ଦଶପଲ୍ଲା,୧୬/୦୫: ଶୁକ୍ରବାର ଅପରାହ୍ନ ତିନିଟା ସମୟରେ ନୟାଗଡ଼ ଜିଲ୍ଲା ଦଶପଲ୍ଲା ଅଞ୍ଚଳର ବିଭିନ୍ନ ସ୍ଥାନରେ କାଳବୈଶାଖୀ ତାର କରାଳ ରୁପ ଦେଖାଇଥିଲା। ବର୍ଷା ପବନ ବିଜୁଳି ଘଡ଼ଘଡ଼ି ଯୋଗୁ ଅନେକ କ୍ଷୟକ୍ଷ୍ତ ହୋଇଥିବା ସୂଚନା ମିଳିଛି। ତେବେ ବଜ୍ରପାତରେ ୪ ଟି ଗୋରୁଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ସୁଚନାଅନୁସାରେ, ଦଶପଲ୍ଲା ବ୍ଲକ୍  ଟାକରା ଗ୍ରାମ ପଞ୍ଚାୟତ ଅନ୍ତର୍ଗତ ବାଙ୍କତଇଳା ଗାଁ ନିକଟରେ ଏକ ମହୁଲ ଗଛ ମୂଳରେ ଉପେନ୍ଦ୍ର ଭୋଇ,ସୁଶାନ୍ତ ଭୋଇ ଓ ପ୍ରଶାନ୍ତ ଭୋଇଙ୍କ ୪ଟି ଗୋରୁ ଶୋଇଥିବା ଅବସ୍ଥାରେ ହଠାତ୍ ବଜ୍ରପାତ ହେବାରୁ ମୃତ୍ୟୁ ହୋଇଥିଲା। ତେବେ ଚଳିତ ବର୍ଷ କାଳବୈଶାଖି ଓ ବଜ୍ରାଘାତରେ ଦଶପଲ୍ଲା ଅଞ୍ଚଳରେ ଅନେକ ଗାଇଗୋରୁଙ୍କ ମତ୍ୟୁ ହୋଇଥିବାବେଳେ , ଅଦ୍ୟାବଧି ଚାଷୀମାନଙ୍କୁ କୈଣଷି କ୍ଷତିପୂରଣ ମିଳିନାହିଁ। ଯାହା ଦ୍ଵାରା ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଉପରିସ୍ଥ ଅଧିକାରୀ ଏ ଦିଗରେ ଦୃଷ୍ଟି ଦେବା ପାଇଁ ସାଧାରଣରେ ଦାବି ହେଉଛି।