ଭୁବନେଶ୍ଵର, ୧୭/୦୩ : ବୈପାରୀଗୁଡ଼ା ଥାନା ପରିସରରେ ଅଗ୍ନିକାଣ୍ଡ। ଜଳିଗଲା ୨ ଜବତ ହୋଇଥିବା ଗାଡି। ଥାନା ପରିସରରେ ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି। ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।
ସୂଚନାନୁଯାୟୀ, ସୋମବାର ବୈପାରୀଗୁଡ଼ା ଥାନା ପରିସରରେ ହଠାତ୍ ନିଆଁ ଲାଗି ଯାଇଥିଲା। ଥାନା ପଛପଟେ ଥୁଆ ହୋଇଥିବା ଜବତ ଗାଡିରେ ନିଆଁ ଲାଗିଥିଲା। ଦେଖୁ ଦେଖୁ ଦୁଇଟି କାର୍ ହୁତୁହୁତୁ ହୋଇ ଜଳି ଯାଇଥିଲା। ଥାନା ଅଧିକାରୀ ଦୀପାଞ୍ଜଳି ପ୍ରଧାନ ଦମକଳ ବାହିନୀକୁ ଖବର ଦେଇଥିଲେ। ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ଥାନା ପରିସରରେ ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି। ଅନ୍ୟ ଗାଡ଼ି ଗୁଡ଼ିକ ଅଳ୍ପକେ ବର୍ତ୍ତି ଯାଇଛି। ଥାନା ପରିସରରେ କିପରି ନିଆଁ ଲାଗିଲା ସେନେଇ ପୋଲିସ ତଦନ୍ତ ଆରମ୍ଭ କରିଛି।
