ନୂଆଦିଲ୍ଲୀ,୧୧/୧୧: ରଦ୍ଦି ସାମଗ୍ରୀ ବିକ୍ରି କରି କେନ୍ଦ୍ର ସରକାର ଜବରଦସ୍ତ ଆୟ କରିବାକୁ ସକ୍ଷମ ହୋଇଛନ୍ତି । ଗତ ୩ ବର୍ଷରେ ସରକାର ଏଭଳି ସାମଗ୍ରୀ ବିକ୍ରି କରି ୨୩୬୪  କୋଟି ଟଙ୍କା ଆୟ କରିଥିବା ଶିଳ୍ପ ଏବଂ ଆନ୍ତଃ  ବାଣିଜ୍ୟ ପ୍ରୋତ୍ସାହନ ବିଭାଗ (ଡିପିଆଇଆଇଟି) ପକ୍ଷରୁ ସୂଚନା ମିଳିଛି । ବିଭିନ୍ନ ସରକାରୀ କାର୍ଯ୍ୟାଳୟରୁ ବିକ୍ରି କରାଯାଇଛି ଏହି ରଦ୍ଦି ସାମଗ୍ରୀ । ସ୍ୱରାଷ୍ଟ୍ର ମନ୍ତ୍ରୀ ଜିତେଜ୍ର ସିଂ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏ ନେଇ ଏକ ପୋଷ୍ଟ କରିଛନ୍ତି ।  

ସରକାର ସ୍ୱଚ୍ଛତା ଅଭିଯାନକୁ ବ୍ୟାପକ କରିଛନ୍ତି ।  ଏହା ମଧ୍ୟରେ ଦସ୍ତାବିଜ ସହ ଇ-ଫାଇଲ  ସାମିଲ ରହିଛି । ଏହି ଅଭିଯାନରୁ ସରକାର ଚଳିତ ବର୍ଷ ୬୫୦.୧୦ କୋଟି ଟଙ୍କା ଆୟ  କରିବାକୁ ସକ୍ଷମ ହୋଇଛନ୍ତି ବୋଲି କହିଛନ୍ତି ଶ୍ରୀ ସିଂ ।  ସରକାରୀ କାର୍ଯ୍ୟାଳୟରେ ପଡିଥିବା ବିଭିନ୍ନ ଅନାବ୍ୟଶ୍ୟକ ସାମଗ୍ରୀ ଯଥା ଫାଇଲ  ଗୁଡିକୁ ବିଭିନ୍ନ ସମୟରେ ରିଭ୍ୟୁ କରିବାକୁ  ପଡିଥାଏ । ଚତୁର୍ଥ ଥର ଲାଗି ସରକାର ଏଭଳି ଅଭିଆନ ଆରମ୍ଭ କରିଛନ୍ତି । ଏହାକୁ ସ୍ପେଶାଲ  କ୍ୟାମ୍ପେନ ୪.୦ ନାମ ଦିଆଯାଇଥିଲା । ଏହା  ଦ୍ୱାରା ରାଜକୋଷକୁ ଅର୍ଥ ଆସିବା ସହ ସରକାରୀ ବିଭାଗରେ ସ୍ୱଚ୍ଛତାରେ ସହାୟକ  ହୋଇଛି ବୋଲି କହିଛନ୍ତି ସରକାର । କେନ୍ଦ୍ର ମନ୍ତ୍ରୀ ଶ୍ରୀ ସିଂଙ୍କ ପୋଷ୍ଟକୁ ନେଇ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିକ୍ରିୟା  ଦେଇଛନ୍ତି । ଶ୍ରୀ ମୋଦି ଏକ୍ସ ପୋଷ୍ଟରେ  ଲେଖିଛନ୍ତି, ଏହା ଏକ ପ୍ରଶଂସନୀୟ କାର୍ଯ୍ୟକ୍ରମ ।  ଦକ୍ଷ ପରିଚାଳନା ଓ କାର୍ଯ୍ୟଧାରା ଯୋଗୁ ଏଭଳି  ସଫଳତା ସରକାରଙ୍କୁ ମିଳିଛି । ଏହା ସ୍ୱଚ୍ଛତା ଏବଂ ଆର୍ଥିକ ପ୍ରଗତି କ୍ଷେତ୍ରରେ  ଯୋଗଦାନ ଦେବ । 




ଏହି କ୍ୟାମ୍ପେନ ଅଧିନରେ ୪୫ ଲକ୍ଷ  ଫାଇଲର ସମୀକ୍ଷା କରାଯିବା ୨୫.୧୯ ଫାଇଲ  ହଟାଯାଇଥିଲା । ୫.୯୭ ଲକ୍ଷ ସ୍ଥାନରେ ସ୍ୱଚ୍ଛତା  କାର୍ଯ୍ୟକ୍ରମ ଗ୍ରହଣ କରାଯାଇଥିଲା । ଏହା ଦ୍ୱାରା  ୧.୯୦ ଲକ୍ଷ ବର୍ଗଫୁଟ ସ୍ଥାନ ଖାଲି କରିବାକୁ  ସରକାର ସକ୍ଷମ ହୋଇଛନ୍ତି । ୫.୫୫ ଲକ୍ଷ  ଅଭିଯୋଗର ଶୁଣାଣି କରିଛନ୍ତି ସରକାର ।  

୨୦୨୩ରେ ୨.୫୯ ଲକ୍ଷ ସ୍ଥାନରେ ଅନୁଷ୍ଠିତ  ହୋଇଛି ଏହି କାର୍ଯ୍ୟକ୍ରମ । ଏହି କାର୍ଯ୍ୟକ୍ରମକୁ  ମନ୍ତ୍ରୀ, ରାଷ୍ଟ୍ରମନ୍ତ୍ରୀ ଏବଂ ସଚିବାଳୟ ସ୍ତରରେ ମଧ୍ୟ  ସମୀକ୍ଷା କରାଯାଇଥିଲା । ଏଥିଲାଗି ମଧ୍ୟ ଏକ  ସ୍ୱତନ୍ତ୍ର ପୋର୍ଟାଲ ବ୍ୟବସ୍ଥା ଗ୍ରହଣ କରାଯାଇଥିଲା ।