ଚେନ୍ନାଇ,୧୦/୦୫; ଜୋସେଫ୍ ବିଜୟ ଚନ୍ଦ୍ରଶେଖର ତାମିଲନାଡୁର ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଛନ୍ତି । ମୁଖ୍ୟମନ୍ତ୍ରୀ ହେବା ପରେ, ସେ ନିର୍ବାଚନ ପୂର୍ବରୁ ଦେଇଥିବା ପ୍ରତିଶ୍ରୁତିକୁ କାର୍ଯ୍ୟକାରୀ କରିଛନ୍ତି । ୩ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟରେ ସାଇନ୍ କରିଛନ୍ତି ମୁଖ୍ୟମନ୍ତ୍ରୀ ବିଜୟ । ପ୍ରଥମଟି ୨୦୦ ୟୁନିଟ୍ ମାଗଣା ବିଦ୍ୟୁତ୍ ପ୍ରଦାନ କରିବା । ଦ୍ୱିତୀୟଟି ଡ୍ରଗ୍ସ ରୋକିବାକୁ ଟାକ୍ସଫୋର୍ସ ଗଠନ ହେବ । ତୃତୀୟଟି ମହିଳାଙ୍କ ସୁରକ୍ଷା ସୁନିଶ୍ଚିତ କରିବାକୁ ଗଠନ ହେବ ସ୍ପେସାଲ ଟାକ୍ସଫୋର୍ସ । ବିଜୟ ତାଙ୍କର ପ୍ରଥମ ଅଭିଭାଷଣରେ କହିଥିଲେ ଯେ ସେ କୌଣସି ରାଜପରିବାରରୁ ଆସି ନାହାଁନ୍ତି, କିନ୍ତୁ ଲୋକମାନେ ତାଙ୍କୁ ସ୍ୱାଗତ ଏବଂ ଗ୍ରହଣ କରିଛନ୍ତି । ମହିଳା ସୁରକ୍ଷାକୁ ପ୍ରାଥମିକତା ଦେଇ, ସେ ମହିଳା ସୁରକ୍ଷା ପାଇଁ ଏକ ସ୍ୱତନ୍ତ୍ର ବାହିନୀ ଗଠନ କରିବା ପାଇଁ ଏକ ଫାଇଲରେ ସ୍ୱାକ୍ଷର କରିଛନ୍ତି । ଏହା ସହିତ ଘରୋଇ ଗ୍ରାହକଙ୍କୁ ୨୦୦ ୟୁନିଟ୍ ମାଗଣା ବିଦ୍ୟୁତ୍ ପ୍ରଦାନ କରିବା ପାଇଁ ପ୍ରଥମ ଫାଇଲରେ ମଧ୍ୟ ସ୍ୱାକ୍ଷର କରିଛନ୍ତି ।
ମୁଖ୍ୟମନ୍ତ୍ରୀ ବିଜୟ ଲୋକମାନଙ୍କୁ ତାଙ୍କ କାମ ପ୍ରଦର୍ଶନ କରିବା ପାଇଁ ପର୍ଯ୍ୟାପ୍ତ ସମୟ ଦେବାକୁ ଅନୁରୋଧ କରିଥିଲେ । ବିଜୟ କହିଛନ୍ତି ଯେ, ସେ ରାଜ୍ୟର ଆର୍ଥିକ ସ୍ଥିତି ଉପରେ ସ୍ୱଚ୍ଛତା ସୁନିଶ୍ଚିତ କରିବା ଏବଂ ଆଗକୁ ବଢ଼ିବା ପାଇଁ ଏକ "ଶ୍ୱେତପତ୍ର" ପ୍ରକାଶ କରିବାକୁ ବିଚାର କରୁଛନ୍ତି । ସେ ପୂର୍ବ ଡିଏମକେ ସରକାର ରାଜ୍ୟ ଉପରେ ୧୦ ଲକ୍ଷ କୋଟି ଋଣ ବୋଝ ଲଦିବାର ଅଭିଯୋଗ କରିଛନ୍ତି । ମୁଖ୍ୟମନ୍ତ୍ରୀ ଜୋସେଫ କହିଛନ୍ତି ଯେ, ସେ ମିଥ୍ୟା ପ୍ରତିଶ୍ରୁତି ଦେଇ ଲୋକଙ୍କୁ ଠକିବେ ନାହିଁ। ତାଙ୍କ ବ୍ୟତୀତ ଅନ୍ୟ କୌଣସି ଶକ୍ତି କେନ୍ଦ୍ର ରହିବ ନାହିଁ; ସେ ଏକମାତ୍ର ଶକ୍ତି କେନ୍ଦ୍ର ହେବେ ।
'ରାଜ୍ୟ ଉପରେ ୧୦ ଲକ୍ଷ କୋଟି ଟଙ୍କାରୁ ଅଧିକ ଋଣ ଅଛି'- ମୁଖ୍ୟମନ୍ତ୍ରୀ ବିଜୟ ଲୋକମାନଙ୍କୁ କହିଥିଲେ ଯେ, ସେ ୧୦ ଲକ୍ଷ କୋଟି ଟଙ୍କାରୁ ଅଧିକ ଟଙ୍କାର ଋଣ ଭାର ତଳେ ଏହି ଦାୟିତ୍ୱ ଗ୍ରହଣ କରିଛନ୍ତି । ଆମେ ଏକ ସ୍ୱଚ୍ଛ ସରକାର ପ୍ରଦାନ କରିବା ପାଇଁ ଏକ 'ଶ୍ୱେତପତ୍ର' ଜାରି କରିବୁ, ଯାହା ଦ୍ୱାରା ଜନସାଧାରଣଙ୍କୁ ତାମିଲନାଡୁର ବର୍ତ୍ତମାନର ଅବସ୍ଥା ବିଷୟରେ ସୂଚନା ଦିଆଯିବ । ମୁଁ ଜଣେ ଗରିବ 'ସହାୟକ ନିର୍ଦ୍ଦେଶକ'ଙ୍କ ପୁଅ ଥିଲି ଯିଏ ଚଳଚ୍ଚିତ୍ର ଶିଳ୍ପରେ ପ୍ରବେଶ କରିବାକୁ ଆକାଂକ୍ଷା କରିଥିଲା । ଆପଣ ମୋତେ ତାମିଲନାଡୁର ମୁଖ୍ୟମନ୍ତ୍ରୀ କରିଛନ୍ତି, । "
ଏହା ବି ପଢନ୍ତୁ...ବିନ୍ଦି-ଗଜରା ଲଗାଇ ବିଜୟଙ୍କ ଶପଥ ସମାରୋହରେ ସାମିଲ ହେଲେ ତ୍ରିଶା କ୍ରିଷ୍ଣନ, ଭାଇରାଲ ହେଲା ଲୁକ୍
ଏହା ବି ପଢନ୍ତୁ...ମୁଁ ମୁଖ୍ୟମନ୍ତ୍ରୀ ଭାବେ ପ୍ରତିଜ୍ଞା କରୁଛି...ଦୁର୍ନୀତିକୁ ଜମା ପ୍ରଶୟ ଦେବିନି, ରାଜକୋଷର ଟଙ୍କାଟିଏ ବି ଅପବ୍ୟବହାର ହେବନି
ବିଜୟ ତାଙ୍କ ଦଳକୁ ସରକାର ଗଠନ କରିବାରେ ସମର୍ଥନ କରିବା ପାଇଁ କଂଗ୍ରେସ, ଭିସିକେ ଏବଂ ବାମପନ୍ଥୀ ଦଳଗୁଡ଼ିକୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ଯେ,ଏକ ନୂତନ ଶାସନ ବ୍ୟବସ୍ଥା ଆରମ୍ଭ ହେଉଛି। ପ୍ରକୃତ, ଧର୍ମନିରପେକ୍ଷ ଏବଂ ସାମାଜିକ ନ୍ୟାୟର ଏକ ନୂତନ ଯୁଗ ଏବେ ଉଦୟ ହେଉଛି । ବିଜୟ ନିଶା ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ଦେଇଥିଲେ ଏବଂ କହିଥିଲେ ଯେ ସେ ଜନସାଧାରଣଙ୍କ ଟଙ୍କାରୁ ଗୋଟିଏ ବି ଟଙ୍କା ହାତେଇବେ ନାହିଁ । ବିଜୟ ରାହୁଲ ଗାନ୍ଧୀଙ୍କୁ କଂଗ୍ରେସ ସରକାରରେ ଯୋଗ ଦେବାକୁ ପ୍ରସ୍ତାବ ଦେଇଥିଲେ । ରାହୁଲ କହିଥିଲେ ଯେ ସେ ଏହା ଉପରେ ବିଚାର କରିବେ ।
