ମାଲକାନଗିରି, ୩୦/୭ (ଆପ୍ର): ପିଏ ଦେବ ନାରାୟଣ ପଣ୍ଡାଙ୍କ ମୃତ୍ୟୁ ମାମଲାର ବୁଧବାର ଏସଡିଜେଏମ କୋର୍ଟରେ ଶୁଣାଣି ହୋଇଥିଲା। ଏହି ମାମଲାରେ ମାଲକାନଗିରି ଏସଡିଜେଏମ୍ କୋର୍ଟରେ ହାଜର ହୋଇଛନ୍ତି ପୂର୍ବତନ ଜିଲ୍ଲାପାଳ ମନିଷ ଅଗ୍ରୱାଲ।
ସୂଚନାଯୋଗ୍ୟ, ତତ୍କାଳୀନ ମାଲକାନଗିରି ଜିଲ୍ଲାପାଳ ମନିଷ ଅଗ୍ରୱାଲଙ୍କ ସମୟରେ ତାଙ୍କର ପିଏ ଦେବ ନାରାୟଣ ପଣ୍ଡା ୨୦୧୯ ଡିସେମ୍ବର ୨୭ରେ ନିଖୋଜ ହୋଇଇଥିଲେ। ନିଖୋଜ ହେବାର ଦିନକ ପରେ ୨୮ ତାରିଖରେ ତାଙ୍କର ମୃତଦେହ ସତିଗୁଡ଼ା ଜଳ ଭଣ୍ଡାରରୁ ଉଦ୍ଧାର କରାଯାଇଥିଲା। ପୁଲିସ ଦ୍ବାରା ଏ ନେଇ ଏକ ମାମଲା ରୁଜୁ ହୋଇଥିଲା। ଦେବ ନାରାୟଣଙ୍କ ପତ୍ନୀ ବନଜା ପଣ୍ଡା ୨୦୨୦ ମସିହା ଜାନୁଆରୀ ମାସରେ ଜିଲ୍ଲାପାଳ ମନିଷ ଅଗ୍ରୱାଲା ଓ ଅନ୍ୟ ତିନିଜଣ କର୍ମଚାରୀଙ୍କ ଦ୍ବାରା ତାଙ୍କ ସ୍ବାମୀଙ୍କୁ ହତ୍ୟା କରାଯାଇଥିବା ଅଭିଯୋଗ କରିଥିଲେ। ସ୍ବର୍ଗତ ପଣ୍ଡାଙ୍କ ପରିବାର ପକ୍ଷରୁ ଏସ୍ଡିଜେଏମ୍, ମାଲକାନଗିରି କୋର୍ଟରେ ମାମଲା ରୁଜୁ କରାଯାଇଥିଲା। ବୁଧବାର ଏସଡିଜେଏମ୍ କୋର୍ଟରେ ଶୁଣାଣି ହୋଇଥିଲା। ଏସଡିଜେଏମ୍ କୋର୍ଟରୁ ଉପର କୋର୍ଟକୁ ମାମଲା ସ୍ଥାନାନ୍ତର ପାଇଁ ଆବେଦନ କରାଯାଇଥିବା ସୂଚନା ମିଳିଛି।
