ନୂଆଦିଲ୍ଲୀ ୨୭/୦୪: ଶିଶୁ କନ୍ୟାଙ୍କ ମସ୍ତିଷ୍କ କାର୍ଯ୍ୟକଳାପ ପୁଅଙ୍କ ମସ୍ତିଷ୍କ କାର୍ଯ୍ୟକଳାପ ତୁଳନାରେ ଅଧିକ ଜଟିଳ । ଏକ ସଦ୍ୟ ଅଧ୍ୟୟନ ଏହା ଜାଣିବାକୁ ପାଇଛି । ଅଧ୍ୟୟନ ପାଇଁ ଜର୍ମାନୀର ତୁବିନ୍ଜେନ ବିଶ୍ୱବିଦ୍ୟାଳୟର ଅଧ୍ୟୟନକର୍ତ୍ତା ଜୋଏଲ ଫ୍ରୋଲିଚ ଓ ତାଙ୍କ ସହକର୍ମୀ ଏକ ଇମେଜିଂ କୌଶଳ ପ୍ରୟୋଗ କରିଥିଲେ, ଯାହାର ନାମ ‘ମ୍ୟାଗ୍ନେଟୋଏନ୍ସେଫାଲୋଗ୍ରାଫି’ (ଏମ୍ଇଜି) । ଭ୍ରୂଣ ଓ ଶିଶୁଙ୍କଠାରେ ମସ୍ତିଷ୍କର ବୈଦ୍ୟୁତିକ ପ୍ରବାହ ଦ୍ୱାରା ଉତ୍ପନ୍ନ ଚୁମ୍ବକୀୟ କ୍ଷେତ୍ରକୁ ମାପିବା ଲାଗି ସେମାନେ ଏହି କୌଶଳ ପ୍ରୟୋଗ କରିଥିଲେ । ଭ୍ରୂଣ ଓ ଶିଶୁଙ୍କଠାରେ ସ୍ନାୟୁ ପ୍ରଣାଳୀର ବିକାଶ ବେଳେ ମସ୍ତିଷ୍କରେ ସଙ୍କେତର ଜଟିଳତା ହ୍ରାସ ପାଇଥିବା ସେମାନେ ଲକ୍ଷ୍ୟ କଲେ । ଶିଶୁ କନ୍ୟାଙ୍କ ତୁଳନାରେ ଶିଶୁ ପୁତ୍ରଙ୍କଠାରେ ଏହା ଗୁରୁତ୍ୱପୂର୍ଣ୍ଣ ଭାବେ ଦ୍ରୁତ ହ୍ରାସ ପାଇଥିଲା ।
୪୩ ସପ୍ତାହର ଭ୍ରୂଣ ଓ ୧୩ରୁ ୫୯ ବର୍ଷୀୟଙ୍କଠାରେ ସେମାନେ ଏମ୍ଇଜି ପ୍ରୟୋଗ କରିଥିଲେ । ଏଥିରେ ବିଭିନ୍ନ ସ୍ତରର ବିପ୍ ଶବ୍ଦ କରୁଥିବା ଶବ୍ଦ ଉତ୍ତେଜକ ସଂଶ୍ଳିଷ୍ଟ ଥିଲା । ଗୋଟିଏ କ୍ରମରେ ୪ ବିପ୍ ଶବ୍ଦ ଥିଲା, ପ୍ରତ୍ୟେକ ୨୦୦ ମିଲିସେକେଣ୍ଡ୍ର ଥିଲା ଏବଂ ୪୦୦ ମିଲିସେକେଣ୍ଡ୍ ଅନ୍ତରରେ ପୃଥକ ହେଉଥିଲା । ଏକ ସାଉଣ୍ଡ୍ ବେଲୁନ୍କୁ ଗର୍ଭବତୀ ମହିଳାଙ୍କର ପେଟ ଓ ଏମ୍ଇଜି ସେନ୍ସର ମଧ୍ୟରେ ଦବାଇ ଏହି ଶବ୍ଦକୁ ଭ୍ରୂଣଙ୍କ ଲାଗି ଶୁଣାଗଲା । ଶବ୍ଦ ଉତ୍ତେଜକକୁ ଶୁଣି ବୈଜ୍ଞାନିକମାନେ ଭ୍ରୂଣଙ୍କ ଚୁମ୍ବକୀୟ ମସ୍ତିଷ୍କ କାର୍ଯ୍ୟକଳାପକୁ ରେକର୍ଡ କଲେ । ଏମ୍ଇଜି ସଙ୍କେତର ଜଟିଳତା ପ୍ରଦର୍ଶନ କରୁଥିବା ଅନେକ ଭିନ୍ନ ଭିନ୍ନ କାର୍ଯ୍ୟଗୁଡ଼ିକର ସେମାନେ ଗଣନା କଲେ । କୌଣସି ପରିଚିତ ସ୍ୱାସ୍ଥ୍ୟ ସମସ୍ୟା ନ ଥିବା ବୟସ୍କଙ୍କଠାରେ ବିଭିନ୍ନ କାର୍ଯ୍ୟକଳାପରେ ଉଚ୍ଚ ସ୍ତରୀୟ ସ୍ନାୟବିକ ଜଟିଳତା ଯୋଜନା ଓ ନିଷ୍ପତ୍ତି ନେବା ଭଳି ଉତ୍ତମ ପ୍ରଦର୍ଶନ ଓ ଦ୍ରୁତ ପ୍ରତିକ୍ରିୟା ସହିତ ସଂଶ୍ଳିଷ୍ଟ ଥିଲା ।
ଅନ୍ୟପକ୍ଷେ, ସୂଚନା ପ୍ରକ୍ରିୟାକରଣ ନିମନ୍ତେ ସାମର୍ଥ୍ୟ ହ୍ରାସ ପାଉଥିବା ଭଳି ସ୍ଥିତିରେ ସ୍ନାୟବିକ ଜଟିଳତାର ନିମ୍ନ ସ୍ତର ଦେଖିବାକୁ ମିଳିଥିଲା । ଏଥିରୁ ଗବେଷକମାନେ ଅନୁମାନ କରୁଛନ୍ତି, ଲିଙ୍ଗ ପାର୍ଥକ୍ୟ ପୁଅ ଓ ଝିଅଙ୍କ ସ୍ନାୟବିକ ପ୍ରଣାଳୀର ବିକାଶରେ ଅନ୍ତର୍ନିହିତ ଅନ୍ତରର କାରଣ ହୋଇପାରେ ।
