅନ୍ତର୍ଗତ ଦୁଡ଼ପଳ ପଞ୍ଚାୟତ ଅଧୀନ ସେହି ଗ୍ରାମର ଜଣେ ସାଧାରଣ ଚାଷୀ ଉପେନ୍ଦ୍ର ନାଥ କମିଳା, ମାତା ଅଙ୍ଗନବାଡ଼ି କର୍ମୀ ସୀତାମଣୀ କାମିଳାଙ୍କ ଏକମାତ୍ର ପୁତ୍ର ବିନୟଭୂଷଣ ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ)ରେ ଟେକ୍ନିକାଲ ଅଧିକାରୀ ଭାବେ ନିଯୁକ୍ତି ପାଇଛନ୍ତି ।
ସେ ମେଧାବୀ ଛାତ୍ର ଥିଲେ । ଏହି ସଫଳତା ପାଇଁ ବାପା, ମା’, ପରିବାର, ବନ୍ଧୁବାନ୍ଧବ, ଶିକ୍ଷକଶିକ୍ଷୟିତ୍ରୀ, ଅଧ୍ୟାପକ ଅଧ୍ୟାପିକାମାନଙ୍କୁ ଶ୍ରେୟ ଦେଇଛନ୍ତି । ଦୁଡ଼ପଳ ପଞ୍ଚାୟତ ସରପଞ୍ଚ ଚିତ୍ରଲେଖା ବେହେରା, ପ୍ରାକ୍ତନ ସରପଞ୍ଚ ଅନାଦିନନ୍ଦନ ପାଳ, ପୂର୍ବତନ ସରପଞ୍ଚ କାର୍ତ୍ତିକ ଚନ୍ଦ୍ର ପାତ୍ର, ପୂର୍ବତନ ସମିତି ସଭ୍ୟ ପୁଲିନ କୁମାର ଜେନା, ଆଇନଜୀବୀ ଶଶିକାନ୍ତ ଦେ, ଶୁଭେନ୍ଦୁ କୁମାର ଦତ୍ତ ପ୍ରମୁଖଙ୍କ ସହିତ ଗ୍ରାମବାସୀମାନେ ବିନୟଙ୍କୁ ଶୁଭେଚ୍ଛା ଜଣାଇଛନ୍ତି ।
