ଲକ୍ଷ୍ନୌ,୦୫/୦୫: ଉତ୍ତରପ୍ରଦେଶ କାନପୁରର ଗାନ୍ଧୀ ନଗରରେ ଏକ ୫ ମହଲା କୋଠାରେ ଭୟଙ୍କର ଅଗ୍ନିକାଣ୍ଡ ହୋଇଛି । ଜୋତା ଫ୍ୟାକ୍ଟ୍ରିରେ ନିଆଁ ଲାଗି ଗୋଟିଏ ପରିବାରର ୫ଜଣଙ୍କର ମୃତ୍ୟୁ ହୋଇଛି । ସ୍ୱାମୀ-ସ୍ତ୍ରୀଙ୍କ ସହ ୩ ଛୁଆଙ୍କର ମୃତ୍ୟୁ ହୋଇଥିବା ଜଣାପଡିଛି । ସଟ୍ ସର୍କିଟରୁ ନିଆଁ ଲାଗିଥିବା କୁହାଯାଉଛି । ୮ ଘଣ୍ଟାର ଅପରେସନ୍ ପରେ ମୃତଦେହ ଉଦ୍ଧାର ହୋଇଛି ।
ଆହତ ହସ୍ପିଟାଲରେ ଭର୍ତ୍ତି- ଉତ୍ତରପ୍ରଦେଶ କାନପୁର ଜମନଗଞ୍ଜ ଥାନା କ୍ଷେତ୍ର ସ୍ଥିତ ପ୍ରେମନଗରେ ଏକ ଜୋତା କାରଖାନାରେ ଭୟଙ୍କର ଅଗ୍ନିକାଣ୍ଡ ହୋଇଛି । ସେଠୁ ନିଆଁ ଅନ୍ୟ ବିଲ୍ଡିଂକୁ ବ୍ୟାପି ଥିଲା । ଫଳରେ ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ହୋଇଛି । ଘଟଣାର ଖବର ପାଇଁ ୪ ଦମକଳ ଗାଡି ସହ ଉଦ୍ଧାରକାରୀ ଟିମ୍ ପହଞ୍ଚି ନିଆଁକୁ ଆୟତ କରିବା କାର୍ଯ୍ୟରେ ଲାଗି ପଡିଥିଲେ । ପ୍ରାୟ ୮ ଘଣ୍ଟାର ଅପରେସନ ପରେ ନିଆଁକୁ ଆୟତ କରାଯାଇଥିଲା । ଆହତ ୪ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ରବିବାର ବିଳମ୍ବିତ ରାତିରେ ଭୀଷଣ ଅଗ୍ନିକାଣ୍ଡ ହୋଇଛି । ବିଲ୍ଡିଂରେ ଚତୁର୍ଥ ମହଲାରେ ଗୋଟିଏ ପରିବାର ରହୁଥିଲେ ।
ଅଧିକ ପଢନ୍ତୁ...ହୋଟେଲରେ ଭୟଙ୍କର ଅଗ୍ନିକାଣ୍ଡ;୧୪ ମୃତ, ଅନେକ ଆହତ
ମୃତକଙ୍କ ସମ୍ପର୍କୀୟ କହିଛନ୍ତି, ସର୍ଟ ସର୍କିଟରୁ ପୁରା ବିଲ୍ଡିଂରେ ନିଆଁ ଲାଗି ଯାଇଥିଲା । ମୋ ଭଣଜା ଓ ତାଙ୍କ ସ୍ତ୍ରୀଙ୍କର ମୃତ୍ୟୁ ହୋଇଛି । ସେମାନଙ୍କ ସହ ୩ଜଣ ପିଲା ରହିଥିଲେ । ପିଲାଙ୍କ ବୟସ ୧୪ ବର୍ଷ, ୧୧ ଓ ୭ ବର୍ଷ ହୋଇଥିଲା ।''
#WATCH | Kanpur, UP | A family member of the deceased says, "Fire broke out due to a short circuit in the building. Five people, including three children have died...The incident took place between 8.30-8.45 pm last night..." https://t.co/yX2Ie1LPQp pic.twitter.com/vt2lbNFjr9
— ANI (@ANI) May 5, 2025
କହ ରଖୁଛି କି, ଗତ ଏପ୍ରିଲ ୩୦ରେ ସେଣ୍ଟ୍ରାଲ କୋଲକାତାର ଋତୁରାଜ ହୋଟେଲରେ ଭୟଙ୍କର ଅଗ୍ନିକାଣ୍ଡ ହୋଇଥିଲା । ଏଥିରେ ୧୪ ଜଣଙ୍କର ମୃତ୍ୟୁ ହୋଇଥିଲା । ସେମାନଙ୍କ ମଧ୍ୟରେ ୪ ଜଣ ଓଡ଼ିଆ ଥିଲେ ।
