ସୋର,୦୩/୦୮: ହୁତୁହୁତୁ ନିଆଁରେ ପୋଡିଗଲା ଦୁଇ ବଖରା ଘର । ସର୍ବସ୍ୱ ହରାଇଲେ ଦୁଇ ପରିବାର । ଏଭଳି ଏକ ଭୟାନକ ଅଗ୍ନିକାଣ୍ଡରେ ସର୍ବସ୍ୱ ହରାଇ ଦୁଇ ପରିବାର ରାଜରାସ୍ତାରେ । ଅଗ୍ନିକାଣ୍ଡରେ ଘରର ସମସ୍ତ ଆସବାବପତ୍ର ପୋଡ଼ି ଯାଇଥିବା ବେଳେ ୨୦ ହଜାର ଟଙ୍କା ମଧ୍ୟ ପୋଡ଼ି ଯାଇଛି ।
ସୂଚନା ମୁତାବକ, ସୋର ବ୍ଲକ ଦହିସଡା ପାଟଣା ସାହିରେ ଦୁଇ ଭାଇ ଦେବରାଜ ଦାସ ଓ ସରୋଜ ଦାସ ପରିବାର ନିର୍ମାଣଧିନ ପ୍ରଧାନମନ୍ତ୍ରୀ ଆବାସରେ ନଡ଼ା ଛପର ପକାଇ ରହି ଆସୁଥିଲେ । ଶନିବାର ସେହି ଘରେ ନିଆଁ ଲାଗିଯିବାରୁ ଉଭୟ ପରିବାର ସର୍ବସ୍ୱ ହରାଇ ନିରାଶ୍ରୟ ହୋଇଯାଇଛନ୍ତି । ଘରର ସମସ୍ତ ଆସବାବପତ୍ର ପୋଡି ପାଉଁଶ ହେବା ସହିତ ଗ୍ରୁପରୁ ଆଣିଥିବା ୨୦ ହଜାର ଟଙ୍କା ନିଆଁରେ ପୋଡି ପାଉଁଶ ହୋଇଯାଇଛି । ଏହି ଘଟଣା ସମ୍ପର୍କରେ ଖବର ପାଇ ସୋର ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲା ।
