ଭୁବନେଶ୍ଵର, ୧୧/୦୪ : ଛତିଶଗଡ଼ ବିଜାପୁର ଜିଲ୍ଲା ଉସୁର ଥାନା ଅନ୍ତର୍ଗତ ଭିମାରାମ ଜଙ୍ଗଲରୁ ବୋତଲ ବୋମା ଠାବ। କୋବ୍ରା ବାଟାଲିଆନର ଯବାନମାନେ ସର୍ଚ୍ଚ ଅପରେସନ କରୁଥିବା ବେଳେ ୪ଟି ବୋତଲ ବୋମା ଠାବ ହୋଇଛି। ଏହି ବୋମା ଗୁଡ଼ିକୁ ଅତି ସତର୍କତାର ସହ ସୁରକ୍ଷାବାହିନୀ ନିଷ୍କ୍ରିୟ କରିଛି।
ସୂଚନାନୁଯାୟୀ, ମାଓଗଡ଼ରେ ଏବେ ସୁରକ୍ଷା କର୍ମୀ ଜୋରଦାର ମାଓ ବିରୋଧ ଅପରେସନ ଚଳାଇଛନ୍ତି। ତେଣୁ ଯବାନଙ୍କୁ ଟାର୍ଗେଟ୍ କରି ନକ୍ସଲମାନେ ଜଙ୍ଗଲ ଭିତରେ ଆଇଇଡି ଖଞ୍ଜୁଛନ୍ତି। ଏହି ବୋତଲ ବୋମା ଗୁଡ଼ିକ ମଧ୍ୟ ନକ୍ସଲମାନେ ଯବାନଙ୍କୁ ଟାର୍ଗେଟ୍ କରି ଖଞ୍ଜିଥିଲେ। କୋବ୍ରା ବାଟାଲିଆନର ଯବାନମାନେ ସର୍ଚ୍ଚ ଅପରେସନ କରୁଥିବା ବେଳେ ୪ଟି ବୋତଲ ବୋମା ଠାବ କରିଥିଲେ। ପରେ ବୋମା ଗୁଡ଼ିକୁ ନିଷ୍କ୍ରିୟ କରାଯାଇଥିଲା।
ଏହି ଖବରଟିକୁ ପଢନ୍ତୁ-ଭାଙ୍ଗୁଛି ମାଓଗଡ଼, ଆତ୍ମସମର୍ପଣ କଲେ ୨୨ ମାଓବାଦୀ
