ଭୁବନେଶ୍ୱର, ୦୫/୦୨: ଭୁ-ରାଜନୈତିକ ସମସ୍ୟା ଏବଂ ବିଭିନ୍ନ ପ୍ରକାର ଅନିଶ୍ଚିତତା ମଧ୍ୟରେ ବଢୁଛି ସୁନାର ଚମକ। ସୁନା ଦରରେ ବଡ଼ ଧରଣର ବୃଦ୍ଧି ଦେଖିବାକୁ ମିଳିଛି। ୧୦ ଗ୍ରାମ ପିଛା ୨୪ କ୍ୟାରେଟ୍ ସୁନା ଦର ୮୫,୦୦୦ ଟଙ୍କା ପାର୍ କରିଛି । ରାଜଧାନୀ ଭୁବନେଶ୍ୱରରେ ୧୦ ଗ୍ରାମ ପିଛା ୨୨ କ୍ୟାରେଟ୍ ଏବଂ ୨୪ କ୍ୟାରେଟ୍ ସୁନା ଦର ଯଥାକ୍ରମେ ୧,୦୫୦ ଏବଂ ୧,୧୫୦ ଟଙ୍କା ମହଙ୍ଗା ହୋଇଛି । ଉଭୟର ଦର ଯଥାକ୍ରମେ ୭୮,୧୦୦ ଟଙ୍କା ଏବଂ ୮୫,୨୦୦ ଟଙ୍କା ହୋଇଛି ।
ନୂଆବର୍ଷରେ ସୁନା ୬,୦୦୦ ଟଙ୍କାରୁ ଅଧିକ ମହଙ୍ଗା ହୋଇଛି। ଅନ୍ୟପକ୍ଷରେ, କିଲୋଗ୍ରାମ ପିଛା ରୁପା ଦର ୧୦୦୦ ଟଙ୍କା ହ୍ରାସ ପାଇ ୧,୦୬,୦୦୦ ଟଙ୍କା ହୋଇଥିବା ଜଣାପଡ଼ିଛି । ଗତବର୍ଷ ସୁନା ଦର ୨୦.୨୨% ବଢିଛି । ସେହିଭଳି ରୁପା ୧୭.୧୯% ରିଟର୍ଣ୍ଣ ଦେଇଛି ।
ଏହି ଖବରଟିକୁ ପଢନ୍ତୁ-ପ୍ରତି ମାସ ୨୫୦ଟଙ୍କାର SIPରେ କରି ପାରିବେ ନିବେଶ , ପ୍ରସ୍ତାବ ଉପରେ ରାୟ ମାଗିଲା SEBI
