ବାଉଁଶୁଣୀ, ୧୫/୮: ଶୁକ୍ରବାର ସନ୍ଧ୍ୟା ୬ ଘଣ୍ଟା ସମୟରେ ବୌଦ୍ଧ ବ୍ଲକ ବାଉଁଶୁଣୀ ଖେଳ ପଡିଆଠାରେ ଜାତୀୟ ଦିବସ ପାଳନ କମିଟି ପକ୍ଷରୁ ରୌପ୍ୟ ଜୟନ୍ତୀ ଅବସରରେ ଫୁଟବଲ ମ୍ୟାଚ ଅନୁଷ୍ଠିତ ହୋଇ ଯାଇଛି l ଉଦଘାଟନୀ ମ୍ୟାଚ ବଲାସିଙ୍ଗା ଓ ବlଉଁଶୁଣୀ ଦଳ ମଧ୍ୟରେ ଓ ଦ୍ବିତୀୟ ମ୍ୟାଚ ମୁଣ୍ଡାପଡା ଓ ମନୁପାଲି ମଧ୍ୟରେ ଅନୁଷ୍ଠିତ ହୋଇଥିଲା | ଉଭୟ ମ୍ୟାଚର ବିଜେତା ମନୁପାଲି ଓ ଗିରାସିଙ୍ଗା ମଧ୍ୟରେ ଫାଇନାଲ ମ୍ୟାଚରେ ମନୁପାଲି ଦଳ ୨-୦ ଗୋଲରେ ବିଜୟୀ ହୋଇଥିଲା |
ଉଦଘାଟନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବୌଦ୍ଧ ବ୍ଲକ ଅଧ୍ୟକ୍ଷ ପ୍ରିୟଦର୍ଶୀ ପ୍ରତ୍ୟୁଷ ରଥ ଯୋଗ ଦେଇ ଉଦଘାଟନ କରିଥିଲେ | ସେହିପରି ଉଦଯାପନି କାର୍ଯ୍ୟକ୍ରମରେ କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ ଯୋଗ ଦେଇ ବିଜେତା ଦଳକୁ ଟ୍ରଫି ପ୍ରଦାନ କରିଥିଲେ | ସମ୍ମାନୀତ ଅତିଥି ଭାବରେ ବlଉଁଶୁଣୀ ସରପଞ୍ଚ ଅଇଁଠୁ ମହାଳିକ, ଅବସରପ୍ରାପ୍ତ ଅତିରିକ୍ତ ଆରକ୍ଷୀ ଅଧୀକ୍ଷକ ରୁପଧର ନାଏକ, ଦଶରଥ ମେହେର ପ୍ରମୁଖ ଯୋଗ ଦେଇଥିଲେ |
