ପ୍ରମୁଖ ଖବର
  • ପୁରୀ : ଶ୍ରୀମନ୍ଦିର ହୁଣ୍ଡିରୁ ମିଳିଲା ୧ କେଜି ସୁନା, ବଜାର ମୂଲ୍ୟ ୭୦ଲକ୍ଷରୁ ଅଧିକ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ମୋଦି, ବାଲେଶ୍ଵର, ବାରିପଦା, ଓ କେନ୍ଦ୍ରାପଡ଼ାରେ କରିବେ ପ୍ରଚାର
  • ||
  • ଭୁବନେଶ୍ଵର : କଂଗ୍ରେସ ପାଇଁ ପ୍ରଚାର କରିବାକୁ ଓଡ଼ିଶା ଆସୁଛନ୍ତି ଖଡଗେ, ଆସନ୍ତାକାଲି ସିମୁଳିଆରେ ରାହୁଲଙ୍କ ସମାବେଶ
  • ||
  • ଫେରିଲା ଗ୍ରୀଷ୍ମ ପ୍ରବାହ, ୩୧ ଯାଏଁ ତାପମାତ୍ରା ୨ ରୁ ୪ ଡିଗ୍ରୀ ବଢିବ, ଗୁଳୁଗୁଳି ସାଙ୍ଗକୁ କଲବଲ କରିବ ତାତି
  • ||

ଯୁଦ୍ଧବିରତି ସର୍ତ୍ତରେ ରାଜି ହମାସ, ଲକ୍ଷେ ଲୋକଙ୍କୁ ଘର ଛାଡ଼ିବାକୁ ନିର୍ଦ୍ଦେଶ

ଜେରୁଜେଲମ,୦୭/୦୫: ଗାଜାରେ  ଇସ୍ରାଏଲ ଏବଂ ହମାସ ମଧ୍ୟରେ ୭ ମାସ  ଧରି ଜାରି ଥିବା ଯୁଦ୍ଧକୁ ରୋକିବା ଲାଗି  ଇଜିପ୍ଟ ଏବଂ କତାର ପ୍ରସ୍ତାବରେ ହମାସ ରାଜି ହୋଇଛି । ହମାସ୍‌ ମୁଖ୍ୟ ଲିଡର ଇସ୍‌ମାଇଲ  ହାନିୟେ କତାର ପ୍ରଧାନମନ୍ତ୍ରୀ ଏବଂ ଇଜିପ୍ଟ  ଗୁଇନ୍ଦା ମୁଖ୍ୟଙ୍କ ପ୍ରସ୍ତାବକୁ ମାନିଥିବା କହିଛନ୍ତି । 

ସୂଚନା ଅନୁସାରେ, ଇସ୍‌ମାଇଲ କତାର ପ୍ରଧାନମନ୍ତ୍ରୀ ଶେଖ ମହମ୍ମଦ ବିନ୍‌ ଅବୁଦଲରେହମାନ ଅଲ୍‌ ଥାନି ଏବଂ ଇଜିପ୍ଟ  ଗୁଇନ୍ଦା ମନ୍ତ୍ରୀ ଅବାସ କାମେଲଙ୍କୁ ଫୋନ୍‌ କରି ସେମାନଙ୍କ ପକ୍ଷରୁ ହମାସକୁ ଯୁଦ୍ଧବିରତି ପାଇଁ ଦିଆଯାଇଥିବା ପ୍ରସ୍ତାବରେ ସହମତ ହୋଇଥିବା କହିଛନ୍ତି । ତେବେ ଇସ୍ରାଏଲ ଏହି ପ୍ରସ୍ତାବରେ ରାଜି ହେଉଛି କି ନା ତାହା  ଦେଖିବା ବାକି ରହିଲା । ଏହା ପୂର୍ବରୁ ଇସ୍ରାଏଲ  ହମାସକୁ ସପ୍ତାହେ ସମୟ ଦେଇ ବନ୍ଧକଙ୍କୁ  ମୁକ୍ତ କରିବାକୁ କହିଥିଲା । ଏହା ନ କଲେ  ଇସ୍ରାଏଲ ଗାଜାର ଦକ୍ଷିଣ ସହର ରାଫାରେ  ଜୋରଦାର ଆକ୍ରମଣ କରିବ ବୋଲି ଚେତାବନୀ  ଦେଇଥିଲା । ଇସ୍ରାଏଲର ଏପରି ପଦକ୍ଷେପ  ପାଲେଷ୍ଟାଇନରେ ମାନବୀୟ ସଙ୍କଟକୁ ଆହୁରି  ଗମ୍ଭୀର କରିବ ବୋଲି କହି ତୁର୍କୀ ଇସ୍ରାଏଲ ସହ ସବୁ ପ୍ରକାର ରପ୍ତାନୀ ଆମଦାନୀ ବନ୍ଦ କରିଛି ।  

ଇସ୍ରାଏଲ ସେନା ଗାଜାର ପୂର୍ବ ରାଫାରେ ଭିନ୍ନ ଭିନ୍ନ ସ୍ଥାନରେ ରହୁଥିବା ପ୍ରାୟ ୧ ଲକ୍ଷ  ଲୋକଙ୍କୁ ତୁରନ୍ତ ଘର ଛାଡ଼ିବାକୁ ଆଦେଶ  ଦେଇଛି। ଇସ୍ରାଏଲ ସୀମା ନିକଟବର୍ତ୍ତୀ  ଅଞ୍ଚଳରେ ରହୁଥିବା ଲୋକଙ୍କୁ ଖାନ୍‌ ୟୁନିସ୍‌  ଏବଂ ଅଲ୍‌-ମୱାସୀ ଯିବାକୁ କୁହାଯାଇଛି ।  ଦକ୍ଷିଣ ଗାଜାରେ ଇସ୍ରାଏଲ ଆକ୍ରମଣ କରିବା  ପୂର୍ବରୁ ଲୋକଙ୍କୁ ଏହି ନିର୍ଦ୍ଦେଶ ଜାରି କରିଛି । 

ଏହି ଚେତାବନୀ ପରେ ଆମେରିକା ରାଷ୍ଟ୍ରପତି ଜୋ ବାଇଡେନ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ସହ ଫୋନ କରି  କଥା ହୋଇଛନ୍ତି । ଯେ ପର୍ଯ୍ୟନ୍ତ ରାଫାରେ ରହୁଥିବା ଲୋକଙ୍କୁ ସେଠାରୁ ସୁରକ୍ଷିତ ଭାବେ ବାହାର ନ କରାଯାଇଛି ସେପର୍ଯ୍ୟନ୍ତ ରାଫାରେ ଇସ୍ରାଏଲର ଆକ୍ରମଣକୁ ଆମେରିକା କେବେ ସମର୍ଥନ କରିବ ନାହିଁ ବୋଲି ବାଇଡେନ୍‌ ଦୋହରାଇଛନ୍ତି । ତେବେ ଇସ୍ରାଏଲ  କେବେ ରାଫାରେ ଆକ୍ରମଣ କରିବ ତାହା ଜଣାପଡ଼ିନାହିଁ । ଇସ୍ରାଏଲର ଚେତାବନୀ ପରେ ଲୋକେ ସୁରକ୍ଷିତ ସ୍ଥାନକୁ ନିଜ ଆସବାବପତ୍ର  ଧରି ବାହାରିଛନ୍ତି । ରାଫାରେ ପ୍ରାୟ ୧୦ ଲକ୍ଷ  ଲୋକ ଶରଣ ନେଇଛନ୍ତି।

  • PrameyaOdia
  • prameya
  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.