କଟକ, ୨୬/୦୫: କଟକ ଚୌଧୁରୀ ବଜାର ଅଞ୍ଚଳରେ ଥିବା ଚନ୍ଦନ ପୋଖରୀରେ ମାଛ ମଡକ। ସୋମବାର ସକାଳୁ ହଜାର ହଜାର ସଂଖ୍ୟାରେ ମାଛ ପୋଖରିରେ ମରି ଭାସୁଥିବାର ଦେଖିବାକୁ ମିଳିଛି। ସବୁଦିନ ଭଳି ଆଜି ମଧ୍ୟ ମାଛକୁ ଖାଇବାକୁ ଦେବାକୁ ଲୋକମାନେ ଯେତେବେଳେ ପୋଖରୀ ନିକଟକୁ ଯାଇଥିଲେ ସେତେବେଳେ ହଜାର ହଜାର ସଂଖ୍ୟାରେ ମାଛ ଗୁଡ଼ିକ ମରି ଭାସୁଥିବା ଦେଖିବାକୁ ପାଇଥିଲେ।
ତେବେ ଏହି ଖବର ପ୍ରଚାରିତ ହେବା ପରେ ପୋଖରୀ ନିକଟରେ ଲୋକଙ୍କ ଭିଡ଼ ଜମିବା ସହ ତୀବ୍ର ଅସନ୍ତୋଷ ଦେଖା ଦେଇଛି। କେହି ବିଷ ଦେଇ ମାରିଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା। ସେହିଭଳି ଏହି ପୋଖରୀର କୌଣସି ସୁରକ୍ଷା ବ୍ୟବସ୍ଥା ନଥିବା କାରଣରୁ ବିଭିନ୍ନ ସମୟରେ ଅସାମାଜିକ ବ୍ୟକ୍ତିମାନେ ଏଠାରେ ନିଶା ସେବନ କରନ୍ତି। ତେଣୁ ସେହି ଅସାମାଜିକ ବ୍ୟକ୍ତିମାନେ ଏହିଭଳି କାର୍ଯ୍ୟ କରିଥାଇ ପାରନ୍ତି ଓ କଟକ ମହାନଗର ନିଗମ ଓ ପୋଲିସ ଏଥିପ୍ରତି ଦୃଷ୍ଟି ଦେବା ପାଇଁ ଦାବି କରିଛନ୍ତି ସ୍ଥାନୀୟ ବାସିନ୍ଦା।
