ନୂଆଦିଲ୍ଲୀ,୧୯/୧୨ : ରାମମୋହନ ରାଓ ଅମରାଙ୍କୁ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ(ଏସବିଆଇ)ର ପରିଚାଳନା ନିର୍ଦ୍ଦେଶକ ଭାବରେ ନିଯୁକ୍ତ କରିଛନ୍ତି କେନ୍ଦ୍ର ସରକାର । ୩ ବର୍ଷ ଲାଗି ତାଙ୍କୁ ନିଯୁକ୍ତ କରାଯାଇଛି । ରାଓଙ୍କ ନିଯୁକ୍ତି ଚଳିତ ବର୍ଷ ସେପ୍ଟେମ୍ବରରେ ଆର୍ଥିକ ସେବା ପ୍ରତିଷ୍ଠାନ ବ୍ୟୁରୋ (FSIB)ର ସୁପାରିଶ ପରେ ଦିଆଯାଇଛି । ଅଗଷ୍ଟ ମାସରେ ସିଏସ୍ ଶେଟ୍ଟି ଅଧ୍ୟକ୍ଷ ହେବା ପରେ ଏହି ପଦବୀ ଖାଲି ହୋଇଯାଇଥିଲା।
MD ନିଯୁକ୍ତ ହେବା ପୂର୍ବରୁ ରାଓ ଦେଶର ସର୍ବବୃହତ ବ୍ୟାଙ୍କ ଏସବିଆଇରେ ଡେପୁଟି ମ୍ୟାନେଜିଂ ଡାଇରେକ୍ଟର ଭାବରେ କାର୍ଯ୍ୟ କରୁଥିଲେ। ବ୍ୟୁରୋ ପକ୍ଷରୁ ଦିଆଯାଇଥିବା ବିବୃତ୍ତି ଅନୁଯାୟୀ, FSIB ଏହି ପଦ ପାଇଁ ଚୟନ କରିବା ପୂର୍ବରୁ ଏସବିଆଇରେ ପରିଚାଳନା ନିର୍ଦ୍ଦେଶକ ପଦ ପାଇଁ ୯ଜଣ ପ୍ରାର୍ଥୀଙ୍କୁ ସାକ୍ଷାତକାର ନେଇଥିଲା।
