ଆସ୍କା, ୦୯/୦୧ : ଧାନ ଖଳାରେ ନିଆଁ ଲାଗି ଜଳିଗଲା ୨ ଗଦା ଧାନ। ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଜାହାଡ଼ା ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି। ଦୁଇଟି ଧାନ ଗଦା ସମ୍ପୂର୍ଣ୍ଣ ଜଳିପୋଡ଼ି ଛାରଖାର୍ ହୋଇଯାଇଛି। ଗ୍ରାମର ବିଷ୍ଣୁ ନାୟକ ଓ ପଞ୍ଚାନନ ପରିଡ଼ା ନାମକ ଦୁଇ ଚାଷୀଙ୍କ ଧାନ ଗଦା ପୋଡି ଯାଇଛି।
ସୂଚନାନୁଯାୟୀ, ଜାହାଡ଼ା ଗ୍ରାମର ବିଷ୍ଣୁ ନାୟକ ଓ ପଞ୍ଚାନନ ପରିଡ଼ା ଅମଳ ପାଇଁ ଧାନ କାଟି ଖଳାରେ ଗଦା କରିଥିଲେ। ଗୁରୁବାର ସକାଳେ ଧାନ ଖଳାରେ ନିଆଁ ଲାଗିଯାଇଥିଲା। ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ନିଆଁକୁ ଆୟତ୍ତ କରିଥିଲେ। ଦୁଇଟି ଧାନ ଗଦା ସମ୍ପୂର୍ଣ୍ଣ ଜଳିପୋଡି ଛାରଖାର ହୋଇଯାଇଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ବର୍ଷ ଯାକର ପରିଶ୍ରମ ଆଖି ଆଗରେ ଜଳି ଯାଇଛି। ଧାର ଉଧାର କରି ଚାଷ କରିଥିବା ଚାଷୀ ଏବେ ସର୍ବସ୍ଵାନ୍ତ ହୋଇପଡିଛି।
