ଲୋଇସିଂହା,୨୨।୬ : ସ୍ଥାନୀୟ ଆଇସିଡ଼ିଏସ ସଭାଗୃହରେ ଲୋକନାଟକ ମହୋତ୍ସବ ଓ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ଲୋଇସିଂହା ସ୍ଥିତ ଆଦିବାସୀ ସାଂସ୍କୃତିକ ଯୁବକ ସଂଘ ଓ ପଞ୍ଚଜନ୍ୟ ସାହିତ୍ୟ ଶ୍ରୀ ମନ୍ଦିର ର ମିଳିତ ଆନୁକୁଲ୍ୟରେ ତଥା ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ସହଯୋଗରେ ଆୟୋଜିତ ହୋଇଥିଲା।
ଲୋଇସିଂହା ଜମିଦାର ତଥା ଆଦିବାସୀ ସାଂସ୍କୃତିକ ଯୁବକ ସଂଘ ଅଧ୍ୟକ୍ଷା ଅର୍ଚ୍ଚନା ଦେବୀ ସିଂ ରାଏ ଏଥିରେ ଅଧ୍ୟକ୍ଷତା କରିଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ଆଦିବାସୀ କଲ୍ୟାଣ ସଂଘର ସଭାପତି ଶ୍ୟାମସୁନ୍ଦର ଭୋଇ, ସମ୍ମାନିତ ଅତିଥି ଭାବେ ଜିପିଇଓ କିଶୋର ଚନ୍ଦ୍ର ମାନସିଂ ଏବଂ ମୁଖ୍ୟବକ୍ତା ଭାବେ ଭୂମିକା ଅନୁଷ୍ଠାନର ନାଟ୍ୟ ନିର୍ଦ୍ଦେଶକ ଚିତ୍ତରଞ୍ଜନ ଦାସ ଯୋଗ ଦେଇଥିଲେ ।
ଏହି ଅବସରରେ ଆୟୋଜିତ ନାଟକରେ ନିର୍ଦ୍ଦେଶନା ଆଲୋଚନା ଚକ୍ରରେ ଲୀଳା ନାଟ୍ୟଗୁରୁ ଭକ୍ତ ନାଏକ, ନାଟ୍ୟ ନିର୍ଦ୍ଦେଶକ ନିସାର ଅହମ୍ମଦ ନିସାର, ଶିକ୍ଷାବିତ୍ ଧର୍ମସିଂ ମିଶ୍ର, ସରୋଜ ମହାକୁର, ପଞ୍ଚଜନ୍ୟ ସାହିତ୍ୟ ଶ୍ରୀ ମନ୍ଦିର ସଭାପତି ଦେବେନ୍ଦ୍ର ମିସ୍ତ୍ରୀ, ପ୍ରକାଶ ଥନାପତି, ଚିତ୍ତରଞ୍ଜନ ବିଶ୍ଵାଳ, ସଚିଦାନନ୍ଦ ପଧାନ ପ୍ରମୁଖ ଅଂଶଗ୍ରହଣ କରିଥିଲେ ।
ଆମ ଅଞ୍ଚଳରେ କଳାକାରର ଅଭାବ ନାହିଁ ବୋଲି କହିବା ସହିତ ଚିହ୍ନିବାର ଅଭାବ ରହିଛି ବୋଲି କହିଥିଲେ ।ଏହି ଅବସରରେ ସ୍ଥାନୀୟ ଅଞ୍ଚଳର ୫ ଟି ନାଟ୍ୟ ଅନୁଷ୍ଠାନକୁ ସମ୍ୱର୍ଦ୍ଧିତ କରାଯାଇଥିଲା । ଏହାସହ ଦେବେନ୍ଦ୍ର କନ୍ଧେର ଏବଂ ସାଥିଙ୍କ ଦ୍ଵାରା କଂସ ଦରବାର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏଥିରେ ଅଞ୍ଚଳର ବହୁ ସଂଖ୍ୟାରେ କଳାକାର ମାନେ ଯୋଗ ଦେଇଥିଲେ।
