ନୂଆଦିଲ୍ଲୀ,୦୨/୦୫: BSNL ଅର୍ଥାତ୍ ଭାରତ ସଞ୍ଚାର ନିଗମ ଲିମିଟେଡର 4G ନେଟୱାର୍କ ସେବାକୁ ନେଇ ଗତ ବର୍ଷ କୁହାଯାଉଥିଲା ଯେ, ଦୀପାବଳି ସମୟରେ 4G ନେଟୱାର୍କ ଆରମ୍ଭ ହେବ। ଜୁନ୍ ୨୦୨୫ ସୁଦ୍ଧା 5G ମଧ୍ୟ ଆସିବ ବୋଲି ଦାବି କରାଯାଉଥିଲା। ସାଧାରଣ ଲୋକଙ୍କ ପରି, ଏବେ ବିଏସଏନଏଲ କର୍ମଚାରୀମାନେ ମଧ୍ୟ 4G ଏବଂ 5G  କେବେ ଆସିବ ସେ ବିଷୟରେ ଚିନ୍ତିତ । ଇଟି ରିପୋର୍ଟ ଅନୁଯାୟୀ, BSNL କର୍ମଚାରୀମାନେ ପ୍ରତିବାଦ କରିବାକୁ ପ୍ରସ୍ତୁତ ହେଉଛନ୍ତି। ରିପୋର୍ଟ ଅନୁଯାୟୀ, 4G ଏବଂ 5G ସେବାରେ ବିଳମ୍ବ, FTTHର ଖରାପ ପ୍ରଦର୍ଶନ ଏବଂ ଭାରତନେଟ୍ ପ୍ରୋଜେକ୍ଟରେ ବିଳମ୍ବ ଯୋଗୁଁ ଏହି ପ୍ରଦର୍ଶନ କାରିବାକୁ ପ୍ରସ୍ତୁତ କର୍ମଚାରୀମାନେ ପ୍ରସ୍ତୁତ ହେଉଛନ୍ତି ବୋଲି କୁହାଯାଉଛି।

କମୁଛି ବିଏସ୍‌ଏନ୍‌ଏଲ୍‌ ଉପଭୋକ୍ତା ସଂଖ୍ୟା:

ବିଏସଏନଏଲର କର୍ମଚାରୀମାନେ ମଧ୍ୟ ଅସନ୍ତୁଷ୍ଟ ଯେ ଲୋକମାନେ ସରକାରୀ କମ୍ପାନୀର ନେଟୱାର୍କ ଛାଡ଼ି ପ୍ରାଇଭେଟକୁ ଆପଣାଉଛନ୍ତି। କିନ୍ତୁ ବିଏସଏନଏଲର ରିଚାର୍ଜ ପ୍ଲାନଗୁଡ଼ିକ ଅନ୍ୟମାନଙ୍କ ତୁଳନାରେ ଶସ୍ତା। ଏହି କାରଣରୁ BSNL ଏବେ କ୍ଷତି ସହୁଛି। କର୍ମଚାରୀମାନେ ମେ ୧୬ରୁ ପ୍ରତିବାଦ ଆରମ୍ଭ କରିବାକୁ ଯାଉଛନ୍ତି ଏବଂ ତିନି ଦିନ ଧରି ଧାରଣା ମଧ୍ୟ ଦେବେ ବୋଲି କୁହାଯାଉଛି।

FTTH ପ୍ରଦର୍ଶନ ଖରାପ:

BSNLର FTTH ସେବା ଅର୍ଥାତ୍ ଫାଇବର ଇଣ୍ଟରନେଟ୍ ସେବା ମଧ୍ୟ ଭଲ ପ୍ରଦର୍ଶନ କରୁନାହିଁ। ଆଉ ଏକ କଥା ହେଉଛି ଯେ, କମ୍ପାନୀ ବିଭିନ୍ନ ସର୍କଲରେ ଲାଇଭ୍ ଟିଭି ଚ୍ୟାନେଲ ମଧ୍ୟ ଯୋଡ଼ୁଛି। ଏହା ସତ୍ତ୍ୱେ, ଯେଉଁଠାରେ ଏୟାରଟେଲ୍ ଏବଂ ଜିଓର ଫାଇବର ଇଣ୍ଟରନେଟ୍ ପହଞ୍ଚିଛି, ସେମାନେ ଅଧିକ ଲୋକଙ୍କୁ ସେମାନଙ୍କ ସହିତ ଯୋଡ଼ିପାରିଛନ୍ତି। ସାଟେଲାଇଟ୍ ଇଣ୍ଟରନେଟ୍ ସେବା ଆରମ୍ଭ ହେବା ପରେ BSNL ପାଇଁ ଚ୍ୟାଲେଞ୍ଜ ଆହୁରି ବଢ଼ିପାରେ ବୋଲି ମଧ୍ୟ ଚିନ୍ତା ରହିଛି।

ଭାରତନେଟ୍ ପ୍ରକଳ୍ପ ମନ୍ଥର ଗତିରେ ବଢ଼ୁଛି:

ଭାରତନେଟ୍ ପ୍ରୋଜେକ୍ଟର ବିଶେଷ କଥା ହେଉଛି ଏହାର ଅଧିକାଂଶ କାମ ସରକାରୀ କମ୍ପାନୀଗୁଡ଼ିକୁ ଦିଆଯାଇଛି। କିନ୍ତୁ ଏହି ପ୍ରକଳ୍ପ ଅତି ମନ୍ଥର ଗତିରେ ଚାଲିଛି। ରିପୋର୍ଟ ଅନୁଯାୟୀ, ଭାରତୀୟ ଟେଲିକମ୍ ଫୋରମ୍ BSNL ର ସିଏମ୍‌ଡି ରବର୍ଟ ଜେ ରବିଙ୍କୁ ଏକ ଚିଠି ଲେଖିଛନ୍ତି। ଏଥିରେ କୁହାଯାଇଛି ଯେ ସରକାରଙ୍କ ସମର୍ଥନ ସତ୍ତ୍ୱେ, କମ୍ପାନୀ ଏହାର 4G ଏବଂ 5G ସେବା ଆରମ୍ଭ କରିବାରେ ଅସୁବିଧାର ସମ୍ମୁଖୀନ ହେଉଛି। ଉଲ୍ଲେଖଯୋଗ୍ୟ ଯେ ଗତ ବର୍ଷ ଜୁଲାଇରେ ଟେଲିକମ୍ କମ୍ପାନୀଗୁଡ଼ିକ ରିଚାର୍ଜ ପ୍ଲାନଗୁଡ଼ିକୁ ମହଙ୍ଗା କରିଦେଇଥିଲେ। ଏହାଦ୍ୱାରା BSNL ଲାଭବାନ ହୋଇଥିଲା। ବହୁ ସଂଖ୍ୟକ ଲୋକ BSNL ନେଟୱାର୍କକୁ ସ୍ୱିଚ୍ କରିଥିଲେ, କିନ୍ତୁ ଭଲ ନେଟୱାର୍କ ଏବଂ ଦ୍ରୁତ ଇଣ୍ଟରନେଟ୍ ଅଭାବରୁ, ଲୋକମାନେ ପୁଣି ଥରେ BSNL ଛାଡ଼ି ଅନ୍ୟ ନେଟୱାର୍କକୁ ଆପଣେଇଛନ୍ତି।